حب السرعة بين الواقع والتهور ؟
السلام عليكم ورحمة الله وبركاته،
طبعا الكل ملاحظ ان نسبة الحوادث زادت جدا والسرعه معدلها بقى عالى،
يعنى اللى بيجرب يمشى على الصحراوى من كام سنة هيلاحظ ان عدد الناس اللى بتسوق بسرعه عاليه بيتزايد سنة بعد سنة،
ياريت نتكلم فى الموضوع بواقعيه شوية ،
لأنه على الرغم من كل ده انا بسوق بسرعه على الطرق المفتوحه لكن الحمد لله بدون رعونه او تهور،
لكن برضه بسوق بسرعه !
وانا مش فاتح الموضوع ابرر لمحبى السرعه لكن بجد عايزين نوصل لحل وسط،
اولا فيه شوية حاجات نفكر فيها قبل ما نتكلم فى السرعه،
اولا، طول الطريق وعدم وجوده كثافة عالية عليه،
بالنسبة لى طريق العلمين مرسى مطروح، فى الشتاء طبعا،
مين ممكن يستحمل يسوق على الطريق ده فى الشتا وميعديش ال 120 ؟
تانى حاجه تقدم تكنولوجيا العربيات مع مرور الوقت وبالتالى زيادة السرعه القصوى لها وزيادة معدل ثباتها وعوامل الأمان على السرعات العالية،
يعنى بلاش نتكلم عن البى ام والمرسيدس وخلينا فى اللانسر والجين 2 والأوبترا والإلنترا وغيرهم من العربيات الثابته حتى 160 ك وأكتر،
عايزين بقى نعمل معادلة لموضوع السرعه،
وازاى الواحد يحكم على سواقته بأنها مش متهوره وازاى نراعى أكبر معدل للأمان وفى نفس الوقت الواقعية !
يعنى محدش يقولى انه هيمشى على 100 على طريق زى وادى النطرون العلمين فى الشتا !!
؟