زيت فتيس للكليو75w80

السلام عليكم ورحمة الله وبركاته

يا استاذ أحمد ( Sharky )

أنا املك سيارة كليو 2003 وكنت قد غيرت طقم الدبرياج واردت ان اضع زيت فتيس جديد لانعاش علبة التروس( العربية عاملة 120000 ), بمراجعة كتيب الاصلاح الخاص بها وجدت انه يجب وضع زيت ELF او Total بلزوجة 75W80 او 75W90 وطبعا لا يوجد ELF فى مصر,....تحدثت مع وكيل Total فى مصر وقال لى أن الدرجة موجودة ولكنه يوردها لتوكيل رينو فقط بالطلب ( براميل )
ذهبت الى الميكانيكيون العرب وطلبت تغير زيت الفتيس,..وبسؤال المختصون عن درجة الزيت للتاكيد كانت الاجابة: "هو بتعها ".... و رد اّخر "هاسألك كام الرقم ".....الفنى "Total 140!!!"
مهندس الفحص بالكمبيوتر "معرفش"
هكذا كانت الاجابات وتم تغير الزيت بعد اجماع الجميع على "هو بتعها..ماتخافش..ماتئلأش"
بركوب السيارة وجدت بعض الثقل فى التغير وخاصة الاول وطبعا فى الصباح اجد صعوبة فى التغير حتى يسخن الفتيس
من الواضح انهم وضعوا زيت 140 لانه ثقيل جدا..... وليموجود يسد!!!:mad:
أسف على الاطالة ولكن سؤالى لك هو: هل تعرف ان كانت توكيلات رينو تملك هذا الزيت فعلا ام لا أو معرفة أحد لكى أساله

جزاكم الله خيرا
السلام عليكم ورحمة الله وبركاته

نفس الموضوع بالملى حصل معايا قى الميكانكيون العرب اللى فى طريق السندباد والزيت كان 140 بس ضاف عليه 1 كيلو زيت من بتاع المتور اللى هو اخف بكتير علشان ميبقاش ثقيل اوى لان 140 ده ثقيل جدا بس طبعا ده مش الموصى بيه فى كتالوج الصيانه اللى هو زيت 75w80

ليا صديق هنا في بورسعيد عنده مركز صيانه و موزع معنتمد لزيوت توتال.. و هوه عنده زيت فتيس 75w80

معلش أنا لسه شايف الموضوع دا دلوقتى هو حضرتك الميكانيكيون العرب مش توكيل رينو دا مركز معتمد لكن ممكن يستخدم أى زيت هو عايزه
هو واضح إنه حطلك زيت أتقل من المفروض يتحط
حضرتك ممكن تكلم 16202 دى نمرة الكول سنتر بتاع توكيل رينو و هما حيقولولك تروح المقطم و لا العبور

السلام عليكم ورحمة الله وبركاته

شكرا اخوانى على هذه الردود
انا لسه حالا جاى من التوكيل الى فى العبور وهم ناس محترمين جدا....حكتلهم على مشكلتى بالظبط مع الميكانيكيون العرب وكانوا متعاونين جدا وقالوا لى ان درجة الزيت هى 80W90 ؟؟....قلت لهم ان درجة الزيت فى كتيب الاصلاح هو 75W80...ثم كلموا مهندس المختص عندهم وقال لا هى 80W90 وان الميكانيكيون العرب ياخذون منهم هذا الزيت...فقلت لهم كيف لى ان اتاكد ان هذه الدرجة هى التى وضعت لى؟؟...فطلبت منهم أن ياتوا لى بعينة من هذا الزيت..:D وفعلا كانوا متعاونين جدا وجابو لى العينة وهو النفس الزيت الى الميكانيكيون العرب استخدمو ( ثقيل جدا ) وبسؤالهم لما لا تلتزموا بالدرجة الصحيحة؟...قالوا لى ممكن عشان درجات الحرارة العالية الى عندنا..قلت لهم كيف والدرجة المستخدمة عاش بها الفتيس مبسوط 120000 كم فلما لا يعيش كمان 120000 كم؟؟؟؟
وكانت علامات الاستفهام والسكون هو الرد:o
الغريبة فى الموضوع ان انا كلمت وكيل Total نفسه واكد لى انهم بيعطوه لتوكيلات رينو حتى انهم قالوا لى ان اسمه BV 75W80 وفعلا ده الى انا وجدته على النت:confused: حاجة غريبة فعلا

يا استاذ أحمد حسن هذه بشرى جميلة منك هل لى بتليفون صديقك لكى اذهب اليه؟
ويا أستاذ mazgangy لو عايز اجبلك تؤمر يا فندم
شكرا لاهتمامك يا أستاذ Sharky :)

