:S_thum1[1]:
عرض للطباعة
طيب مافيش حل للمشكله دى
يا جماعه بجد دى ارواح مش هزار
يعنى ماينفعش النقل اللى يخرج من الحاره اليمين تتسحب رخصه
هو الموضوع صعب اوى كده
انا عارف ان الناس هاتقولى فيه 500000 حاجه غلط فى البلد
طيب نبدء بحاجه من 500000
ولا نجيب خبرا اجانب من ساحل العاج لحل الموضوع
ولا مش مشكله حياه الناس اصلا ؟؟؟؟؟؟؟؟؟؟
ياباشا ده بيبقي ماشي 120 وبمقطوره ومقضيها غرز واللي ميوسعش يشغله السرينه ويزنق عليه
شكلك مش بتمشي علي الزراعي كتيير
احيانا عالدائري لو شاورت للنقل يهدي ويمشي يمين بيعمل كدة فعلا !!! عملتها مرتين ومرة على الاوتوستراد شيراتون مدينة نصر وبرضة هدي شوية !!! طبعا لو طاير وعامل رعب وسرعني بطيئة بالنسبة مش هيلحق يشوفني باشاور يعني يبقى خلاص
باخد يمين واكبر دماغي
بس باشاور بوقار ومن غير عصبية وبثقة
انا مره كنت ماشى على الطريق الزراعى وواخد يمينى لقيت عربية نقل بمقطورة مشية على الشمال طيارة المهم لمقطورة اخدت مطب جامد لقيت التريلا بتنط على العربية عليا لولا ستر ربنا ومكنش فيه حاجه على يمينى مع شوية تهدية كان الى حصل حصل بس الحمد لله
أيوه فيه ... أننا نبطل نمشي في الطرق دي أو نسيب البلد دي و نرحل زي المثل القائل :اقتباس:
طيب مافيش حل للمشكله دى
يا جماعه بجد دى ارواح مش هزار
- أصبر علي (الأشي) يا أما (الاشي) يرحل أو تيجي (أشي) تأخده
حد فهم حاجة ؟؟؟؟
المفروض الحاره اليمنى فقط واللى يتجاوز يتسحب رخصته وتكون غرامته كبيره فى يومين حاتلاقى السواقين احترمت روحها
ويكترو الدوريات وكل دورية تزود بكاميرة فيديو عشان يسجل المخالفه( عشان البوليس مايمشيهاش غلاسه ومزاج)
بصراحه انا بقضيها بلطجه عليهم وبجري واقوم جاي قدامهم وضارب فرامل عشان يترعبوا. ماهم مايعرفوش مين الي بيبلطج عليهم ... مش ممكن يكون ظابط :3mla:
وانا ولا ظابط ولا حاجه :ma(30):
نصيحه لله بلاش تعمل كده لان الناس دي لو مخدتش بالها انت اللي هتضيع ده غير ان في منهم كتيير معندهوش ضمير وبيبقو محششين ولو لقو مفيش حد غيركم علي الطريق هيضعك ودي بتخصل وبسمعها من سواقين نقل والله
ديتك معاه لمسه بالمقطوره ده غير ان العربيات الجديده صروخ في الجري يعني متقوليش مش هيعرف يجيبني ( شوف انت لما عربيه بتشيل 70 طن تبقي فاضيه هتعمل ايه ؟)
انا عملتها كذا مره وجابت نتيجه بس ماجاش في بالي انه ممكن يبقوا محششين زي مانت بتقول !
ومعاك حق انا بشوفهم بيجروا بسرعات غريبه وهما محملين على طريق مصر اسكندريه الصحراوي. وحتى داخل الاحياء السكنيه.
اصل انا شوفت واحد معاه باجيرو عمل الموضوع ده في سواق تريلا وخلاه يحترم نفسه ومن ساعتها وانا واخده مثل اعلى ليا :)