دى اخرة الى يعمل صيانة فى توكيل غبور

**osamaelbaz** · 25-02-2008 04:41 PM

انا عربيتى ماتريكس روحت اعمل صيانة الالف كيلو فى غبور فرع قليوب روحت الصبح الساعة 8 والاستقبال كان يجنن اخدوا ملاحظاتى عن العربية وكانت ملاحظاتى ان الدركسيون مايل ناحية اليمين شوية والانذار بيعلق وكان عندى الكوتشة الى بتسند الكبوت مكنتشى موجودة سبت العربية عندهم وقلولى تنزل تخدها الساعة 12.30 انا كان عندى شغل فرحت الشغل ورجعتلهم الساعة 7 مساءا يعنى بعد 11 ساعة لقيت الدركسيون زى مهو والكوتشة مش موجودة وكل الى عملوة غيرولى زيت وفلتر المهم قولتلهم على الميل الى فى الدركسيون جة الفنى ورفع العربية وقالى كدة يبقى تمام المهم اخدت العربية ولقيت الدركسيون زى مهو والكوتشة مش موجودة وروحت المنصورة المهم انهردة الصبح لقيت زيت العربية ناقص وفية بقعت زيت تحت العربية المفاجأة بقى ان الفنى الى غير زيت العربية نسى يربط الطبة الى بتفرغ الزيت نزلت تحت العربية بمسك الطبة بتاعت الزيت لقتها بتلف فى ايدى وهى الى بتجيب زيت اتصلت بالمهندس الى سلمنى العربية وقعد يتأسف المشكلة انى لو ربنا مألهمنيش وشفت الزيت انهردة كان الموتور ضاع قولت لنفسى دى اخرة الى يعمل صيانة فى غبور

**SEATLOVER** · 25-02-2008 04:55 PM

هو حضرتك النهاردة الصبح لقيت الزيت زيادة ...ولا ناقص
http://www.nilemotors.net/Nile/showt...968#post176968

!!!

**osamaelbaz** · 25-02-2008 08:49 PM

انا لقيتة زيادة ولما رجعت العربية لورا لقيت تحتها بقعت زيت فالظاهر هما كانو مزودينة زيادة لانة لما لقيت الطبة بتنزل زيت لقيت منسوب الزيت منقصشى

**Sharky** · 25-02-2008 09:18 PM

فى خدمة و صيانة غبور دائما تلاقى حاجات تصنف ضمن مواقف و طرائف
هو غبور مافيش فايده من تعمله مش حيتغير أبدا

**Noha.M** · 25-02-2008 09:23 PM

مع ان اعلاناته حلوة

**SEATLOVER** · 25-02-2008 09:46 PM

الحمد لله انك اخدت بالك ..فعلاً احسن حاجة انك تبقى تشيك على العربية قبل ما تطلع بيها من التوكيل . جت سليمة

**zakiali** · 25-02-2008 11:43 PM

انتم هترعبوني ليه بس .. طيب والحل ايه مدام التوكيل هايل كده طيب ؟؟

**Khalid_Mostafa** · 26-02-2008 11:39 AM

انا شايف ان مش كل فروع التوكيل بهذا المستوي...يعني الفرع بتاع السلطان حسين في الإسكندرية مش بطال و الناس بتشكر فيه. وبعدين هو مش فيه واحد من غبور فاتح موضوع لتلقي الشكاوي ؟؟؟
لازم نستفيد بالموضوع ده

**liquidator** · 27-02-2008 01:24 PM

دي ممكن تكون حاله فرديه بس ده مايعفيهمش من المسؤوليه طبعا .. بس عن تجربه أنا بعمل الصيانه بانتظام كل 5000 كيلو و مفوتش ولا صيانه و عامل دلوقتي سبعين ألف كيلو و عمري ما اشتكيت من الصيانه قبل كده .... الناس محترمين و الشغل بيتعمل مظبوط نقدر نقول بنسبة 95 في الميه و كذا مره مدير الجوده ييجي و يسألني ان كان ليه أي ملاحظات .. عربيتي ماتريكس 2005 و أقدر أقول بكل فخر أنا مبسوط بانتمائي لهيونداي سادس أكبر مصنع سيارات في العالم و غبور جروب احدي قلاع صناعة السيارات في مصر ...
علي فكره أنا مش بشتغل في غبور ولا حاجه زي ما ناس كتير ممكن تكون فاهمه .. كل الحكايه ان الواحد لما بيبقي مبسوط بيحب يعبر للناس عن انبساطه ....

**zakiali** · 28-02-2008 12:16 AM

المشاركة الأصلية كتبت بواسطة liquidator

دي ممكن تكون حاله فرديه بس ده مايعفيهمش من المسؤوليه طبعا .. بس عن تجربه أنا بعمل الصيانه بانتظام كل 5000 كيلو و مفوتش ولا صيانه و عامل دلوقتي سبعين ألف كيلو و عمري ما اشتكيت من الصيانه قبل كده .... الناس محترمين و الشغل بيتعمل مظبوط نقدر نقول بنسبة 95 في الميه و كذا مره مدير الجوده ييجي و يسألني ان كان ليه أي ملاحظات .. عربيتي ماتريكس 2005 و أقدر أقول بكل فخر أنا مبسوط بانتمائي لهيونداي سادس أكبر مصنع سيارات في العالم و غبور جروب احدي قلاع صناعة السيارات في مصر ...
علي فكره أنا مش بشتغل في غبور ولا حاجه زي ما ناس كتير ممكن تكون فاهمه .. كل الحكايه ان الواحد لما بيبقي مبسوط بيحب يعبر للناس عن انبساطه ....

ويا تري أي فرع اللي انت بتشكر فيه اوي ده نروحه من الأول وخلاص ؟؟

الموضوع: دى اخرة الى يعمل صيانة فى توكيل غبور

LinkBack

أدوات الموضوع

عرض

-

-

-

المواضيع المتشابهه

توكيل غبور

توكيل غبور

يعني ايه الكلام اللي بيتقال ان توكيل رينو توكيل محترم ؟؟؟؟ صيانة 15000

توكيل غبور ولا توكيل عز العرب

الى المدعو غبور وكل من يعمل فى هذة الوكالة حاسبوا انفسكم قبل ان تحاسبوا

الكلمات الدلالية لهذا الموضوع

المفضلات

المفضلات

ضوابط المشاركة