للنيسانية فقط: تيدا و لا ليفينا

**doctor_eid** · 17-07-2010 10:41 PM

السلام عليكم
يعني فيه موضوع لسه مفتوح عن احد الأخوة بيستشير في الليفينا .
طيب انا عندي سؤال
لو معاك 115 الف
تشتري تيدا سيدان و لا ليفينا
انا هاقول اشتري تيدا سيدان
ليه
لأن كل الناس بتقول الليفينا زي التيدا و الموتور موتور التيدا (HR16) و العفشة و قطع الغيار هم هم بتوع التيدا
الله!!!!!!
طيب ما تشتري التيدا
كمان هم الاتنين بنفس السعر بل بدايات التيدا اقل
كمان التيدا ياباني ياباني اما الليفينا ياباني صيني
انا عارف ان بعض الناس هتستغرب الكلمة دي مني انا لأني راكب السيلفي اللي هي ياباني صيني برضه بس انا شايف فرق بين الأتنين يستاهل اني اجيب السيلفي و مش شايف نفس الفرق ده بين التيدا و الليفينا
حتى الوسع الداخلي
مافيش فرق لأن الليفينا مش 7 راكب دي 5 راكب زي التيدا
يبقى الفرق في الشنطة???
طيب تخيلوا انه لصالح التيدا اللي مساحة شنطتها 467 لتر و الليفينا مساحة شنطتها 383 لتر و الكرسي الخلفي منصوب و 769 لتر فقط اذا نيمت الكرسي الخلفي
و كمان فرق في الإرتفاع عن الأرض 1 سم
الحاجة الوحيدة اللي مش فاهمها و ارجو من الخبراء الرد عليها و خصوصا حاتم فوزي ان الليفينا اسمها C Gear و مككتوب ان الTransmission بتاعها Eelectronic controlled
ياترى ايه معناها دي؟
يبقى بعد الأسباب دي اشتري التيدا و لا الليفينا
طبعا الليفينا فيها شوية حاجات مميزة زي السمارت كي اللي انا باموت فيه
انا بس قصدي من الموضع ده ان الليفينا محتاجة اعادة تسعير علشان تدي دافع ان الواحد يختارها.
علما باني شايف انها عربية ناعمة و جميلة و واسعة ......... زى التيدا
مع تحياتي للكل عامة و لشعب التيدا خاصة
ازيكم يا شعب
د. عيد

**ahmad--ezzat** · 17-07-2010 10:54 PM

تيدا عشان كلها يابانى ولو ان انا ركب الليفينيا كتير مفهاش اى عيوب...بس هيا واخده طابع عائلى جدااا

**wdramiz** · 17-07-2010 10:55 PM

موضوع جميل
انا نفسي محتار بين التيدا واليفينا ومش عارف اشتري ايهما
برجاء من خبراء نيسان الدخول واعطاء القول الفصل في الموضوع

مع تحياتي
د.رامز

**AhmedAliGSF** · 18-07-2010 06:25 PM

السلام عليكم،

من وجهة نظرى الخاصة ارجح شراء الليفينا عن التيدا. ليه؟؟؟

- لانها فئة مختلفة. الليفينا (mpv) ، التيدا (سيدان)
- الشكل الخارجى لليفينا اجمل من التيدا.
- لهواة ال (mpv): فيه كام موديل (mpv) متوفر فى السوق؟ ثلاثة او اربعة؟ و ابرزهم الليفينا و الكارينز. فلما تشترى عربية (mpv) و تخليها معاك ثلاث او اربع سنين مش هتزهق منها لان التغير فى الموديلات ديه قليل.
- اما لهواة الموديلات السيدان: فيه منها عشرات الموديلات و الانواع (اشكال و الوان) و كل سنة بينزل موديلات سيدان جديدة فممكن تزهق من عربيتك بسرعة خصوصا لو انت من هواة التغير (فعينك هتزغلل بسرعة على الموديلات الاحدث) وده ليه بعض العواقب و اهمها انك هتخسر فلوس كتير.

وديه طبعا وجهة نظر شخصية، و ياريت يا جماعة الناس معانا على المنتدى تشارك بوجهة نظرها علشان كلنا نستفاد من وجهة نظر بعض، و ربنا يوفقنا للفيه خير لينا.

**wdramiz** · 19-07-2010 12:23 AM

وماذا عن قطع غيار اللفينا هل متوفرة خارج التوكيل وهل الاسعار غالية ام لا
وهل التقفيل الصيني مضمون

**حاتم فوزى** · 19-07-2010 02:26 AM

المشاركة الأصلية كتبت بواسطة doctor_eid

الحاجة الوحيدة اللي مش فاهمها و ارجو من الخبراء الرد عليها و خصوصا حاتم فوزي ان الليفينا اسمها c gear و مككتوب ان الtransmission بتاعها eelectronic controlled
ياترى ايه معناها دي؟

السلام عليكم ورحمة الله وبركاته
ازيكم ياشعب
اما حضرتك بقا (يادكتور عبد السلام ) ياريس لازم نيجى نبوس الايادى مينفعش سلام العامة ده
الحقيقة مكدبش عليك انا معنديش معلومات فنية كتير عن السى جير لانى اتبهدلت اكتر فى التيدا والصنى والاكس تريل وبالنسبالى الليفينا جديدة شوية فنيا .عموما انا بحاول اسال الاكثر خبرة منى وان شاء الله قريب اقدر اجيب لحضرتك الشرح الفنى بالظبط للمسميات دى
بس بعد مناقشة صغيرة كده مع الخبير الاوكتاوى محمد سليمان الشهير فى الوطن العربى ب (أوكتوووووووو) أفادنى بشوية معلومات حلوة عن السى جير هسيبه هو يعرضها بنفسه

وبالنسبة لرأيى أنا شايف ان الاتنين نسخة من بعض مع اختلاف تصميم الجسم الخارجى لمجرد عمل تنوع فى فئات نيسان.
لاختلاف ذوقيات المستهلك مش اكتر.بس الاولوية لليفينا لانها تكنولوجيا اعلى شوية كما ذكرت فى مفتاح السمارت وفى الفتيس كما سيذكر أوكتو.وكمان نظام الاضاءة.

**doctor_eid** · 19-07-2010 09:34 PM

السلام عليكم
اشكرك يا حاتم يا ابو الذوق و مستنيين رد اوكتو
انا بس ملاحظ ان عدد المشاركين في الإستطلاع اكتر من اللي بيردوا.
طيب ياريت اللي بيشاركوا دول يدونا كمان رأيهم. ليه فضلوا عربية عن التانية. و لهم الشكر
مع تحياتي
د.عيد