فقاقيع بتظهر فى البويه (حاجه غريبه تحرق الدم )
العربيه لسه طالعه من سمكره ودوكو من شهرين او 3 تقريبا
الى بقى يحصل ان بدأت من شهر الاقى ففاقيع صغيره جدا البويه عاملاها واضغط عليها الاقى البويه حتتقشر
فقاقيع زى الى بتبقى فى الفاميه بالظبط كده
رحت لبتاع الدوكو الى عملى العربيه اول مظهر الموضوع ده ظهر فوق الازاز الخلفى وشافه قالى عادى ده تلاقى وانا برش الحته دى كان فيه ميه ومنشفتش كويس لما غسل العربيه قبل الرش
المهم رسيت معاه انى اجيب بويه على حسابى وهو حيرشلى الجزء ده تقريبا 10 سم xسسم5
وطنشت الموضوع قولت استنى كام اسبوع يمكن يحصل فى حته تانيه فى العربيه وحصل فعلا انى لاقيت انهارده جنب المساحات وحولها وفى حتت تانيه نفس الموضوع
انا عاوز اعرف السبب ايه هل ده عيب صنايعى ولا عيب بويه ولا ده من الشمس لان العربيه طول النهار مركونه فى الشارع بس متغطيه بالغطا كويس
وحتى لو مش متغطيه زيها زى العربيات الى فى الشارع انا مش مقتنع الشمس تعمل كده
وهى انا راششها فرن والعربيه باتت فى الفرن بعد مخلصنا رش طفينا الفرن وبيتها فيه لحد الصبح يعنى المفروض اخدت وقتها كويس عشان تنشف وتعضم على العربيه
انا عاوز اعرف التفسير للى بيحصل عشان شكلى حروح عمل مصيبه مع بتاع الدوكو وعاوز ابقى فاهم عشان اتكلم صح
وفى نفس الوقت لو العيب مش منه يبقى مظلمهوش برضه
البويه اللى رشتها مصرى كابسى تقريبا والكيلو ب 90 تقريبا