صباح الفل يا رجالة

اولا انا لسة جديد فى السواقة وفى العربيات ومعايا الساجا ربنا يبارك فيها عامل بيها لحد دلوقتى 800 كيلو مانيوال

اليومين اللى فاتوا دول طبعا كله حاسس بالحر فقولت مش هاقدر استحمل اعدى الاف كيلو وهاشغل التكييف وامرى لله بقى

فانا من زمان اسمع ان التكييف يأثر على سحب اى عربية ... فانا متعود على دوسة بنزين معينة لما بدوسها من غير تكيف العربية تسحب باحساس معين كده بحسه

فقولت اكيد الاحساس ده هايقل لما هاشغل التكيف
الغريب اللى حصل.. ان لما شغلت التكييف لاقيت بتحسب اكتر ..
اه والله بتسحب فعلا اكتر انا فى الاول قولت يمكن انا متهايلى وبخرف لحد اما اتاكد من مرة واتنين وتلاتة
يعنى دوسة البنزين بالتكيف اللى كنت بدوسها من غير تكيف بحس بفرق كبير فعلا والعربية بتجرى اسرع لدرجة انى من غير محس على طريق الكورنيش كده عند دخلة حلوان لاقيت نفسى على 120 وانا مشغل التكيف وكنت من غير تكيف فى الحتة دى اخرى كنت ببقى فيها على 100 وببقى حاسس بيها
بصراحة انا على حسب قد معرفتى مش لاقى تفسير غير ان مثلا ممكن يكون العربية وهى مقفلة مقاومة الهوا بتقل ... ولا انا بقول اى كلام ولا ايه ؟