جزاكم الله خيرا جميعا

عمرو عمارة

يااجماعة الزيت الفتيس 80 و 90 بتلاقية فى بنزيمة شل وانا حطيتة عندى فى الريو بتلاقية فى شل

السلام عليكم ورحمة الله وبركاته

جزاك الله خيرا يا اخ أحمد حسن على رقم التليفون فقد اتصلت به وقال لى ان الزيت موجود ومن الاحتمال ان شاء الله غدا ان اذهب اليه وسوف ارسل النتائج باذن الله

اريد ان اوضح بعض المعلومات الهامة عن الزيوت الخاصة بـ صندوق نقل التروس او "الفتيس"
لتعم الفائدة
يجب ان تجد على علبة زيت الفتيس هذا المصطلح : API GL ما معناه؟؟
API :American Petroleum Institute و GL:Gear Lube ..اذن هذا المنتج متخصص للفتيس فقط
بعد ذلك تجد الرقم 5 أو 4 مثل GL-5 , GL-4 أو GL4+ وهذا هو اهم شىْ وسوف اشرحه بالتفصيل ....وبالطبع سوف تجد درجة الزوجة مثل 75W80 - 75W90 - 80W90 وهكذا...
معنى GL-4 : هو درجة متخصصة فى تزيت التروس ذات الخاصية Spiral Bevel (فتيس مانيوال ) التى تعمل فى ظروف متوسطة أو عالية من السرعة والحمل....ايضا هو درجة متخصصة فى تزيت التروس ذات الخاصية Hypoid (فتيس اوتوماتيك )التى تعمل فى ظروف متوسطة من السرعة والحمل وقد ذكرت الـAPI هذه الدرجة لاستعمالها فى التروس المانيوال
معنى GL-5 : هو درجة متخصصة خصيصا لتزيت التروس ذات الخاصية Hypoid التى تعمل فى ظروف متحدة من سرعة عالية مع حمل ثقيل وسرعة بطيئة مع عزم عالى ولم تذكر الـAPI شيئا عن وضع هذه الدرجة فى التروس المانيوال ( ليس معنى هذا انه لا يمكن وضعوه فى التروس المانيوال وسوف نشرح هذه النقطة لاحقا )
حسنا...يسأل البعض ما هو افضل ؟ والبعض يظن ان GL5 هو الاحسن لمجرد انه الاعلى فى الرقم!!؟ ولكن يجب ان تعرف الدرجة الصحيحة للفتيس الخاص بالسيارة وهى الدرجة الموصى بها من منتجى السيارة...فيمكن أن تضع GL5 بدلا من GL4 ولكن يجب ان تعتمد من منتجى السيارة أولا...لماذا؟؟؟
يحتوى كلا من الدرجات على اضافات بنسب مختلفة من الكبريت والفوسفور لحماية التروس من الاحتكاك المباشر والتأكل عند وصولها لدرجات حرارة عالية جدا (110c ) فهذه النسب تكون عالية جدا فى درجة GL5
بعض اجزاء التروس تكون مصنعة من النحاس والبورنز ( الغوايش والـ Synchronizers ) وهنا تكمن المشكلة حيث ان وضع GL5 فى فتيس يوصى باستخدام GL4 تجد تاكل عالى جدا لهذه المعادن الصفراء بسبب النسب العالية جدا من الكبريت والفوسفور مما يؤدى لتلف الفتيس....لذا يجب الالتزام بالدرجة الموصى بها من مصنعى السيارة
من الممكن ان يخيرك مصنعى السيارة ايهما تشاء لمعرفته الاجزاء المصنع منها الفتيس
فمثلا...بالنسبة لحالتى وجدت أن 75W80 تحت درجة GL4+ أى من الممكن ان استخدم درجة GL5 او GL4 ...وجدت بالبحث ايضا ان درجة 80W90 التى وضعت لى فى التوكيل هى GL5 فبذلك اطمأن قلبى قليلا على اجزاء الفتيس ولكن مازال النقل صعب قليلا خصوصا فى الصباح الباكر
أود ايضا ان اذكر معلومة مهمة لمالكى سيارات ميجان ذات الفتيس المانيوال وهو استخدام نفس الدرجة الخاصة بالكليو..حيث انهما يشتركان فى نفس نوعية الفتيس ووجدت هذه المعلومة فى صفحة elf :
http://www.elflubricants.ca/image/PD...LFTRJ75W80.pdf

