الموضوع: انسينى انا صبرى انتهى ......(بفكر اتطوع فى الجيش ) دعوة لنقاش مع واحد مجنون

عاوز بردو اقولك انى مش عايز البدلة والمكتب
انا الى اخترت بعد ما خلصت كلية انى اشتغل ولو اى حاجة مش هقدر اقعد فى البيت
انا وقفت فى سوق من الاسواق الشعبية على فرش فى الشارع ومكنش هاممنى على الغم من ان اسرتى ميسورين والحمدالله وقرايبى فى اوضاع لا بأس بها بس انا اعتدت انى مطلبش حاجة من حد اتربيت على كدة
الانكسار نقطة كبيرة اوى
انا لما قلت مؤهل عالى لم اقصد بيها التعالى لكن كنت قاصد بيها كونك ممكن تمس عرببيت الصنيعى او تنضف فى الورشة شيى صعب عليك بس للاسف مكنش عندى بديل علشان انا دورت كتير
منكرش اتعلمت الدنيا فى شغلى فى السوق اتعلمت معاملة الصنايعية ودة بعد شغلى التانى
الكلام دة فادنى حاليا
بس بعد اية احساسك جواك انك مكسور ومش هتقدر تقوم علشان مفيش حاجة بتمشى صح

المشاركة الأصلية كتبت بواسطة fadod

صديقي العزيز viper أنا حاسس بكلامك ومعاناتك ، الله في العون هنعمل إيه ، داه حال البلد 95% من البلد بتكافح وتشقي علشان ال-5% اللي باقيين يستمتعو بعيشتهم ونعم العدل والمساوة
للأسف وبغض النظر عن موضوع الخدمة في الجيش الاميركي واللي فتحتها قبل كدة وموضوع حلال وحرام وتجوز أو لأ ، ماينفعش تخدم من غير مايكون معك علي الاقل ال-green card أو الإقامة الدائمه ، غير انك لازم تكون بتكلم إنجليزي مستوى علي وبيعملولك إمتحانات وكدة ،
بس نيجي ونتكلم علي موضوع الزيارة ، لو تحب تجي زيارة هنا أنا ممكن أساعدك راسلني علي الخاص . بس لازم تعرف انها فيها مخاطرة من أول التقديم علي الفيزا لغاية الشغل هنا ، هتيجي وتدور علي شغل و إحتمال كبير أوي يكون ذي اللي بتحكي عليه في مصر كنوعيه شغل بس فلوس أكتر بكتير ومفيش إحساس بالذل أو المهانه من أي حد .غالباً شغل مطاعم أو ورش بس بعد فتره 6 أشهر ممكن تكون عملت حاجة كويسة تساعدك لو نزلت مصر.


أميركا بتسحب قوتها من العراق تدريجياً ، علشان بحلول 2012 لازم مايكونش فيه امريكان هناك ، المفاجاة إن العراق بتتحايل علي أمريكا انها تقعد ..ولو بالفلوس لحماية السلطة ولسة ناس بتقول داه إحتلال. كلمة إحتلال ديه انتهت من سنين كتيرة ومفيش حد بيسيب بلده تحتل إلا لو كان فيه مجموعة من الشعب داه مستفادة من الاحتلال اللذيذ الجميل واللي ذي العسل علي قلوبهم.
بالظبط ذي مافيه إحتلال أميركي لقطر والسعودية والامارات ..أما سورية وإيران فربنا كرمهم وهزموا الاحتلال داه ..
أنا بس حبيت أرد علي الناس اللي ديماً بتعتبر إن الغرب علي طول هو السبب ، لو هما غلطانين قيراط فاحنا اللي إدنلهم الحق داه، بس للأسف مبنشفش عيوبنا
أنا واحد من مليون ونص مصري يفخرو بكونهم مصريين اميركيين، وعمري مافكرت أتنازل عن جنسيتي المصرية. حتي ولو ملهاش فايدة ليا.لأن ديه بلدي اللي إتربيت فيها وعلمتني . بس مش عايز واحد إبن حلال مصفي يطلع ويكفرني ويكفر اللي معاهم الجنسية لأنهم عايشين في البلد اللي بتحارب المسلمين وبتقتل فيهم واللي ممكن نلقي نفسنا لازم نحاربهم لو طلبو مننا ،،ولو دورت علي العيب هتلقيه من البلد نفسها ومن مجموعة من المرتزقة اللي عايشين فيها وواكلين حق الناس كلها .دول اللي خلو البلد ديه استحاله تعيش فيها وهما السبب اللي خلاني أنا و viper نفكر نسيب بلدنا وأهلنا ونروح ندور علي مكان تاني
دلوقتي مفروض الخمسة ولا 6 مليون اللي مهاجرين لأميركا وأوروبا يرجعو مصر ويزود عليكو الطنة بلله ، ويزاحمكوا في رغيف العيش اللي مش لقينه ، بدل متقدرو غربتهم وبعدهم عن بلدهم وأهلهم

