شطب شركة شيري للسيارات من (القائمة البيضاء) للمستوردين فى مصر

**ehaballam** · 18-07-2010 03:25 PM

علشان كان بيتقال علينا بنفترى على الصينى !!!!
القاهرة - محرر مصراوى - أصدر المهندس رشيد محمد رشيد وزير التجارة والصناعة السبت قراراً بشطب شركة شيري أوتوموبيل الصينية المنشأ من سجل الفحص الظاهري للرسائل الصناعية غير الغذائية‏ (‏ القائمة البيضاء‏)‏ بالهيئة العامة للرقابة علي الصادرات والواردات‏ .
وجاء قرار الوزير نتيجة لتكرار رفض العينة التي أجريت عليها الفحوصات المعملية ‏(‏مساعدين سيارات‏)‏ وثبوت عدم مطابقتها للمواصفات خلال شهر مايو الماضي‏.‏
وأكد المهندس رشيد محمد رشيد‏ أنه سيتم تطبيق عقوبات مشددة علي الشركات المستوردة التي تتلاعب بالمواصفات والجودة،‏ أو تقوم بأي ممارسات تضر بالمستهلك المصري‏، وأوضح رشيد أن هذه العقوبات سوف تشمل الشطب نهائيا من سجل المستوردين‏،‏ وأنه سيتم وضع الشركات الأجنبية المخالفة في قائمة سوداء لمنع التعامل معها‏.‏
ويعلن المهندس رشيد محمد رشيد‏ خلال الأيام القليلة المقبلة‏،‏ عن قوائم سوداء جديدة بأسماء شركات مصرية استوردت سلعا مشكوكا فيها، وسوف تنضم هذه الشركات إلي قائمة الـ‏27‏ شركة التي تلاعبت في شهادات الاستيراد من الصين وأحالها الوزير إلي التحقيق‏.‏
وأكد المهندس رشيد أن الوزارة سوف تتصدي بكل حسم وقوة لأي محاولات لإدخال سلع غير مطابقة للمواصفات وضارة بالمستهلك‏.‏
وأوضح رشيد أنه من الآن فصاعدا‏ سيتم إعلان أسماء الشركات المخالفة حتي يتم انضباط السوق والمستوردين‏، وقال رشيد إن حماية المستهلك وضبط السوق يمثلان أولوية قصوي للحكومة المصرية‏،‏ وحذر رشيد بقوة قائلا‏:‏ "وعلي المتلاعبين تحمل العواقب‏" .
ومن جانبه‏، أكد المهندس محمد شفيق رئيس الهيئة العامة للرقابة علي الصادرات والواردات أنه سيتم عمل مسح شامل لضبط السلع غير المطابقة الموجودة في السوق‏، وقال: "إنه لن يسمح بأن تكون السلع الصينية المطروحة في السوق المصرية أقل في الجودة من مثيلتها بالسوق الأمريكية والأوروبية‏" .
وأضاف شفيق قائلاً : "نحن لسنا بلد النفايات‏، ولا أحد فوق القانون‏" .
http://www.masrawy.com/News/Cars/2010/july/18/chery_rashid.aspx

**factorialx** · 18-07-2010 03:33 PM

شيري = إسبيرانزا
للي مش عارف

وزير الصناعة أكتر وزير بحترمة من الوزراء الموجودين حاليا

**tamagogo** · 18-07-2010 11:13 PM

وهنا ينطبق المثل القائل:
ياشماتة ابله ظاظا فيا
انا بهزر محدش يزعل

**Moe86** · 19-07-2010 02:56 AM

كويس والله, شكرا على الخبر

**babaro500** · 21-07-2010 12:42 AM

قرار محترم وبن ناس ايوة كدة احمونا بقى

**foxarc** · 25-07-2010 07:10 PM

ايه علاقة الصين بالموضوع ده عيب مستورد و ليس شركة
يا جماعة بلاش شماته و تحفز للصيني كفاية بقي
محدش يقول مثلا عشان الرواس استورد مساعدين و قطع غيار زبالة ان متسوبيشي شركة مش محترمة
كلام غير منطقي و غير عقلاني
فيه ماركات صينية أثبتت وجودها بشدة في السوق المصري و بتنافس السيارات الكوري و الياباني و الاوروبي
و ده واقع فعلا محدش يقدر ينكره و الناس مش عبيطة عارفه انه العربيات الصيني فيها عيوب زي اي عربية تانية
و لكن الصفقة في المجمل صفقة رابحة و علي فكره انا مش بعمم أنا بقول فيه ماركات محترمة و مستويات زي أي
بلد تانية الياباني السوبارو مش التويوتا مش زي الهوندا مش زي الدايهاتسو مش زي السوزوكي
مع تحياتي

**pharonicking** · 26-07-2010 12:12 AM

دى نص العربيات اللى فى البلد اسبرانزا"

**zkralla** · 28-07-2010 02:52 PM

المشاركة الأصلية كتبت بواسطة foxarc

ايه علاقة الصين بالموضوع ده عيب مستورد و ليس شركة
يا جماعة بلاش شماته و تحفز للصيني كفاية بقي

لو الوكيل وحش والشركه الام محترمه هترفض تنفذ طلباته بارسال منتجات معيوبه مش بس هترفض ديه هتلغى التعاقد معاه

محدش يقول مثلا عشان الرواس استورد مساعدين و قطع غيار زبالة ان متسوبيشي شركة مش محترمة
كلام غير منطقي و غير عقلاني

لا كلام منطقى وعقلانى لو استوردها من شركه متسوبيشى بيقى شركه متسوبيشى مش محترمه
بس السؤال هل ممكن متسوبشى توافقه وتديه قطع غيار معيوبه
مستحيل ولا يمكن
الفرق هنا أنه لو قلب الدنيا شركه متسوبيشى مستحيل تطلع حاجه معيوبه ( الا نسبه المعيب العاديه المسموح بها كعيوب صناعه )

فيه ماركات صينية أثبتت وجودها بشدة في السوق المصري و بتنافس السيارات الكوري و الياباني و الاوروبي
و ده واقع فعلا محدش يقدر ينكره و الناس مش عبيطة عارفه انه العربيات الصيني فيها عيوب زي اي عربية تانية
و لكن الصفقة في المجمل صفقة رابحة و علي فكره انا مش بعمم أنا بقول فيه ماركات محترمة و مستويات زي أي
بلد تانية الياباني السوبارو مش التويوتا مش زي الهوندا مش زي الدايهاتسو مش زي السوزوكي
مع تحياتي

الى حصل ده يا جماعه فى مصلحه اى حد معاه صينى والموضوع مش شماته خالص
يعنى لما الشركات ديه تتشد عليها هتلاقى التوكيلات المصريه والمصانع مش بيتفقوا على ارسال البضائع المعيبه لمصر