بنام وانا سايق

**hemalotfy** · 18-07-2010 02:29 PM

حصلي كذا موقف بكون سايق العربية وجاي من سفر او مسافر ويبدأ النوم يجيلي مع اني بكون نايم قبلها ومن ضمن هذه المرات كنت مسافر القاهره وماشي طريق بلبيس وقبل ما ادخل على الصحراوي بمسافة نمت وصحيت على صوت هزهزة العربية وهي نازله في التراب وربنا سترها والحمد لله صحيت مفزوع من النوم وصحصحت لحد ما وصلت وموقف تاني وانا جاي من بور سعيد بعد القنطرة وانا داخل على الصالحية مفيش هناك الا حارة رايحه وحاره جاية ومفيش رصيف بينهم والنوم جالي ومبقتش قادر اقاوم لحد ما نمت فعلاً ورحت في الحاره التانية الا وعربيه جايه من بعيد لقيت اخويا زعقلي رحت لامم نفسي بسرعة وصحصحت من اثر الخضه وربنا سترها والحمد لله

ايه بقى علاج النوم ده ؟

بشغل قران واعلي الصوت واحيانا نجوم اف ام واحيانا الاف ام موديوليتور ومفيش فايده شكل اخرتي قربت
مفيش حل يصحصح الواحد ؟!

**ehabradwan** · 18-07-2010 03:11 PM

ممممممممم مش عارف انا زيك كده بس لما ببقى راكب جنب السواق انما وانا سايق الحمد لله مابنامش
بس عامة ده 90 % ارهاق بس انت بتقول بتبقى نايم كويس
انا رايي تروح لدكتور لان الموضوع مش سهل
بس لحد ماتروح لدكتور انا لما ابقى مسافر وتعبان بجيب كذا واحدة بيبسي كان و احطهم جنبي وكل شوية اديها بؤين وممكن اكلم اي حد في الموبايل يعني عامة اي حركة مش هتخليك تنام و ربنا يحفظك من كل سوء و ابقى قول دعاء السفر والركوب

**احمد المصرى** · 18-07-2010 03:14 PM

بلاش تسوق بليل

**ghaith_peogeut** · 18-07-2010 03:22 PM

الحمد لله على سلامتك اولا ...ولكن كلنا بتحصل معانا الحاجات دي بس انا شخصيا اول ما بشوف نفسي تعبان او بديت انعس وانا بسوق باركن على جنت واناملي شي ربع ساعه ولما بصحى ممكن اكون مصدع لكن مش نعسان .....

**adhamsabry51** · 18-07-2010 03:23 PM

بص في اختراع كده القهوجيه بيعملوه اسمه سكلانس بيبقي عباره عن شاي علي قهوه ناس كتير جربته و قالت انه فرق معاهم جدا جرب و شوف واشرب بيبسي و انت سايق فيها كمية كافيين لطيف برضه و ربنا يسترها ان شاء الله

**ashrafsadany** · 18-07-2010 03:26 PM

انصحك تتابع الضغط ممكن يكون منخفض وممكن تعمل تحليل صوره دم علشان تطمن ان مفيش انميا وحاول قبل ماتركب السياره تشرب او تاكل حاجه مسكره علشان ترفع السكر فيرفع طاقه جسمك لو معندكش سكر طبعآ

**بحري** · 18-07-2010 03:34 PM

كده خطر جدا على فكرة
ضروري ترح لحد متخصص في النوم..دكتور أعصاب تحديدا...لو حابب تروح لحد فعلا قولي وممكن أخليك تروح لحد في القاهرة

**kar!m** · 18-07-2010 03:49 PM

الموضوع ده بيحصل لك بالليل ولا بالنهار؟
أنا أعتقد انك بتنام وانت سايق بالنهار أكتر من بالليل .. عشان بالليل بتكون محتاج تركز أكتر عشان الطريق.
الحل دلوقتى انك أول ما تحس انك نعست تنزل و تغسل وشك بشوية ميه (خلى معاك ازازه فى العربيه) .. متسبش نفسك كده .. الموضوع ده خطر فعلا.

**hemalotfy** · 18-07-2010 06:54 PM

الف شكر لكل الاعضاء اللي ساهمت في الموضوع

الموضوع ده بيحصلي بالنهار اكتر من الليل واخر مره الاسبوع اللي فات كنت جاي من مشوار ميكملش 25 كيلو ولقيت نفسي بدات اهيس وانعس واول موصلت البيت كل الاعراض دي راحت وفضلت سهران لحد الفجر ونمت بعد الصلاة

ان شاء الله اروح لدكتور مخ واعصاب واشوف الدنيا فيها ايه

-

الموضوع: بنام وانا سايق

LinkBack

أدوات الموضوع

عرض

بنام وانا سايق - انشر الموضوع فى :

-

-

-

-

-

-

-

المواضيع المتشابهه

اتخبطت النهاردة وانا سايق

الدركسيون بيقاوم ايدى وانا سايق

بحس بسخونيه وانا سايق

حاجه غريبه حصلتلى وانا سايق انهارده

الكاوتش اتخرم وانا سايق على الصحراوي

الكلمات الدلالية لهذا الموضوع

المفضلات

المفضلات

ضوابط المشاركة