شكرا لحضرتك على الرد انا كدة فهمت اية سبب عدم ردك عليا على الخاص
كويس ان حضرتك فهمتنى
انا عارف ان لازم يكون فية جرين كارد بس هى كانت فكرة دارت فى عقلى
اتمنى انى اقدر احقق ولو جزى من احلامى
وان شاء الله هراسل حضرتك على الخاص للتاعرف (وممكن علشان اعرف شروط الزيارة لو مكانش فى غيرها )
واشكر حضرتك مرة تاني على تفهمك الاحساس الى كان جوايا

ياريت حضرتك كمان متحاولش تبص لغيرك لان ده هيخليك دايما يائس حتي لو انت حالتك ممتازه

والرزق ده بايد ربنا وربنا فضل ناس عن ناس في الرزق

ويارب يفك ازمتك ويهون عليك وتبقي احسن واحد في شغلك باذن الله

المشاركة الأصلية كتبت بواسطة shaddadfalcon1

ياريت حضرتك كمان متحاولش تبص لغيرك لان ده هيخليك دايما يائس حتي لو انت حالتك ممتازه

والرزق ده بايد ربنا وربنا فضل ناس عن ناس في الرزق

ويارب يفك ازمتك ويهون عليك وتبقي احسن واحد في شغلك باذن الله

على رغم ان حضرتك بصيتلى غلط فى الموضوع
انا مش ببص على رزق لكن انا بتكلم انك انت مثلا عندك خبرة فى مجال معين وبتاخد 100 جنية وبيجيلك شخص تانى علشان تعلمة وتعرف انو بياخد اكتر منك اظن هنا دة مش بص لرزق حد دة طلب لحقق المهدر
امين يارب العالمين

للأسف أنا أعرف شاب نفس الظروف دي وحاليا هو مترجم للجيش الامريكي في العراق مع إنه من اصول ريفية ولكن دلوقتي بقى زي الفل وعيشة تانية و هياخد جنسية امريكية كمان زيه زي العراقيين المترجمين.

مش هقول انه مبسوط او مش مبسوط. لكن كفاية اقولك انه الحد عن دينه و حياته وقيم الفلاحين اللي اتربى عليها و كل دا اتمسح بأستيكة و بقت أسهل حاجة عنده لعن اهله و لعن البلد كلها.

معرفش هل دا لانه فقد الانتماء لأهم حاجة وهي بلده ولا دا بسبب ايه..

لكن اللي أعرفه إن الانتماء لمكان ما في الأرض حتى ولو كان شارع، إحساس جميل بيديك دايما دافع في أوقات المحنة والشدّة، و أيوة البلد دي فاسدة و ناس كتيرة متستحقش تمسك أي منصب فيها....لكن هنعمل ايه بلدنا يا اخي ومجبرين عليها زي ماهي مجبرة ان احنا النصابين اللي بننصب على بعض عايشين فيها وبنشتمها هي!.

