رحله السفر بالطريق الغربى الصحراوى
السلام عليكم ورحمه الله وبركاته
تم الذهاب والعودة بسلامه الله الى بلدى سوهاج بعد مساعده اخوانى فى هذا المنتدى فى سلك الطريق الغربى الصحراوى
الطريق بسم الله ماشاء الله اخذت الطريق من ميدان الرماية الى ان وصلت الى الطريق الصحراوى
طريق واسع وانا ذاهب الطريق كويس جدا نظرا انه ليس به مقابل طريق يغريك على الجرى
خوفى من الردار جعلنى اتذكر مقوله احد الزملاء ان امشى وراء ميكروباص نظرا لانهم يعرفون اماكنهم جيدا
وجدت سيارة ميكروباص اجرة اسيوط مشيت وراها يجرى اجرى يهدى اهدى لدرجه ان السائق وجدنى اتعقبه فعرف انى اجهل الطريق ورداراته فاصبح يشاور بيده لى ان اهدى فى بعض الاماكن واجرى مع ايضا فى بعض الاماكن الاخرى والحمد لله سلكنى من رادار فى المينا رغم ان كان موقف سيارات كثيرة
لكن الحو مايكملش هو سلك طريقه بدخوله الى اسيوط الزراعى وانا كملت مشوارى الى سوهاج واخوكم مايعرفش اماكن ردارات المهم اتلسعت ردار محترم لقطنى بسرعه 119 كيلو ودفعنى 150 جنيه
المشكله هنا طريق واسع وممهد وبدون مطبات وتحس نفسك ماشى لوحدك مفيش حد لا وراك ولا امامك ويجبرك على سرعه 90 كيلو ده كل اللى مضايقنى
مشكلتى الاخرى التى حدث لى ان فرقعت العجلة الشمال اللى وراء رغم انها تيوبلس الا انها اتقطعت الحمد لله ان قدرت اسيطر على السيارة ووقفتها وغيرتها بالاستبن اللى معايا
انا حاسس ان سبب فرقعتها هو الحر لان الاسفلت فى تلك الساعه لان كانت وقتها كانت الساعه 11 صباحا هو السبب لان من واقع معرفتى الن الكاوتش بيزيد فى المشى وان مفروض انى ازبط العجل على 28 وبتاع الكاوتش ظبتهولى قبل ماخرج على 30
بعد ماخلصت طريق اسيوط الطريق اندمجوا مع بعض بطريق واحد رايح جاى
المهم اصعب شىء كان بالطريق هو المسافه من تفريعه جهينه الى تفريعه مدينه الكوامل الجديدة بسوهاج هو المنحنيات الضيقة التى تحوطها الجبال العالية من كل مكان ولا ينفع تتخطى السيارة التى امامك نظرا لكثرة المنحنيات الضيقة وشاهدت حادثه واحده سيارة نص نقل متنفعش تمشى بعد ذلك ولما وصلت بلدتى مباشرة باستخدام التفريعه الخاصه مدينى الكوامل
اهل بلدتى اكدوا ان الطريق وبسبب منحنياته الضيقه اصبح مشاهدة سيارات الاسعاف التى تذهب الى الطريق لنقل المصابين والموتى شىء عادى كل يوم
خلاصه رحله الذهاب
طريق كويس جدا جدا من القاهرة الى اسيوط يحتاج من المرور ان يزيدوا سرعه المركبات الملاكى مش كتير 110 كيلو بس من القاهرة الى اسيوط مع تقليل السرعه من اسيوط حتى ماقبل المنحيات تبقى 90 ومع دخول المنحنيات تبقى 60 كيلو فقط نعم 60 كيلو لانى اتحدى اى شخص يمشى فى الطريق بسرعه اكبر من ذلك فى تلك المنحيات
اترككم الان لانى دوشتكم
ولى لقاء معكم فى رحلة العودة
فى امان الله