مارايكم هل فرق الاسعار يساوي فرق الامكانيات
اريد سياره 4ْx2 اوتوماتيك فول اوبشنز
ارجوا من الاخوه اعضاءء المنتدي المشاركه
وشكرا
مارايكم هل فرق الاسعار يساوي فرق الامكانيات
اريد سياره 4ْx2 اوتوماتيك فول اوبشنز
ارجوا من الاخوه اعضاءء المنتدي المشاركه
وشكرا
اولا طلع الفيتارا برا المقارنه لانها مانيوال و 2 باب وكمان اغلى واحده فيهم ب 143 الف
الكيا كارينز افضلهم من رأيى من جميع النواحى شكل ووسع وموتور وكماليات ووكيل وسعر
الهاى لاين اوتوماتيك 2011 ب 126 والاوتوماتيك العاديه ب 115
التيريوس تيجى بعد الكارينز وسعرها من 116 الى 136
واخيرا التيجو هى ارخصهم ب 105 ولكن تعتبر اقواهم فى الموتور واكثرهم فى الاوبشنز
عيبها طبعا انها صينى تقفيل مصرى يعنى زى البطيخه انت وحظك وكمان توكيلها سئ
بس لو طلع حظك فى عربيه مفيهاش عيوب تبقى احسن صفقه فيهم
شكرا يا اخي علي التوضيح والشرح المتكامل
ارجوا توضيح ماهو الفرق بين الهاي لاين والاتوماتيك العاديه للكيا الكارينز
اريد ان اعرف هل التيجو والتيريوس 4x4
وماهي الاوبشنز التي تتميز بها التيجو 2000
غير قوه الماتور ...اشكر لك مره اخري الاهتمام والمساعده بالراي
الفرق بين الاوتوماتيك والهاى لاين فى الكارينز
ABS - ايرباج للسائق والراكب الامامى - ريموت - ملتى فنكشن - جنوط سبور 16
التيجو والتيريوس فى منهم 2x4 و 4x4
التيريوس 4x4 اوتوماتيك فقط وسعرها 149
التيجو 4x4 مانيوال فقط سعرها 110
الاوبشنز فى التييجو فتحة سقف وفرش جلد وسى دى تشنجر و ABS و AirBags وريموت بانذار مع وحدات رفع واعتقد مؤخرا اضافوا زجاج فيميه خلفى
كارينز سعرها حنين عن التيريوس وأوسع
ارشح لك بكل قوة .... التريوس ....
اسعار التريوس طبقاً للتوكيل :
- مانيوال ب 112 ألف ... ( اعتقد مفيش منها حالياً الا قليل )
- اوتوماتيك فئة اولى ( من غير كاسيت و لا جنوط سبور و لا فوانيس شبورة ) ب 120 الف ....
- اوتوماتيك فئة تانية ( بكاسيت سوني اصلي و شاشتين lcd و فوانيس شبورة - بدون abs و لا اير باج ) ب 127 الف ...
- اوتوماتيك فئة تالتة ( بكاسيت مدمج من الشركة نفسها - من غير شاشات - فيها جنوط سبور و abs و اير باج ) ب 136 الف ...
و دي اسعار التريوس 5 راكب ...
طبعاً ثبات ممتاز و تكييف محترم جداً يعني على درجة 2 تحس انك متلج .... التكييف مبيتأثرش بدرجة الحرارة الخارجية ....
استهلاك بنزين موفر جداً جداً و ده بيرجع لموتورها 1500 سي سي .... يعني ح تحتاج تفول التنك كل اسبوعين او تلاتة و دي مدة معقولة ( دا اذا كان التنك مش خلصان ) .... ده لو خلص معاك ممكن تفول كل شهر .... :)
صالون واسع واسع واسع .....
يعيب التريوس عزلها الصوتي الضعيف الى حد ما , يعني تسمع صوت خفيف للموتور و انتا قاعد ....... كمان شكل تابلوهها البسيط جداً جداً لكن ده العادي من الياباني ..... كفاءة و أمان أكتر ....
صاجها قوي ....
قطع الغيار متوفرة بداخل التوكيل و خارجه و اسعاره في المعقول نسبياً ..... توكيل محترم ......
و العربية منتشرة .....
---------------------------
السوزوكي الجراند فيتارا بالرغم من شكلها الرياضي و المميز ..... الا ان سعرها مبالغ فيه جداً ....... و مش منتشرة قد كدا , فابعد عنها ....