ارجو ان اكون قد افدتكم

السلام عليكم ورحمة الله وبركاته

السلام عليكم ورحمة الله وبركاته

بارك الله فيك يا اخ احمد حسن
ذهبت الى بلدك الجميلة بورسعيد يوم الخميس وتوجهت الى مركز الخدمة فورا وتم تغير الزيت...ويا الله على نعومة النقل...فرق شاسع جدااااا....حتى ان الفنى قال لى هذا زيت ثقيل جدا عليها وكان ممكن ان يتلف التروس
يا استاذ احمد Sharky هل من الممكن ان نرسل هذه المشكلة لرينو فرنسا ليعرفوا نوع ودرجة الزيت الذى يوضع فى علب التروس المانيوال الخاصة بالكليو والميجان ليستفيد بها جميع مالكى سيارات رينو فى مصر لأنى والله لما رايت فرق اللون والثقل بين الزيت القديم والجديد شعرت انهم يستخدمون زيت فالفالين عادى (حتى انه مش Total ) ويعتمدون على جهل المواطن بهذه الاشياء بل حتى هم انفسهم لا يعرفون الدرجة الصحيحة التى تستخدم :mad:

السلام عليكم ورحمة الله وبركاته

اقتباس:

---

المشاركة الأصلية كتبت بواسطة Renamr

السلام عليكم ورحمة الله وبركاته

بارك الله فيك يا اخ احمد حسن
ذهبت الى بلدك الجميلة بورسعيد يوم الخميس وتوجهت الى مركز الخدمة فورا وتم تغير الزيت...ويا الله على نعومة النقل...فرق شاسع جدااااا....حتى ان الفنى قال لى هذا زيت ثقيل جدا عليها وكان ممكن ان يتلف التروس
يا استاذ احمد Sharky هل من الممكن ان نرسل هذه المشكلة لرينو فرنسا ليعرفوا نوع ودرجة الزيت الذى يوضع فى علب التروس المانيوال الخاصة بالكليو والميجان ليستفيد بها جميع مالكى سيارات رينو فى مصر لأنى والله لما رايت فرق اللون والثقل بين الزيت القديم والجديد شعرت انهم يستخدمون زيت فالفالين عادى (حتى انه مش Total ) ويعتمدون على جهل المواطن بهذه الاشياء بل حتى هم انفسهم لا يعرفون الدرجة الصحيحة التى تستخدم :mad:

السلام عليكم ورحمة الله وبركاته

---

الحمد لله ان العربيه رجعت لطبيعتها... بس على الأقل كنت عرفني انك هاتيجي علشان اتشرف بمعرفتك.
عموما انا تحت امرك في اي وقت.

اقتباس:

---

المشاركة الأصلية كتبت بواسطة Renamr

السلام عليكم ورحمة الله وبركاته

يا استاذ احمد Sharky هل من الممكن ان نرسل هذه المشكلة لرينو فرنسا ليعرفوا نوع ودرجة الزيت الذى يوضع فى علب التروس المانيوال الخاصة بالكليو والميجان ليستفيد بها جميع مالكى سيارات رينو فى مصر لأنى والله لما رايت فرق اللون والثقل بين الزيت القديم والجديد شعرت انهم يستخدمون زيت فالفالين عادى (حتى انه مش Total ) ويعتمدون على جهل المواطن بهذه الاشياء بل حتى هم انفسهم لا يعرفون الدرجة الصحيحة التى تستخدم :mad:

السلام عليكم ورحمة الله وبركاته

---

معلش يا باشا أنا أصلى مشغول اليومين دول قوى علشان مراتى ولدت
دا الميل بتاعهم فى فرنسا contact.client@renault.com
إبعت لهم يا باشا و شوف حيردوا و يقولوا إيه

عمرو باشا ممكن تقولي هو الفتيس بياخد اد ايه عشان بفكر اغيره كله

اقتباس:

---

المشاركة الأصلية كتبت بواسطة Aymsad

عمرو باشا ممكن تقولي هو الفتيس بياخد اد ايه عشان بفكر اغيره كله

---

من 3.5 الى 3.75 كيلو........

شكرا للمعلومات يا أستاذ عمرو
هو لسه الزيت ده غير متوفر في القاهرة؟

اقتباس:

---

المشاركة الأصلية كتبت بواسطة hisham77

شكرا للمعلومات يا أستاذ عمرو
هو لسه الزيت ده غير متوفر في القاهرة؟

---

للأسف لسة !!!!!:N_no[1]:

شكرا للموضوع المفيد بس ارجو من حضراتكم اخبارى باى نوع اضع من زيت الفتيس انا معايا رينو رينبو 99 فاى اللزوجة انسب لزيت الفتيس المانيوال وايضا زيت الموتور وشكرا لكم

ممكن رقم الراجل اللى فى بورسعيد اللى عندة زيت 75w80 واوصله ازاى ولكم جزيل الشكر مقدما

اقتباس:

---

المشاركة الأصلية كتبت بواسطة mdrm

ممكن رقم الراجل اللى فى بورسعيد اللى عندة زيت 75w80 واوصله ازاى ولكم جزيل الشكر مقدما

---

متوفر الأن زيت الفتيس باللزوجة المناسبة البديلة 75w90 GL4 بوكيل امسويل

متابع