فكره محل كشرى محتاج رايكم

**A.Saad** · 19-07-2010 03:43 AM

المشاركة الأصلية كتبت بواسطة احمد المصرى

مِش عارف اقولك ايه بس لو امكن رقم تلفونك علشان اعرف اماكن سوق الجمله وكدا

وهرد عليك بالتفصيل علشان كلامك بجد فى الجون

جزاك الله كل خير

3481717 / 014

**dolly13** · 19-07-2010 10:11 AM

ربنا يوفقك بس لازم تحط فى اعتبارك ان اول سنة ممكن قوى المحل مايغطيش مصاريفه
طبعا الارزاق بتاعت ربنا لكن لازم يكون عندك دراسة جدوى وتشوف راس مالك هايعديك الفترة الاولى على المحل مايشتغل والا لا

**Car's Sniper** · 19-07-2010 10:41 AM

انا اسف انى هاقول لحضرتك الكلام ده ...افتكر كويس ان محل الكشرى ده موارده متعددة يعنى رز ومكرونة ...الخ. وماظنش انه هايكون تمام لانى لاحظت ان محلات الكشرى بدأت تصغر الكمية بتاعتها وده اللى مأكدلى انهم بدأوا يتزنقوا ماديا..فبلاش حكاية الكشرى دى وخليها اى حاجة تانية مافيهاش اكل يبوظ لو قعد او المخاطر دى.....بس لو انت عملت دراسة جدوى كويسة ولاقيت كله تمام اتكل على الله وربنا يوفقك

**احمد المصرى** · 19-07-2010 10:12 PM

المشاركة الأصلية كتبت بواسطة magyver

انا بموووت في حااجة اسمها كشري
ليا عندك طبق لما تفتح انشاء الله
بس ابقي كترلي التقلية والدقة وشطة خفييف

يا باشا 10 اطباق بحالهم بس شرفنى انت بس

**احمد المصرى** · 19-07-2010 10:14 PM

المشاركة الأصلية كتبت بواسطة dolly13

ربنا يوفقك بس لازم تحط فى اعتبارك ان اول سنة ممكن قوى المحل مايغطيش مصاريفه
طبعا الارزاق بتاعت ربنا لكن لازم يكون عندك دراسة جدوى وتشوف راس مالك هايعديك الفترة الاولى على المحل مايشتغل والا لا

طبعا كله على ربنا بس ربنا عالم بالحال وعالم قد ايه البيت بيحتاج مصاريف وربنا ال عالم ودراسه الجدوى انا بحاول اوصل لصاحب محل كشرى علشان يقلى على الاسلوب الامثل وطبعا يكون بعيد عن المنطقه بتاعتى علشان يقلى بضمير مش يغرقنى

**احمد المصرى** · 19-07-2010 10:17 PM

المشاركة الأصلية كتبت بواسطة cars sniper

انا اسف انى هاقول لحضرتك الكلام ده ...افتكر كويس ان محل الكشرى ده موارده متعددة يعنى رز ومكرونة ...الخ. وماظنش انه هايكون تمام لانى لاحظت ان محلات الكشرى بدأت تصغر الكمية بتاعتها وده اللى مأكدلى انهم بدأوا يتزنقوا ماديا..فبلاش حكاية الكشرى دى وخليها اى حاجة تانية مافيهاش اكل يبوظ لو قعد او المخاطر دى.....بس لو انت عملت دراسة جدوى كويسة ولاقيت كله تمام اتكل على الله وربنا يوفقك

انا باخد رايكم علشان كلكم ليكم وجهات نظر ولازم ادرس كل وجهات النظر بتاعتكم

وفعلا انا مش شرط كشرى بس المحل مجهز بالفعل كشرى بس لو لقيت حاجه احسن اكيد هعملها وطبعا فى الاول والاخر الارزاق بيد الله

وتقترح لو مكنش كشرى اعمله ايه ؟؟؟؟؟؟؟

**احمد المصرى** · 19-07-2010 10:20 PM

المشاركة الأصلية كتبت بواسطة a.saad

الطماطم والبصل واى خضروات هتتفق مع تاجر خضار يجيبهم لعندك
من التجار اللى بتنزل للمحلات
او تجيبهم من سوق الجملة اللى على طريق الواحات

الارز - العدس
اعتقد من عند كوبرى الساحل
المكرونة
مصنع مكرونة

الالبان للحلويات برده هتتفق مع تاجر البان
السكر من محلات جملة او مصانع تعبئة
العلب والاكواب البلاستيك
عندك عبد الحكيم او حامد موسى
ليهم فروع كتير منهم واحد فى فيصل - حسن محمد ممكن اسالك فيه على الاسعار
وليهم فروع اول ش القلعة او محمد على فى العتبة

المهم فى الاكل
النظافة
حسن معاملة الزبون
طريقة حسابات مضمونة
يعنى مش تخلى العمال تسرقك حتى لو اتفقوا سوا

فعلا انا سالت على سوق الجمله وانا ممكن اجيبهم الاول وبعد كدا التاجر هو ال هيعدى عليا يعنى محتاجه شويه تعب بس فى الاول

وربنا يسترها يا رب وربنا عامل انى ناوى اهتم بالمعامله والجوده والنظافه لاقصى درجه

**احمد المصرى** · 19-07-2010 11:25 PM

المشاركة الأصلية كتبت بواسطة eng_elnaggar

لازم انت اللي تقعد على الكاشير والله الموفق

الكاشير موجود وفعلا دا اهم واحد .... وموجود واحد قريبى وامين جدااااااااااا

-

-

الموضوع: فكره محل كشرى محتاج رايكم

LinkBack

أدوات الموضوع

عرض

-

-

-

-

-

-

-

-

المواضيع المتشابهه

فكره وعايز رايكم

محدش خبره فى اداره محل كشرى

فكره خطرت علي دماغي و محتاج مشورتكم

فكره مشروع كويسه و محتاج ارائكم

فكره جديده محتاج رأي الخبراء

الكلمات الدلالية لهذا الموضوع

المفضلات

المفضلات

ضوابط المشاركة