انا عايز اعرف ايه الفرق في الامكانيات بين موديلات التيريوس و سعر كل موديل ايه عشان في موديلات كتير و فرق الاسعار بينها كبير.
عرض للطباعة
انا عايز اعرف ايه الفرق في الامكانيات بين موديلات التيريوس و سعر كل موديل ايه عشان في موديلات كتير و فرق الاسعار بينها كبير.
وأنا كمان
لو تكرمتم حد يشرح لنا
وأنا كمان نفسي
متابع بإهتمام...
انا ح اتكلم عن التريوس الخمسة راكب ... مش الجراند تريوس اللي هيا سبعة راكب :
- كل موديلات التريوس ( 5 راكب ) .... تقفيل ياباني و مكونات يابانية من الألف للياء .
- بينزل من التريوس تلات موديلات :
Platinum G - Platinum GX - Platinum GX Limited Edition - Platinum GXR - Platinum VXR
- كل الموديلات دي دفع ثنائي ( خلفي ) ما عدا vxr دفع رباعي .
- الأسعار و المواصفات :
1 - بلاتينيوم G : اربعة ازاز كهرباء - تكييف عادي - باور - فتيس اوتوماتيك - انذار و سنتر لوك . السعر : 116 ألف .
2 - بلاتينيوم GX : اربعة ازاز كهرباء - تكييف عادي - باور - انذار و سنتر لوك - فتيس اوتوماتيك - مشغل اسطوانات MP3 مدمج - فوانيس شبورة . السعر : 123 ألف .
3 - بلاتينيوم GX Limited Edition : اربعة ازاز كهرباء - تكييف عادي - باور - انذار و سنتر لوك - فتيس اوتوماتيك - مشغل اسطوانات MP3-VCD ( سوني ) - 2 شاشة DVD - جنوط 15 ( مش سبور ) - فوانيس شبورة - 2 ازاز فيميه اسود ( مثبت بالإفراج الجمركي ) - مرايات كهرباء . السعر : 126 ألف .
4 - بلاتينيوم GXR : اربعة ازاز كهرباء - تكييف عادي - باور - انذار و سنتر لوك - فتيس اوتوماتيك - فتحة سقف - فرامل ABS - اتنين ايرباج - فوانيس عدسات - فوانيس شبورة - جنوط سبور 16 - 2 ازاز فيميه - مشغل اسطوانات MP3 مدمج ( مش سوني و مفيش شاشات ) - حوامل فيبر - أُكر نيكل - مرايات كهرباء - دريكسيون متعدد الاستخدامات . السعر : 136 ألف .
5 - بلاتينيوم VXR : اربعة ازاز كهرباء - تكييف اوتوماتيك - باور - انذار و سنتر لوك - فتيس اوتوماتيك - فتحة سقف - فرامل ABS - اربعة ايرباج - فوانيس عدسات - فوانيس شبورة - جنوط سبور 16 - 2 ازاز فيميه - مشغل اسطوانات MP3 مدمج - أُكر نيكل - حوامل فيبر - نظام الدفع رباعي - مرايات كهرباء - دريكسيون متعدد الاستخدامات . السعر : 146 ألف .
-------
أنسب فئه فيهم هى GX Limited Edition ( في وجهة نظري ) .
- بالنسبة للأُكر النيكل : لا يوجد في التوكيل طقم أُكر نيكل أصلي .... موجود بخارج التوكيل طقم أُكر نيكل للتريوس ب 300 جنيه ( أكيد مش الأصلي :) :) ) ...
- تركيب الدفندرات : حالياً ممنوع في المرور تركيب اي دفندرات خلفية أو جانبية أو أمامية .
- بكل الموديلات توجد خاصية طيّ الكنبة الخلفية و وجود لمبة ايقاف علوية بالخلف .
دي اسعار موديلات التريوس الخمسة راكب اللي اعرفها ......
و كل سنة و انتم طيبين :)
1000 1000 شكر أستاذ Alios
معلومات قيمة
:verygood:
في اضافات بسيطة :
- في gxr و vxr لوحة العدادات فضية .
- في كل موديلات البلاتينيوم 2 ازاز فيميه في الجوانب . و في كل الموديلات في مساحات للإزاز الخلفي و غطا استبن اصلي فيبر ( بعد ما كان بينزل جلد ) .
- الاختلاف في الاسعار طبقاً للكماليات و نظام الدفع .... لكن الموتور واحد و خرج الموتور واحد برده .
- لو دفعت تمن العربية كاش , بتاخد مفتاحين بريموت ..... لو بالتقسيط , يبقى مفتاح واحد بريموت بس .
و الف شكر للناس الجميلة على ردودهم الجميلة :)
أحب أقول تعديل صغير إن مافيش فتحة سقف فى التريوس فى أى موديل من الخمسة