الموضوع: تقرير صيانة ال 5000

السلام عليكم اجدع شباب ورحمة الله وبركاته
حبيت اشاركم اولى تجاربى مع التوكيل ، كنت قد حجزت صيانة ال5000 فى فرع المقطم و اخذت موعد يوم 14/7/2010 الساعة 2.30 م .
المهم ذهبت فى الموعد المحدد تقريباً وكان معى قائمة من الملحوظات بيانها كالتالى :
اولاً ملحوظات على الكهرباء:
اشارات السنتر لا تعمل عند الفتح و الغلق ، لمبة الابواب مضاءة باستمرار ، اضاءة الصالون عليها ملحوظة ، اضاءة الفانوس الايمن اطول مدى من الفانوس الايسر.
ثانياً ملحوظات اخرى
عضة وتزييق فى المارش ، استهلاك البنزين بيعلى مع الوقت ، الابواب الخلفية بالذات تقيلة فى الغلق.
المهم بعد وصولى بحوالة 10دقائق جاء احد الاشخاص و فتح العربية بص جواها وسجل بعض البيانات و نظر حولها و سجل الخدوش والخبطات التى فيها و طلب منى رخصة السياراة و اخذ منها بعض البيانات واعطانى ورقة حمراء علمت بعد ذلك انها امر الشغل حدث ذلك فى سرعة عجيبة ودون ان يتبادل معى اى حديث او يسألنى عن اى شيئ. ، وبعد انصرافه بحوالى 5 دقائق اخرى جاء احد الفنيين و وجدته يلف بلاستيك حول الفتيس و عجلة القيادة و الكرسى الامامى فأخبرته اننى عندى ملحوظات فى السيارة و اننى لم يسألنى احد عنها فسألنى لماذا لم اخبر بها المهندس الذى استلم منى السيارة عندها علمت ان الشخص المتعجل دائماً هو مهندس الاستقبال ، عندئذ قررت ان ابحث عنه واخبره بملحوظاتى حول السيارة وبصعوبة وجدته بعد ان عرفت اسمه من على امر الشغل وسألته لماذا لم يسألنى عن ملحوظاتى عن السيارة قالى انا تحت امرك اهو فيه ايه وكانت الردود كالاتى: ( مع الاخذ فى الاعتبار ان دة تجميع الكلام حيث تخلل هذا الحوار 5 مكالمات محمول و10 مداخلات مع اشخاص اخرين "منتهى عدم التقدير و الاهتمام")

انوار السنتر هيه العربية فيها سنتر ؟ فلما اكدت له وجود السنتر عاد و تساءل متأكد انه هناك اشارات؟
(لا تعليق) المهم اقتنع
عضة المارش هناك جزء بيركب عند صيانة ال 10000 كيلو متر
الابواب الخلفية ان شاء الله هاتبقى احسن مع الوقت
استهلاك البنزين العالى دة طبيعى كدة
عدم انتظام اضاءة الفوانيس دة طبيعى فى كل العربيات ، واستشهد بشخص آخر .
لمبة البواب و اضاءة الصالون الوقت متأخر و العربية عاوزة مراجعة كهربا يا تسيبها تبات اليوم او تجيبها وقت تانى

ابديت تذمرى اننى لا استطيع تركها كما اننى محتاج يوم اجازة اخر من العمل حتى اجيئ يوم اخر ، المهم سابنى و مشى وانا لا افهم هو ناوى على ايه.
المهم زهقت من الحر ودخلت الاستراحة وكل دة ده و السيارة لا تزال خارج الورشة حتى جاء احد الفنيين وادخلها حوالى الساعة 3.35 م ، وقفت اتابعها من برة حد فتح الكبوت و لمدة حوالى 8 دقائق تخللها انوار الفوانيس كانت تضاء و تنطفئ المهم بعد كدة تم رفعها عاليا وقام احد الفنيين بقياس ضغط الهواء فى الاطارات الاربعة و عمل مراجعة على المسامير (والله اعلم ) باستخدام عدد 2 مفتاح كانوا معه وبعد كدة انزلت السيارة وتم ركنها على جنب، كل ده استغرق حوالى ربع ساعة على اقصى تقدير .
كل هذا وانا لا اعرف المهندس فهم ايه وايه اللى اتعمل فى السيارة ، المهم دخلت الاستراحة تانى و شربت شاى و كل شوية اخرج ابص على العربية اجدها كما هى ، حتى وصلت الساعة 4.15 م قلقت ليكون المهندس عاوز يبيت السيارة فبحثت عنه حتى وجدته وسألته هاستلم السيارة امتى سالنى هيه خلصت ؟ (وانا ايش عرفنى) فسألته تانى هيه عايتعمل فيها ايه أخبرنى الانوار والصيانه ان شاء الله كان ده اول خبر حلو اسمعة ، بعد كدة سمعت اسمى ينادى من شباك على الاستراحة ذهبت و اخدت صورتين من تصريح خروج السيارة وذهبت لاحاسب على الشاى اخبرنى العامل انه واجب ضيافة ودة كان تانى حاجة كويسة تحصل معايا ، خرجت و اعطيت المهندس تصريح خروج و استلمت السيارة وتأكدت ان كل الاشارات اتصلحت تمام ،
شكرت المهندس وانصرفت
طبعا انا اتكلمت كتييير قوى بس انا كنت حابب احكى كل شيء بالتفصيل الممل.

ودى كانت اول تعاملاتى مع التوكيل.
الى لقاء فى صيانة ال 10000