الموضوع: أجيب منين باركنج سنسور واركبه فين للالنترا 2008

المشاركة الأصلية كتبت بواسطة hshaqlouf

أنا ركبت عند عشم نوار اللي في شارع دمشق في مصر الجديدة قدام محطة بنزين شل و كان بـ 275 جنيه.
و قبل ما أركب كلمت غبور قالولي ركب عادي بس لو حاجة باظت تخرج من الضمان يعني لو الضفيرة مثلاً حصل فيها حاجة هي بس تخرج من الضمان.

معلش ممكن يا ahmedfd تقوللي ايه أخبار التركيب سهل ولا صعب و هل بيحتاجوا يفكوا كتير في كهربة العربية ولا الاحسن أشتريه و اركبه في التوكيل ولا مش فارقة

30 دقيقة بالكتير قوي .. بيخرم الإكصدام بالشنيور في 4 أماكن و يركب السينسورز فيهم كبس و اسلاكهم من الخلف بتطلع على جهاز قد علبة السجاير بيتحط في شنطة العربية. بيفك كلبس من اللي ماسك فرش الشنطة الجانبي و يركبه وراه. الجهاز ده بقى بياخد كهربه من كهربة فانوس المارشدير و بيطلع منه سلك بيمشي في العتب الجانبي بسهولة و بيطلعوا من ورا التابلوه لحد الشاشة اللي بتبين المسافة و فيه سماعة بتطلع صوت متقطع لو المسافة من 1.5 متر لحد نص متر تقريباً و بعد كدة صوت متصل.
الموضوع سهل جداً و ميخضش زي ما باين من الخطوات و الشكل بيطلع نضيف جداً بس أهم حاجة الراجل اللي بيخرم بالشنيور خليك معاه علشان ميعملش واحد فوق و واحد تحت و لا مش مسافات متساوية و الحاجات الغبية بتاعت الصنايعية دي.
و الأخ إسلام شاهين كان شرح الخطوات بتفصيل أكبر في موضوع تاني و كمان الأخ محمد خلف.
الحقيقة معتقدش غبور أصلاً بيركب الحاجات دي بس ممكن تسأل.

المشاركة الأصلية كتبت بواسطة karim_monir

فعلا الغائر ده مش هاتلاقية
انا بعد ما الايجل بتاعي باظ
نزلت جبت واحد من التوفيقية العدسة بتاعت ممسوحة خالص
واحلى حاجة فيه عشان النوع القديم كان بشاشة منفصلة انه عبارة عن مراية صغيرة بتركب فوق مراية الصالون بكل سهولة ومابيبقاش فيه سلك ظاهر ولا اي حوار من المقرف التاني ده والبيانات بتبان على المراية والصوت بيطلع منها
ده كان ب 290
كان فيه سيمفوني مصري كان عاجبني بس المراية بتاعتة شكلها معفن قوي قوي وكان ب 200 بس

كريم باشا، ممكن تفاصيل أكثر عن الموضوع، المكان بالظبط، النوع، ازاي مفيش سلك ظاهر.