الموضوع: أية رأيكم فى الصورة دى !!؟ لازم كله يدخل يبص و يدى تعليق كمان وصباحو عسل

لا تعليق غير "حاجة تقرف"
أنا و الله اتخنقت و زهقت

المشاركة الأصلية كتبت بواسطة ganash

لا حول ولا قوه الا بالله

لا نملك سوى كلمة حسبى الله و نعم الوكيل

المشاركة الأصلية كتبت بواسطة ahmed nouh

اجمل حاجه ان اتكتب عنه صفحات كتير قوى فى المجلات بورق يثبت انه نصاب

والموزعين اللى معاه قالوا انهم دفعوا فلوس ومستلموش وانه نصاب

واتعمل فيه محاضر ودلوقتى الناس فى النيابه علشان تجيب حقها

والراجل غير اسم الشركة وشكل العربيه شوية وجاب موزعين جداد وشغال مفيش مشاكل والحكومة عاملة عبيطة

كمان الحكومة مش عارفة تجيب حق الناس والله بقيت حاجة عاديه يعنى أن الناس يتنصب عليها و الحكومة تقف مكانها متعرفش تعمل حاجة

المشاركة الأصلية كتبت بواسطة mohamedhfz

لأ انت تثبت العربيه و تجيبلك عشره صعايده جدعان يلفولك الشارع

ههههههههههههههههههههههههه ههه عندك حق يا باشمهندس و شر الباليه مايضحك

المشاركة الأصلية كتبت بواسطة abogogo

العربيه دي شفتها وركبتها اكبر كدبه في عالم العربيات ان روحت مقر الشركة المستورده في 54 ش عرفات بحدائق القبة فعلا شركات بير السلم بجد مش هزار وبيقول انهم ليهم وكلاء في الدقهليه بطريق ميت غمر ومدينة فيصل امام قسم العصافره والعربية مقلب كبير لأي حد هيشتريها قال وليها كذا موديل 1- نانو dx و2- نانو gl ودي شبه الدايو ماتيز بس على اعفش و3- نانو glxi
العربيه خامات زباله وتفنيش زفت وأل ايه اسعار تبدأ من 25000 جنيه وصف العربيه تفتح الكبوت تلاقي راديتير وبطاريه بس وشوية اسلاك وتلف تفتح الشنطة تلاقيها فاضية طبعا قد شنطة الخضار تستعجب طب فين الموتور وانت فاتح الشنطة ارفع الكنبه الخلفيه هتلاقي الموتور والله موتور توك توك او متوسيكل حتى الكراسي نفس قعدت التوك توك ...... بصراحة هي لو ب 3000 جنيه تبقى حلوه للمدام تروح بيها السوق او تودي العيال المدرسة وتترمي بعد 3 سنين اقصى حد
لاء وبيقولوا تدفع 5000 مقدم وقسط شهري 340 وضمان 3 سنوات او 50000 كيلو
ودي صورتها

وكلاء !! ماهو مين المجنون إلى يبقى وكيل للتوك توك دة ؟
و مين إلى هييجى على نفسه كمان و يعملها 3 أصدارات !!؟ إلا واحد نصاب عايز يكدب على الناس ويخدعهم
و كمان تبدأ من 25 ألف جنيه يعنى سعرها أكيد هيوصل مثلا لـ35 ألف ههههههههه على أساس إنها ماروتى
و الماتور تحت الكنبه ههههههههههههههه دا على أساس أن الناس إلى قاعدة هتفقس ههههههههههه
و لو ب3000 جنيه فعلا تبقى زى الموتوسيكل فعلا يبقى كويس لكن بالسعر دة نصب علنى يا راجل دا صاجها كلها على بعضه مكيلفش 400 جنيه و الكاوتش بالجنوط قول حوالى 600 جنيه و ألفين جنيه ماتور و بطارية و كام سلك كدة و حلو أوى يبقى 3000 جنيه حلو عليها الأولاد يروحوا بيها المدرسة و الستات فى السوق لكن غير كدة مالهاش أستخدام