حل نهائى لمشكلة كلبسات الإكصدام الداخليه

**tarekzein** · 18-07-2010 02:26 AM

بعد السلام عليكم

أخوكم طارق زين اولاوى قديم كان معايا الفكترا 94 ألفين سى سى مانيوال وبعدين بعتها وندمت ندم عمرى وجبت تويوتا كورولا 97 الشكل القديم (عربيه إعتماديه جدا بنزين وزيت وإمشى وخلاص ) بس برده مكنتش مرتاح

حاسس من جوايا إن أنا أوبلاوى أصلى (يمكن الجينات ) المهم الحمد لله بعتها وجبت أوبل فكترا 97 الفين سى سى أوتوماتيك والحمد لله رجعت أوبل تانى !!!(بيتى وطرحى )

المشكله دى قابلتنى فى العربيتين الأوبل وكل ما أروح لسمكرى يقولى قواعد أو كلبسات الإكصدام من جوه مكسوره ومفيش حل غير إننا نعملها مسمار ربط من بره يا تشترى إكصدام غيره لغاية لما ربنا وفقنى ولقيت واحد بتاع فيبر إسكندرانى (متخافوش هوة هنا فى القاهره )الولد ده أسمه وليد فيبر بس بقه معلم من الآخر

أنا دخلت شارع جانبى عرضه 3 متر وطوله 500 متر وبعد ما وصلت لآخره لقيت فرح
المهم رجعت بضهرى كل ده تانى والشارع زى عربيات الملاهى نص متر فوق ونص متر تحت المهم خرجت وأنا شايل الإكصدام خمس حتت كنت هاعيط
وليد ده بقى بيشتغل شغل قديم بيعمل قواعد جديده داخليه ولحام الفيبر بتاعه مش مجرد مكواه لأ ده كمان بيدى كل مناطق الضعف فى الإكصدام حزامات ربط صاج ويدبسها كويس وتعالى دوس على الإكسدام بعد كده ولا أجمل ولا أروع والتطبيع (محدش يفهمنى غلط ) مع الفوانيس والكبوت بالسنتى والمللى بجد وااااد معلم وشغل إسكنرانى على أبوه وعلى فكره هوه لسه معندوش ورشه يعنى شنطته فى إيده وعدته فى جانبه واللى عايزه يقولى وأنا فى الخدمه (هاجيبهوله يعنى هاجيبهوله ) وياريت الكل يبلغ العصابه أن طارق زين موجود دلوقتى كله يوسع

**islambana** · 18-07-2010 02:58 AM

مشكور ياباشا علي الافاده بس برضه ماقولتلناش تكلفه عمل الكليبسات كام ونوصل لوليد ده ازاي
وشرفتنا

**tarekzein** · 18-07-2010 03:07 AM

التكلفه كانت 130 جندى (بس الإكصدام بتاعى الأصلى بتاعها وكان متدمر تماما ) فعلا خمس حتت

يعنى مش تكلفة الكلبسات بس لأ واللحام والشنابر كمان

وأرقام تليفونه ..مش عارف ممممم .....

ممكن تبعتلى على الخاص وأديهملك (مش عايز أزعل حد فى الإداره ممكن يعتبروه إعلان )

تحياتى

**tarekzein** · 18-07-2010 03:25 AM

نسيت معلش الميل

tarekzein12@gmail.com

**mexmarine** · 18-07-2010 05:38 AM

طيب الباشا ما بينزلش اسكندريه .. علشان عندى مسمار من يوم ما اشتريت العربيه ناحية اليمين امامى حاسس انه باين للناس كلها و متغاظ منه

**tarekzein** · 18-07-2010 05:46 AM

اكيد بينزل هوه من إسكندريه أصلا وعلى العموم بكره إن شاء الله أسأله هاينزل إمتى ويرد عليك

تحياتى طارق زين

**rabbat5** · 18-07-2010 05:58 AM

انا محتاج رقمه يا استاذ طارق لو سمحت .

**tarekzein** · 18-07-2010 06:15 AM

بعتلك الرقم على الخاص وأنا فى خدمة أفراد العصابه عصب عصب

**opelawy** · 18-07-2010 11:13 AM

اعتقد ده مش اعلان
دي خدمة

الرجاء وضع اسمو و عنوانة و رقمه عشان نستفييد كلنا عشان الاوبل كله فيه مشكله الاكصدامات دي

**tarekzein** · 18-07-2010 02:22 PM

مستر opelawy بعتلك على الخاص لغاية لما نشوف رأى الإداره

وأى حد عايز الرقم يقول فى الموضوع وأنا هابعتهوله على الخاص وتحت أمركم

تحياتى طارق زين

الموضوع: حل نهائى لمشكلة كلبسات الإكصدام الداخليه

LinkBack

أدوات الموضوع

عرض

-

-

المواضيع المتشابهه

كلبسات ال جين 2

كلبسات الفيبرات اللي تحت

كلبسات الإكصدام و باكيتات العجل

حل نهائى لمشكلة حرارة الاوبل1600 موديل 97

كلبسات باكتة اللانوس!!

الكلمات الدلالية لهذا الموضوع

المفضلات

المفضلات

ضوابط المشاركة