بنام وانا سايق

**katz** · 18-07-2010 07:36 PM

الف سلامة ليك و ربنا يستر طريقك

انا باسافر كتير و ممكن ابقى ناقص نوم و اسافر و لذلك اتعرض لمشكلتك دائما

عن تجربة اسهل حاجة انك تنعس و انت سايق مره حصلت لى و كان معى مراتى و بنتى و صحيت على الكاوتش بيخبط فى رصيف الشارع بس ربنا ستر و جت سليمة

اتبع النصائح التى اتبعها انا و ربنا هو الستار

1- حاول انك تنام كويس قبل ما تسافر

2- لما تلاقى نفسك ابتديت تنعوس على طول على جنب فى اول حته امان و اديها تعسيلة ربع ساعة او حتى ساعة و لا يهمك و ما تقولش لا بلاش انا مستعجل لأن امنك بالدنيا و ممكن تيجى على نفسك و العواقب تكون وخيمة

المهم انك تقف فى حتة منورة و واضحه عشان العربيات اللى جاية من وراك ما تخبطكش و ياريت لو بجوار كمين شرطة عشان ما حدش يثبتك و بعدين و دى اهم حاجة تسيب 2 سم من كل شباك مفتوحين عشان يدخل لك هوا و تتجنب خطر الاختناق و طبعا تسوجر الابواب كلها

3- البيبسى يا معلم و القهوة زى الزملاء ما تفضلوا و عن تجربة كمان الشيكولاته حلوة قوى

4- المضغ يجعلك متيقظا فمثلا سندوتش او اتنين معاك تضربهم عند اللزوم و مضغ اللبان كمان مهم جدا و بيجيب نتيجة كويسة

5- اياك اياك و الدفء فى العربية ايام الشتاء . اول يا معلم ما تحس بالنعسان تفتح ازازك و تدخل تيارات الهواء المثلج

و ربنا يسلمك من كل سوء

**osama.m** · 18-07-2010 07:47 PM

لما كنت بسافر كتير و احس اني هنام فا كنت باخد معايا ريدبول
الايام دي شوية سوداني و لب و شوية لبان بردو و 2 ميرندا
شغل قران او اي حاجة بتحب تسمعها و دندن معاها و على صوتك

**Egyzizo** · 18-07-2010 07:53 PM

اركن على جنب ونام فى العربية تلت ساعة ، هتفوق عليهم ساعتين.
(مجرب)

**mrwho1982** · 18-07-2010 09:00 PM

خاللي معاك لب علطول في العربية او تسالي

**mohabelnegm** · 18-07-2010 09:11 PM

المشاركة الأصلية كتبت بواسطة hemalotfy

حصلي كذا موقف بكون سايق العربية وجاي من سفر او مسافر ويبدأ النوم يجيلي مع اني بكون نايم قبلها ومن ضمن هذه المرات كنت مسافر القاهره وماشي طريق بلبيس وقبل ما ادخل على الصحراوي بمسافة نمت وصحيت على صوت هزهزة العربية وهي نازله في التراب وربنا سترها والحمد لله صحيت مفزوع من النوم وصحصحت لحد ما وصلت وموقف تاني وانا جاي من بور سعيد بعد القنطرة وانا داخل على الصالحية مفيش هناك الا حارة رايحه وحاره جاية ومفيش رصيف بينهم والنوم جالي ومبقتش قادر اقاوم لحد ما نمت فعلاً ورحت في الحاره التانية الا وعربيه جايه من بعيد لقيت اخويا زعقلي رحت لامم نفسي بسرعة وصحصحت من اثر الخضه وربنا سترها والحمد لله

ايه بقى علاج النوم ده ؟

بشغل قران واعلي الصوت واحيانا نجوم اف ام واحيانا الاف ام موديوليتور ومفيش فايده شكل اخرتي قربت :y_hi_3[1]:
مفيش حل يصحصح الواحد ؟!

أنا بسافر كتير بالعربية و مسافات طويلة جدا...كان عندى المشكلة دى لغاية لما سواق سياحة قالى على فكرة "الجزر" ....... أيوة" الجزر" قبل ما تسافر تشترى كيلو جزر و تقطعه حلقات و تحطة جنبك, و كل ما تحس أنك عايز تنام و لو ل1% قرقشلك شوية جزر و المضغ و القرقشة مع تحريك الفكين هايصحصحك بدرجة مش هاتصدقها و ربنا يستر طريقك.

**MaZaGAngeE** · 18-07-2010 09:57 PM

أنا زيك كده لو سقت بالنهار انعس مهما كنت نايم كويس قبلها ,
احسن حاجة تركن و تغمض عينك 10 دقايق أو ربع ساعة هتلاقي نفسك فقت تمام و موضوع الجزر ده ممتاز بس انا كنت بعمله بلب و حلويات .... اكيد الجزر أفيد اكتر بكتير

**Ayman-Ahmed** · 18-07-2010 10:09 PM

توكل على الله اول ما تركب العربية.
دعاء الركوب.
زى ما قالوا الزملاء(لبان-جزر-مسليات-اتكلم مع حد)
متقفلش الشباك كله
اول ما تتعب اقف واتمشى حوالين العربية
اغسل وشك بمية واضرب وشك ضربات خفيفة اوى على الخدين والجبهة
بلاش السكلانس لانه هيهد جسمك بعد السفر وهتحس انك متوتر
ركز مع الطريق وابقى عد الاعمدة ,بص على نمر العربيات_يعنى خلى مخك شغال علطول وحاول تدرب نفسك تشيل فكرة انك هتنام اول ما تسوق بل بالعكس انا نايم كويس وامبارح حتى كلت....وشربت وبعدين نمت كتير مش جايلى نوم خالص.

انا مش دكتور بس انا بحكم شغلى بعد جنب سواقين بيسوقوا لمسافات طويلة جدا يعنى ممكن على الاقل 1200 كم مرة واحدة مع ريست طبعا بس من غير نوم نهائى.

ربنا يسترلك طريقك وطريقنا جميعا

**A.Saad** · 19-07-2010 04:29 AM

الكولا والبيبسى فيها كافيين بس سكر علاى طبعا
جرب تدعك باصابعك المنطقة اللى بين الحواجب اعلى الاتف لان فيها اعصاب كتير
ممكن تنزل تعمل جرى فى المكان او تلف حوالين العربية وتغسل وشك بمياة ساقعة

**amrbakly** · 19-07-2010 05:08 AM

ريد بول و تفتح الشباك اللي جنبك مهما كان عامل وش و صداع و مهما كان الجو سئ

كمان منصحش اطلاقا بتشغيل بمزيكا هادية أو حتي قرأن، لأنة حيهدئ الأعصاب اكتر و يخليك اكثر عرضة للنوم

ممكن تسمع اي حاجة مزعجة علي الراديو او علي الكاسيت و فعلا مزعجة

و نصيحة تكشف مخ و أعصاب فعلا و تتابع ضغط الدم

-

الموضوع: بنام وانا سايق

LinkBack

أدوات الموضوع

عرض

-

-

-

-

-

-

المواضيع المتشابهه

اتخبطت النهاردة وانا سايق

الدركسيون بيقاوم ايدى وانا سايق

بحس بسخونيه وانا سايق

حاجه غريبه حصلتلى وانا سايق انهارده

الكاوتش اتخرم وانا سايق على الصحراوي

الكلمات الدلالية لهذا الموضوع

المفضلات

المفضلات

ضوابط المشاركة