بلى العجل

**AmRElSiSi** · 18-07-2010 04:01 AM

السلام عليكم

هو سؤال غبى شويتين
بس انا كنت عايز اعرف يعنى ايه بلى العجل
و مكانه فين

و اعراض تلفه ايه بالضبط ؟؟

**Moe86** · 18-07-2010 04:49 AM

مش سؤال غبى ولا حاجة, كلنا عايزين نتعلم
متابع معاك

**samirayad** · 18-07-2010 07:27 AM

بلى العجل بيفيد فى دوران العجل مع ملامسته لجسم الطريق بسهوله

ويسر

دون حدوث فقد كبير فى القدره المنقوله الى المحور الأمامى

والمحور الخلفى

والبلى عامة بيعتبر عناصر نحميل ممتازه للمحاور الدواره فى أى

منظومه هندسيه

نظرا لأن المنطقه المحتكه من البلى بتعتبر نقطه ( على خط مستقيم )

ومن هنا بيتم عدم الأحساس بالفقد الكبير فى القدره

من عناصر منتجه للقدره ( مثل محركات السياره )

وطبعا بيتم أختيار نوع رولمان البلى المناسب لكل منظومه

طبقا لنوع آدائها

ومن هنا بنجد كمثال

نوع البلى على المحور الأمامى ....مختلف تماما عنه فى المحور الخلفى

نظرا لنوع الأحمال المختلفه الواقعه على البلى فى المحورين

فمثلا نجد نوع البلى فى المحور الأمامى لأى سياره

_ بلى أبرى أو بلحى needle bearing لعدم الحاجه لنوع بلى معرض لأحمال جانبيه (عرضيه )

أما فى المحور الخلفى

_ بلى مخروطى bevel bearing لحاجتنا لبلى يتحمل أحمال محوريه وأحمال عرضيه

**Moe86** · 19-07-2010 03:52 AM

شكرا يا أستاذ سمير
بس مافيش صورة توضح الكلام الكبير دة شوية ؟ خصوصا انى ماعرفش اسمه اية بالانزليجى فى google
هو فى علاقة بينها و بين الكوبلن ؟

**zanativich** · 19-07-2010 11:31 AM

اسمه بالانجليزى
roller bearing
رومان بلى

**أحمد علوان** · 19-07-2010 02:31 PM

سا عيني على الشرح المفيد يا باشمهندس سمير يا ريت بقا كمان صورتين عشان تكمل الافادة

**samirayad** · 19-07-2010 03:42 PM

يا ريت بقا كمان صورتين عشان تكمل الافادة

جارى تدبير المطلوب بإذن الله

**samirayad** · 19-07-2010 04:07 PM

المنظر العام للبلى بعجل السياره الخلفى

وده التشريح الهندسى له من الداخل

CYLINDERCAL TAPPER ROLLER BEARING

بيلاحظ أن وضع العناصر الدواره مائل على محور أظرف البلى لأمتصاص حركة العجل الجانبيه كما بينا من قبل

**samirayad** · 19-07-2010 04:21 PM

BALL BEARING

بيستخدم فى عناصر التحميل الخفيفة الأحمال مثل الدينامو والطلمبات

منظر آخر لبلى السياره الخلفى

بلى أبرى (بلحى )

NEEDLE BEARING

بيستخدم لتحميل عجل السياره الأمامى ( كمثال )

وأيضا فى بعض التطبيقات الهندسيه الأخرى

بلى أسطوانى عدل

CYLINDERICAL ROLLER BEARING

يلاحظ هنا أن أسطوانات البلى المتدحرجه على الظرف الخارجى للبلى

ليست فى وضع مائل على محور الأظرف
مثل الخاص بعجل السياره الخلفى

ويلاحظ أيضا

أن أنواع تصاميم البلى كثيره جدا
ويتم أختيار التصميم المناسب
حسب طبيعة الحمل والتطبيق الهندسى
الذى سيتم أستخدام البلى به