مسافر أمريكا ... أشترى أيه وانا نازل ؟؟

**M_Marwan** · 17-07-2010 08:04 PM

يا رجاله أنا مسافر أمريكا الأسبوع المقبل أن شاء الله

رايح كورس فى HOUSTON

يا ترى ايه الحاجات أيلى أسعارها حلوه هناك ؟؟

**Ayman-Ahmed** · 17-07-2010 08:22 PM

المشاركة الأصلية كتبت بواسطة M_Marwan

يا رجاله أنا مسافر أمريكا الأسبوع المقبل أن شاء الله

رايح كورس فى HOUSTON

يا ترى ايه الحاجات أيلى أسعارها حلوه هناك ؟؟

ترجع بالف سلامة.تكساس جميلة وهتفكرك شوية بمصر.لو فضيت هناك روح Port Arthur على المحيط جميلة.

لو عاوز شوبنج اسال على اقرب فرع Wall mart جنبك وروح بنفسك لانهم عندهم ملابس تحفة ورخيصة وتجنن وتخفيضات غير طبيعية.

اكسسورات عربيات ومعطرات من الاخر.

شوفلك كاميرا ديجيتال كانون واشتغل بيها شوية هناك واطحنها صور وفيديو ولو معجبتكش فى خلال 14 يوم ابقى روح غيرها بموديل تانى بس حافظ على علبتها-ورقها وكل حاجتها زى ما هيا.

شوفلك كوتشى حلو نايكى-اديداس-بوما مع انه اغلبه صينى هناك بس ممتاز.

شوفلك كام بنطلون جينز ماركات هتلاقى اسعارهم رائعة

يعنى ببساطة 1000 دولار هترجع شايل حاجات رائعة

اهم حاجة بقى خلى بالك من الوزن وانت راجع.متخدش حاجات كتير من هنا واشترى براحتك من هناك.

**ecybrarian** · 17-07-2010 08:23 PM

كل حاجة هناك زي الفل واسعارها رخيصة بالمقارنة بالجودة..يعني لو قلنا في الإلكترونيات هاتلاقي الاب توب ارخص 1000 جنيه على الأقل من مصر..والكاميرات...وغيره كتير..فقط خد بالك من الاختلافات مثلا الكهربا هناك 110 فولت وكاميرات الفيديو NTSC و ADSL router فيه فتحات RJ45 فقط!!!
الهدوم هناك حكاية والجزم الجلد او الرياضية برضة جامدين جدا..وتروح وترجع بالسلامة إن شاء الله

**M_Marwan** · 17-07-2010 08:27 PM

ألف شكر يا باشا على المعلومات الجامده ديه

**محمد محمد** · 17-07-2010 08:31 PM

ترجعلنا بالسلامة يا ريس.

**M_Marwan** · 17-07-2010 08:36 PM

الله يسلمك يا حبيبى

**Ayman-Ahmed** · 17-07-2010 08:36 PM

ونسيت اقولك حاجة مهمة جدا.

اوعى تقول لواحد اسود او غامق او قمحى هناك او تتكلم عنه او توصفه لحد وتقوله the black guy او dark skinned man. تكساس فيها ناس متعصبين جدا للون البشرة وموضوع العنصرية عندهم زيادة شوية.

ومتقولش انك middle eastern ابقى قول Egyptian.

لو شفت طفل جميل ولا حاجة اوعى تلمسه من بعيد لبعيد كدة هزر معاه وابقى اسال دايما اهله ممكن؟May I بابتسامة خفيفة كدة لو خارج تتمشى شوية متخدش معاك الباسبور ابقى اعمل منه صورة وخليها معاك ومتشيلش فلوس كتير.الفيزا او الماستر احسنلك بكتير.

ولو افتكرت حاجة تانى هاقولك.

**M_Marwan** · 17-07-2010 08:40 PM

المشاركة الأصلية كتبت بواسطة emo_ayman

ونسيت اقولك حاجة مهمة جدا.

اوعى تقول لواحد اسود او غامق او قمحى هناك او تتكلم عنه او توصفه لحد وتقوله the black guy او dark skinned man. تكساس فيها ناس متعصبين جدا للون البشرة وموضوع العنصرية عندهم زيادة شوية.

ومتقولش انك middle eastern ابقى قول egyptian.

لو شفت طفل جميل ولا حاجة اوعى تلمسه من بعيد لبعيد كدة هزر معاه وابقى اسال دايما اهله ممكن؟may i بابتسامة خفيفة كدة لو خارج تتمشى شوية متخدش معاك الباسبور ابقى اعمل منه صورة وخليها معاك ومتشيلش فلوس كتير.الفيزا او الماستر احسنلك بكتير.

ولو افتكرت حاجة تانى هاقولك.

الله يكرمك يا باشا أنا فعلا سمعت موضوع الفلوس ده بس مش عارف هو المكان هناك مش أمان ؟؟

وأيه اسعار الساعات هناك ؟ غاليه ؟؟

**fadod** · 17-07-2010 08:41 PM

تنور أمريكا ، نحب لو فيه فرصة نشوفك في بلد disney land في فلوريدا the sun shine state .
لازم تطير من تكساس لانها 24 ساعة سواقة ، بس لو حبيت وفكرت ، أنا تحت أمرك ولو عايز shopping كمان كويس قولي، فيه حاجات علي النت أرخص بكتر من المحلات . وتجيلك لغاية عندك

**M_Marwan** · 17-07-2010 08:46 PM

المشاركة الأصلية كتبت بواسطة fadod

تنور أمريكا ، نحب لو فيه فرصة نشوفك في بلد disney land في فلوريدا the sun shine state .
لازم تطير من تكساس لانها 24 ساعة سواقة ، بس لو حبيت وفكرت ، أنا تحت أمرك ولو عايز shopping كمان كويس قولي، فيه حاجات علي النت أرخص بكتر من المحلات . وتجيلك لغاية عندك

الله يكرمك يا باشا يا ترى سعر تذكرة السفر الى فلوريدا كام ؟

الموضوع: مسافر أمريكا ... أشترى أيه وانا نازل ؟؟

LinkBack

أدوات الموضوع

عرض

مسافر أمريكا ... أشترى أيه وانا نازل ؟؟ - انشر الموضوع فى :

-

-

-

-

-

-

-

-

المواضيع المتشابهه

صوت دوشه عندى فى العربيه وانا مسافر

وقع وانا مسافر

الكاوتش....وانا مسافر اظبطه على كام؟؟؟

أنا نازل أشترى سى دى بلير غدا بإذن الله

حاجة حصلتلى وانا مسافر

الكلمات الدلالية لهذا الموضوع

المفضلات

المفضلات

ضوابط المشاركة