وفي الأخر هقولك كلها أرض الله ويمكن رزقك هناك. ربنا معاك و يهديك للاختيار اللي في مصلحتك.

المشاركة الأصلية كتبت بواسطة r0xer

للأسف أنا أعرف شاب نفس الظروف دي وحاليا هو مترجم للجيش الامريكي في العراق مع إنه من اصول ريفية ولكن دلوقتي بقى زي الفل وعيشة تانية و هياخد جنسية امريكية كمان زيه زي العراقيين المترجمين.

مش هقول انه مبسوط او مش مبسوط. لكن كفاية اقولك انه الحد عن دينه و حياته وقيم الفلاحين اللي اتربى عليها و كل دا اتمسح بأستيكة و بقت أسهل حاجة عنده لعن اهله و لعن البلد كلها.

معرفش هل دا لانه فقد الانتماء لأهم حاجة وهي بلده ولا دا بسبب ايه..

لكن اللي أعرفه إن الانتماء لمكان ما في الأرض حتى ولو كان شارع، إحساس جميل بيديك دايما دافع في أوقات المحنة والشدّة، و أيوة البلد دي فاسدة و ناس كتيرة متستحقش تمسك أي منصب فيها....لكن هنعمل ايه بلدنا يا اخي ومجبرين عليها زي ماهي مجبرة ان احنا النصابين اللي بننصب على بعض عايشين فيها وبنشتمها هي!.

وفي الأخر هقولك كلها أرض الله ويمكن رزقك هناك. ربنا معاك و يهديك للاختيار اللي في مصلحتك.

اشكرك على ردك طبعا
بس صوابعك مش زى بعضها
بص انا ممكن اكون بحبها بس بسبب كتر السواد مش شايف مقدا حبى قد اية
صعب العن اهلى اناس دى عملت كل الى يقدروا علية فى الظروف الهباب دى علشان يخلونى بنى ادم
ممكن اكون رافض البلد بس هحن ليها دة اكيد وانا متأكد من نفسى
وشكرا لدعائك

المشاركة الأصلية كتبت بواسطة viper911s

على رغم ان حضرتك بصيتلى غلط فى الموضوع
انا مش ببص على رزق لكن انا بتكلم انك انت مثلا عندك خبرة فى مجال معين وبتاخد 100 جنية وبيجيلك شخص تانى علشان تعلمة وتعرف انو بياخد اكتر منك اظن هنا دة مش بص لرزق حد دة طلب لحقق المهدر
امين يارب العالمين

انا مش باصص غلط ولا حاجه والله وانا فاهمك تمام

هقولك علي حاجه

انا مهندس برمجيات وعندنا في الشركه واحد والله العظيم مابيفهم اصلا والناس عملاله حساب وهو كلمنجي ومحسس الناس انه اذكي واحد في الدنيا
كل ده مكنش في دماغي لكل لما عرفت انه بياخد قدي مرتين وانه بجد اقل مني بكتيير وفي حاجات كتيير قديمه كل مايشوفني بقراها يقولي ايه ده هو في حاجه ذي دي موجوده؟ ببقي ساعتها عايز اقوله الله يخرب بيت اللي عداك من الأنترفيو

بس كل العبر اللي فيه ظهرت دلوقتي لما اتزنق في مشروع جديد وهبب الدنيا فيه وبقي الناس للي فيه بيقولو للمدير
دخل هيثم معانا ساعتها حسيت براحه لان علي الأقل الناس عرفت مين الكويس ومين الوحش

بس هنقول ايه؟ هو الدنيا كده وفي كل حته لازم تلاقي حاجه زي كده بس انا ساعات بقول طالما انا واخد حقي يبقي مليش دعوه باللي بياخد قدي مرتين وهو اقل مني بس المهم انه يبقي بعيد عني يعني ميبقاش اقل مني وبيطنطط عليا مثلا