الموضوع: موضوع لتبادل قطع الغيار الزائده عند كل واحد للبيع

المشاركة الأصلية كتبت بواسطة تامر.محمد

للبيع ,
عدادات لانوس1 من غير rpm , بحالة ممتازة
السعر : 75 جنيه

حتة من وش تابلوه لانوس اسود , من غير طبات الزراير و تقريبا مافيهاش اي كسور الا الكليبسة اللي باينة في الصورة على اليمين تحت , و الوش نفسه حالته كويسة و تقريبا مافيهوش خرابيش
السعر : 75 جنيه

طيب ممكن رقم تليفون حضرتك بخصوص وش التابلوه وعندى سؤالين ويا ريت تجاوبنى عليهم
1- ريش التكيف سليمه ؟ لان المشكلى اللى فى الوش عندى ان الريش فى منها متكسر
2- الكليبسه المكسوره ده هتضايقنى فى التركيب أو هتزن ؟ ولا عادى
شكرآ

السلام عليكم لو سمحتم يا شباب مطلوب الحاجات ده ويا ريت كل واحد موجود معاه اى حاجه يبهتلى الرد بالتليفون والسعر والحاله والصوره ان امكن لأن ان شاء الله هيبقى فيها سفر ( حركه تجديد شامله للعربييه ) لانوس 1
1- الأجزاء الخارجيه ( مطلوب 2 باب امامى وخلفى شمال + رفرف يمين + فانوسين خلفى + فانوسين شبوره )
2- الأجزاء الداخليه ( ساعه تابلوه + زرار شبوره + جلد باب داخلى لاربع ابواب + 4 فرش باب كهربا للكامله+ عدادات rpm )
3- العفشه ( مطلوب 4 مساعيد اماى وخلفى غاز+زيت ويفضل الحاله تكون جيده جدآ )
4- الكهربا ( مطلوب ابانز " حساس التكيف " لانى مش لاقيه لا جديد ولا استيراد وللى ما يعرفهوش ده اللى وظيفته يعلى كهربا المكنه اول ما تشغل التكيف علشان العربيه ما ترتلش لانى التكيف عندى مركبه للعربيه يعنى مش بياخد اوردر من الكنترول " )
5- الميكانيكا ( مطلوب بوابه بنزين - اى دى )

وبالنسبه لخامس نقطه علشان اكون واضح انا المشكله عندى انى بشيل رجلى من على البنزين بس العربيه بتفضل بتدى بنزين الميكانيكى قالى كده ده بوابه / العربيه بتبرجل منى على السلانسيه قالى ال اى دى فى مشكله )

شاكر جدآ ليكم

موجود باب شمال خلف السائق لانوس 1 اللون نبيتى فبريكه دواخل سنتر الفبريكه مش راكب عليه + الزجاج + الفرش
عادى مش كهربا لايوجد به اى برومه
السعر 600 ج
01006796172

يا راجل 600 جنيه فى باب ؟
اول مره اعرف ان اللانوس بقت يابانى :d
راجع السعر لو سمحت انا جايب بابين شمال خلفى وامامى ب 400 جنيه فاضين
راجع السعر اذا كنت ناوى تبيع

ياراجل انت حرام عليك بابين 400 ازاى ده لو لعربيه 28 هيبقى اغلى
ولا تزعل نفسك احنا هنا فى المنتدى بنوفر على الناس وبننقل التجربه انزل كده عزبه شلبى او الحرفين واسأل ؟؟
وشوف الدنيا ماشا ازاى
او اسأل حد من اعضاء المنتدى الكرام
انا منزل فى الباب 150ج
طب متزل تجيب من مكان ماجبت الباب ابو 200 وتريح دماغك :) :)

ما انا جبت خلاص من نفس المكان يا باشا... لان انا فاكر الناس بتبيع ارخص من التجار... وسبحان الله لفيت المنطقه الصناعيه فى السويس كلها على بابين لانوس 1 ومافيش حد ادانى سعر اكتر من 300 بجد مستغرب انت بتتكلم على اى اساس .... ما اعتقدتش انك اشتريت باب قبل كده أو اشتريتو توكيل .. أو حضرتك تاجر .....
عمومآ يا شباب انا جبت البابين انا كانت مشكلتى بس مش لاقى اللون الابيض... ولسه باقى الحاجت مطلوبه برضه

بالتوفيق بس ديه الاسعار هنا من عزبه شلبى من شهر بالظبط انا مش بتاجر عليك انت بتتكلم فى السويس منطقه صناعيه زى بورسعيد ارخص وارخص