الكيا كارنز .... لا شك انها عربية محترمة ..... و تابلوهها غني عن التريوس بكتير .... برشحها لك بعد التريوس ....
التيجو ..... مش مقتنع بيها تماماً ........ و التقفيل المصري بتاعها ح يعمل لك تربنة في دماغك ......
لان انا ليا واحد زميل معاه نيسان صني ( الصني كله تقفيل مصري ) ... قال لي ان الكراسي خاماتها مش حلوة و المرايات الكهربا تيجي تحركها يمين تتحرك هيا شمال و العكس .... و غيره و غيره ....
-----------------------
طبعاً انا لو بفكر من غير ثقافة : اشتري ليك و للسوق ...
كنت ح اقول السوزوكي ..... و ياريت لو اوتوماتيك ........ ح احس اني راكب عربية مش اي حد راكبها ..... بس العملية دي بتبقى عاوزة واحد له مزاج في العربيات و فاهمها .....
لكن دا لا يمنع .... ان التريوس جبارة جبارة جبارة ....... و دايهاتسو ماركة محترمة جداً جداً جداً .....
:)
بصراحة كنت في نفس حيرتك .. بس فعلا خرجت الفيتارا من المقارنة .. مش حتخدم خالص
التيريوس تقفيلها افضل و موادها الداخلية جيدة .. شأنها شأن الكارينز
لو بنقارن بالفئات السعرية .. طبعا موتور التيجو 144 حصان لا يمكن مقارنته بأيا منهم .. و أداء التيريوس متواضع جدا حتي أمام الكارينز و التيجو 1600
التيريوس اصغر حجما من الداخل و التيجو و الكارينز تقريبا سواء
صاج التيجو اكثر سمكا ب 50 % عن تيريوس و كارينز
تقفيل التيجو غير جيد .. و لكن بصراحة .. بألف جنيه .. تظبط كل حاجة فيها بأبنوس التابلوة بفرش الجلد
في النهاية التيجو أرخص من 10 ل 20 الف .. بصراحة كمان قطع غيارها أرخص .. بس اشتريها من أبو غالي و جربها 50 كيلو ( بيوافق ) قبل ما تسجلها .. و أوعي تشتري من المصرية
بص الفيتارا حاجه ودول حاجه ياعنى ديه ليها مقام ودول ليهم مقام
الفيتارا ممتازه بس معرفش مناسبه ليك ولا وطبعا احسن منهم بكتييييير
و الديهاتسو تيريوس عربيه مماتزه تقفيلها حلو عاليه عن الارض وشكلها جاااااامد جدا وتوكيلها كويس مش وحش
الكيا كارينز انا ركبتها مع واحد صاحبى مريحه وواسعه وتابلوها احسن من بتاع التريوس بس واطيه على الارض مع مطبات وحفر مصر
على فكره اسبرنزا تعبانه دول لو عملوا ماتور 250 حصان تربو بكل حاجه وسعرها رخيص برده حراااااااااااااااااااااام فيه الفلوس
انا كنت بقول مثل على الصينى بس لو قولته هتوقف بس بلاااااااااااااااااش تيجو ولا منا تيجووووووش اسمها غبى
اتفق مع الاخ ahmedbibo في كلامه ...
الفيتارا دي عالم تاني ..... و يمكن اسعارها مبالغ فيها الى حد ما ..... لكن دي كلام تاني ....... و احسن من التريوس من نحية الشكل الداخلي و الخارجي ....
انسب عربية لحضرتك زي ما قلت هيا التريوس .... الحمد لله محدش بيذم فيها و منتشرة و تقفيلها ممتاز من الألف للياء ياباني و عائلية و مريحة و عالية عن الأرض ..... و اسعارها في المعقول و توكيل محترم و شكل مميز ...
و حلاوة التريوس في اللون الأسود .... اي نعم الاسود بيبقى حكاية في العربيات , لكن التريوس بالذات الاسود بتاعها غير اسود اي عربية تانية ......
و ربنا يبارك لك في العربية الجديدة :)
طبعا يا باشا الاسود فيها حكايه و روايا بس فيه لون انا شايفه احلى كده معرفش رمادى ولا بلاتينى
http://www.theautochannel.com/news/2...57474.1-lg.jpg
ده بجد تحفه
والعربيه ديه شكلها احسن من الكارينز و التيجو طبعا بس مش احلى من الفيتارا ديه الكبير بتاعهم
http://www.lincah.com/wp-......./upl...re-588x441.jpghttp://3.bp.blogspot.com/_T912nWVO7q...nd_vitara1.jpg