الموضوع: أنا عملت 3000 كيلو بعربيتي ام 11 وتقريري عن صيانة الألف

الأول انا اسف ليكم جدا على التأخير بس ربنا يعلم ان الواحد بيكون مش فاضي بحاول الاقي اي وقت عشان اكتب المهم مش حطول عليكم الأول ححكي ليكم اللي حصل في صيانة الألف

انا اتصلت حجزت في مركز ابوالفتوح الرئيسي بالكيلو 32 الصحراوي كنت عايز اروح ابورواش اتصلت احجز مكنتش اعرف انه من غير حجز المهم وصلت هناك ابوالفتوح الساعه 8.5 الصبح بالظبط تقريبا

دخلت جوه المكان منظم جدا واستقبال اكتر من رائع كنت حاجز نادو على اسمي وشافو اني حاجز ومهندس قعد معايا وقلت ليه على كل العيوب اللي ظهرت معايا وطلع عاين بعضها المهم كتب كل العيوب دي على ورقة الجوب بتاعتهم

بس العربيه بالظبط انا كنت واقف بتفرج مش بحب اقعد بزهق دخلت بدأو شغل فيها الساعه تسعه دخل الأول
[overline]الكهربائي[/overline] وكل شويه الاقيه يعمل حاجه ويلف بالعربيه العيوب اللي كنت ليه عليها
النور الأوتو كنت فاكر انه بيعلق بيفضل شغال بس جربه قدامي قالي سيبه دقيقه في النور وحيطفي
لمبة من لمبات الزجاج الخلفي كانت مش بتنور وعملها
وصلة اليو اس بي بتاعتي كانت مش الأصليه وبتعلق غيرها ليا بوصله تانيه تمام

بس الراجل خلص العربيه وطلعها بره استلمها الميكانيكي بعدها قلت ليه على عيوب اللي معايا
كانت العفشه طبعا عايزه تتربط وكمان في صوت تزييق في الشنطه ورا وكمان عضه في الفتيس المهم الراجل شاف كل ده وقالي ماشي اوك

دخل بالعربيه ورفعها وربط العفشه وغير الزيت وعمل كل ده وبعدها لقيته فاتج الشنطه وبيعمل فيها حاجه بعدها يقعد واحد او اتنين في العربيه ورا ويطلع يجربها فضل يعملها حوالي عشر مرات عشان العربيه تتظبط

المهم بأختصار بعدها رحت لتظبيط الزوايا عشان كان عندي حدفه يمين الراجل نفس الموضوع رفعها واشتغل فيها كتير وكل ده والله قدام عيني وبخش اشوف بعد مظبطت بتاع الأمن طبعا ههههههههه
المهم على الساعه اربعه لقيت نظامهم بعد مبيخلصو بيطلع المهندس الرئيسي بتاعهم يجرب العربيه على الطريق كان اسمه مهندس زكريا وراجل محترم جدااااا
المهم ركبت معاه وهو طالع يجربها ركبت المعاه المهم العربيه سحبها فرقت جدا جدا والثبات والعفشه وصوت الشنطه راح بس مش خالص وعضة الفتيس اختفت بس بحس الفتيس عايز زيت وسألت قالو ليا لا مش بيتغير دلوقتي
المهم الحدفه اليمين اتعملت بس فضل منها سنه بسيطه قالي والله لسه عندي كام عربيه حتطلع على الميزان وخدت رقمه قالي كلمني في اي يوم تكون فاضي وتعالى اعملها ليك واول مرجعنا المركز كلم الناس وخلاهم يعملو الصوت اللي في الشنطه واختفى خاااااااااااااالص

المهم دلوقتي بعد 3000 كيلو بحب اللي يقول الصراحه عن العربيه يا جماعه العربيه شياكه وفخامه وثبات وكل حاجه المشكله دلوقتي عندي الصوت اللي في الشنطه رجع بسيط وعايز اعمل ظبط الزوايا اللي مكانش كمل قبل كده في صيانة الألف ان شاء الله قريبا وكمان العفشه عايزه تتربط تاني وده كلو حيكون في الألف ان شاء الله

بجد رأيي بكل صراحه العربيه يا جماعه تحفه الحمدلله ثبات واداء وقوه ورفاهيه كل اللي بيظهر شوية عيوب بسيطه اما اللي بيحب يكبر كل حاجه وانا بعمل الصيانة عند عيسى عندنا واحد معاه كيا خليجي جابة علبة دريكسيون على 10000 كيلو يعني العيوب وارده في اي عربيه بس المهم يكون عندك ثقه فيها

ولو رجع بيا الوقت حختارها برضو هي بجد افضل اختيار في فئتها انا وانا بشتري العربيه الوحيده اللي كنت احتمال اجيبها بدلها هي الجين تو بس عشان الأسره عندنا كان لازم اجيب عربيه اوسع شويه
واي استفسار انا في الخدمه

اه نسيت متنسوش العين يا جماعه كتيره اووووووووي انا حصلي حاجات كتير وكمان الزجاج الخلفي كنت راكن تحت البيت لوحده جاله سرطان ونزل ورحت غيرته في التوكيل في ربنا يبعد عننا العين ويبارك لينا في عربياتنا واسف على الأطاله بس ده رأيي وبصراحه عن عربيتي
وبالنسبه للصيانه بجد مشفتش مركز محترم زي ابو الفتوح الصحراوي وقابلت واحد معاه 620 عامله حوالي 95000 كيلو وبيقولي بيعمل كل صياناته هناك ومركز كويس ومش بينصب في الحساب زي مراكز تانيه
وياله اسف تاني على ا لأطاله
السلام عليكم

ممكن ارقام المركز ده لو سمحت