الموضوع: مسافر أمريكا ... أشترى أيه وانا نازل ؟؟

طيب يا جماعة انا ابنى مسافر كمان كام ساعة
هاينزل نيويورك يومين
و بعد كدة فلوريدا ديزنى حوالى 8ايام
كل الى عايزة محلات ملابس محترمة و رخيصة
و محلات تكنوجى محترمة و رخيصة
اسم المحل و منطقة
يبقى الف شكر ليكم

المشاركة الأصلية كتبت بواسطة marsguy

بالنسبه للملابس: في سلسلة محلات مشهوره أوي في نيويورك وفي كل حته في أمريكا إسمها: Old navy

حاجاتهم كويسه وأسعارهم مش مبالغ فيها، في برده gap بس حاجاتهم أغلى كتير.

طبعاً الهايبر ماركت زي wallmart مثلاً ممكن تلاقي أسعار أرخص بكتير جداً بس مش عندهم كل الأذواق والجوده هناك مش زي محلات اللبس المتخصصه.

بالنسبه للإلكترونيات: Fry's بصراحه مالوش حل في كل حاجه بس هو مش موجود في نيويورك ولا فلوريدا. بس طبعاً في في نيويورك سلسلة best buy بس بصراحه أسعارهم مش أرخص حاجه في الدنيا. في برضه في مانهاتن في نيويورك محل مشهور إلكترونيات مشهور أوي إسمه b&h بس خلي بالك المحل ده كل اللي شغالين فيه من اليهود المتدينين اللي لابسين طاقيه سوداء. يعني عشان لما تروح هناك ما تتخضش.

بالتوفيق إن شاء الله لإبن حضرتك

انا متشكر جدا على التعاون
و اخبار فلوريدا ( ديزنى )

المشاركة الأصلية كتبت بواسطة aymanmaly

انا متشكر جدا على التعاون
و اخبار فلوريدا ( ديزنى )

فلوريدا بتسلم عليك
لو هو رايح اورلاندو علشان ديزني لاند و كدة ، يبقي هيشتري هدايا تذكاريه أكتر من اى مشتريات شخصية.بالذات كل الحاجات اللي مطبوع عليها علامات ديزني.
بس فيه مول تحفة لازم يزوره وإسمه Millenia Mall داه لازم ضروري يزوره لأنه أكبر تاني مول موجود هنا . هيلقي فيه جمع الماركات العالمية وعايز بتاع 3 أيام علشان يلفه كله


لو هو كمان عايز أي إستفسار خليه يكلمني أو يراسلني أول مايجي فلوريدا ، ورحلة سعيده

المشاركة الأصلية كتبت بواسطة fadod

فلوريدا بتسلم عليك
لو هو رايح اورلاندو علشان ديزني لاند و كدة ، يبقي هيشتري هدايا تذكاريه أكتر من اى مشتريات شخصية.بالذات كل الحاجات اللي مطبوع عليها علامات ديزني.
بس فيه مول تحفة لازم يزوره وإسمه millenia mall داه لازم ضروري يزوره لأنه أكبر تاني مول موجود هنا . هيلقي فيه جمع الماركات العالمية وعايز بتاع 3 أيام علشان يلفه كله


لو هو كمان عايز أي إستفسار خليه يكلمني أو يراسلني أول مايجي فلوريدا ، ورحلة سعيده

ربنا يخليك
طمنتنى ان لينا حد هناك فى حالة وجود اي حاجة
و اشكر زوقك جدا
لو فية حاجة هابقى اطلب منك رقم تليفونك
بس ما تدخضش اصل هو عندة 12 سنة
و بعتة امريكا ياخد دكتوراة من العم ديزنى هاهاهاهاهاها طبعا بهزر بس فعلا هو عندة 12 سنة و مسافر سياحة 14 يوم
فشكرا لعرضك الكريم و فعلا انا كدة اطمنت ان لو فية حاجة هلاقى اخ موجود فشكرا ليك مرة اخرى