السلام عليكم يا وحوش الرينو
هجكيلكم جكايه غريبه جدا
من كام يوم وانا رايح الشغل بدور علي المفتاح مكنتش لاقيه و احتست و مكنتش عارف اعمل ايه
أتاري حرمنا المصونه غسلت البنطلون بالمفتاح ونشرته في البلكونه كمان
تخيلوا ايه اللي ممكن يحصل لمفتاح ميجان مغسول و معصور و مشطوف في غساله ثم منشور علي حبل غسيل في يوم حر من اللي انتو عارفينو
ستر ربنا ان المفتاح موقعشي من البنطلون و هو منشور ... انا قلت اكيد المفتاح اتدمر و كانت النسخه الوحيده اللي معايا.....
نزلت اجرب المفتاح لقيته طبعا ما بينطقشي قمت شلت المفتاح المعدن اللي في الجنب لقيت البطاريه مصديه و اماكنها برضه مصديه ....
فتجت العربيه بالمفتاح المعدن و جربت ... لقيت الايموبالايزر شغال ...سبحان الله
جدير بالذكر هنا ... لو عايز تقفل العربيه و انت معندكش سنتر تعمل الاتي
1-تقفل كل القزاز
2-تقفل كل الابواب ما عدا باب السواق يكون مفتوح
3-تشيل المفتاح من مكانه و تدوس علي زرار اللوك اللي جنب زرار الدواره خمس ثواني ... هتسمع تكتين ورا بعض
4-تنزل من العربيه و تقفل الباب وراك و متقلقش لما النور يفضل منور جوه ... ثواني و هيقفل
فضلت بالوضع ده كام اسبوع لحد ما فضيت و رحت اشتريت بطاريه من راديو شاك ب 9 جنيه بناء علي راي وحوش المنتدي والكارت رجع زي الحلاوه
علما بأن الكارت ده مفكوك فبل كده و صلحته عند صديقي العزيز كبير المهندسين فرحات لانه كان وقع مني وقعه جامده جدا جدا
يعني لو حضرتك نزلت بالمفتاح البحر ز طلعت المفتاح مش هيحصله حاجه ..... حد يقدر يقول بعد كده ان رينو دي عربيه مفيهاش اعتماديه و ده نموذج لحاجات كتير اتعرضت لها مع العربيه دي و كل مره كانت بتثبت انها طفره و انها اتظلمت كتير قوي في مصر
ومعلشي طولت عليكم.... ويجعله عامر
المفضلات