العقليه المصريه فى مجال السيارات (أبتكار - أختراعات - تطبيق - تنفيذ) و أين الحكومة !
http://img534.imageshack.us/img534/7060/basmala1.gif هعرض عليكم فيديوهات يمكن أكيد معظمكم شافها على اليوتيوب أو فى مواضيع لكن حبيت أجمعهم كلهم و حبيت أخليكم تتناقشوا معايا فيها شوية أكتر من كدة نصيحه فيه فيديوهات جديدة لازم تشوفوها طولوا بالكم فى أى دولة فى العالم أى واحد بيخترع أختراع بيبقى فيه براءة أختراع حتى لو لشفاط عصير عندنا فى مصر من حقك تفكر و من حقك تبتكر لكن مش من حقك الأبتكار دة يكون منسوب ليك أو منسوب لبلدك معرفش ليه موقف الحكومة سئ جدا فى المواقف إلى زى دى و ليه مش بتمول و ليه مش بتساعد رغم أن الناس بتجتهد لحد مابتيأس و دماغها بتقف عن التفكير و الأبتكار و دا بيؤدى لوقفهم عن تنفيذ أى حلم بيحلمو بيه أول موضوع لطلاب كليه فنون جميله عملوا جسم العربيات بالكامل و ركزوا فى كلمة بالكامل لأن فيه ناس بتعتبره مستحيل و التصميم الداخلى كله الفرش و التابلو و هكذا و قالوا أن إلى حصل دة بأشياء بدائيه جدااااا فتخيلوا لو فيه تطور و ماكينات كانوا عملوا أية ! التصميم الكامل أخد منهم 3 شهور و التنفيذ 4 شهور , لكن كان ينقصهم الميكانيكا أخدوها من عربيات تانيه و بيقولوا لو كليه هندسه دخلت معاهم فى الموضوع كانت عملت الميكانيكا كلها يعنى فى مصر أمكانيه عمل سيارة من الألف للياء لكن مفيش تمويل او مساعدة معنوية أو ماديه أو أى شئ للأسف التكلفه الكليه كانت فى حدود 30 ألف جنيه دا طبعا السعر غالى لأن مفيش برضة أمكانيات يعنى لو فيه أمكانيات هتقل فى الوقت و فى التكلفه الفيديو دة لازم تشوفوه لأول عربيه صنعوها (النبيتى) و شوفوا عاملة أزاى عشان تتحسروا
[youtube]http://www.youtube.com/watch?v=3zlYN6dWUsw[/youtube]
مراحل تصميمها و المجهود بالصور
[youtube]http://www.youtube.com/watch?v=sYfrp4ODicM[/youtube]
فيديو للسيارة وهيا معروضة فى معرض عربيات
[youtube]http://www.youtube.com/watch?v=XJtsSLKMoV0[/youtube]
الجزء الأول من برنامج البيت بيتك
[youtube]http://www.youtube.com/watch?v=pAoDCO6F5dM[/youtube]
الجزء التانى من برنامج البيت بيتك
[youtube]http://www.youtube.com/watch?v=AD8UTX697CM[/youtube]
تانى فيديو عن واحد صمم عربيه من الخشب !! أيوووووة من الخشب بما أنه نجار و عمار يا مصر و بجد بحييه من كل قلبى و أحلى تحيه للباشمهندس النجار إلى عمل السيارة دى لأنه بيفكر و عايز يعمل حاجة لنفسه لكن للأسف طبعا الحكومة واقفة زى السد العالى فى وش أى حد (يعنى لو كانوا أخدوا التصميم و عملوه صاج كانت الدنيا هتلعلع فى وشنا) و على فكرة الماتور 3500 سى سى
[youtube]http://www.youtube.com/watch?v=cBcYHjlUbaw[/youtube]
الموضوع التالت سواء أبتكار أو فكرة مقلده لكن يشكر و كتر خيره جدا أنه نفذها من مفيش و بدون أمكانيات أو دعم معنوى و هيا طريقة ركنه السيارات بالعجله الخامسه
[youtube]http://www.youtube.com/watch?v=Yxgms_IL0cs[/youtube]
الموضوع الرابع هو أختراع مصرى خااااالص 100% و الاجانب دلوقتى بقوا يعملوه ههههههههه لأن طبعا مفيش تمويل ولا مادى ولا معنوى , المخترع أسمه أحمد المصرى طيب عمل أية الأخ دة ؟ أخترع ماتور بيمشى بالمايا بس الطلعه الاولى بالبنزين و بعد كدة الدخان إلى طالع بيتكثف فى تانك و بيستخدم فى أن الماتور يدور من غير نقطة بنزين فى نفس الوقت بيقلل أستهلاك البنزين و بيحمى البيئة من الدمار إلى أحنا فيه + أختراعه لماكينه بتدخل فيها الزباله بتطلع مايا صالحه للشرب و شرب كوباية المايا أدام التليفزيون يعنى الراجل دة عقليه فاذة المفروض نستنفع بيها لكن للأسف لما قدم أختراعاته لمسؤل كبير فى وزارة الرى و للأسف محدش أداله أهتمام و فوت علينا بكرا
[youtube]http://www.youtube.com/watch?v=zDoQ3slAltU[/youtube]
الموضوع الخامس واحد فكر يعمل حاجة جميله أوى إنك تحمى عربيتك بالموبايل و دا بربط أنذار العربيه بخط موبايل و ساعة السرقة هيتصل بيك و لو أتصلت بالرقم إلى موجود فى العربيه هتقف نهائى و مش هتتحرك إلا بصاحبها كل دة عن طريق شبكه الموبايل
[youtube]http://www.youtube.com/watch?v=RiqKx2dB21Y[/youtube]
الموضوع السادس من ميكانيكى سيارات أسمه حسن الشحات مصطفى الدسوقى له كل التحيه و التقدير أختراعه كان عباره عن حاجة أسمها HR و دى حاجة بتركب مكان البوجيهات و مش بتعطل مدى الحياه و عن تجربه 6 سنين و البوجيه الجديد شعله واحدة فقط
[youtube]http://www.youtube.com/watch?v=lUDRCNCh3iM[/youtube]
أنتوا أية رأيكم و أية تعليقاتكم !!؟؟ بزمتكم مش قادرين نعمل عربيه محترمة فى الشكل و الأمكانيات وبسعر قليل جدا جدا جدا ؟ بزمتكم مش قادرين نعمل ماتور بيعمل بالمايا ؟ بزمتكم مش قادرين نعمل بوجيه مش بيعطل ؟ بزمتكم مش قادرين نعمل حمايه لعربياتنا ؟ تخيلوا بقى كل دة لو أتجمع فى عربيه واحدة بسعر رخيص و مصر عملت أول عربيه للأسف فينك يا حكومة لما شعبك فكر !!؟ و على فكرة حسبى الله و نعم الوكيل فى كل واحد أحبط محاولة أبتكار مصريه أو تنفيذ أو تفكير و تخيلوا كل دة فى العربيات فقط أمال عقول المصريين فى أى حاجة تانيه ممكن تعمل أية !!
