احجز ازاى صيانة الالف للساجا؟؟؟

**vsaga** · 18-07-2010 03:49 PM

يا رجالة مساعدة
انا قربت على الالف خلاص يعنى ادامى يومين تلاتة كده واكملهم
كنت عايز اعرف احجز ازاى صيانة وايه احسن فرع وفى حاجة اخدها معايا ؟؟ واخد معايا فلوس كام

**Tarek Gen 2** · 18-07-2010 05:52 PM

الفلوس مش هتزيد عن 170 جنيه و اللى هيتم تغير زيت و فلتر و معالجة اى حاجة بتشتكى منها و ان شاء الله ميكونش فيه حاجة
فى العجوزة 0120110995
و فى ابو رواش و ده الافضل لو بتشتكى من حاجة 0117872000
انما لو صيانة بس الاتنين تمام اختار الاقربلك
توكيل العجوزة اول يمين بعد مسرح البالون فى يمين تانى اخر اليمين ده على الشمال
ابو رواش تنزل مصر اسكندرية الصحراوى من على المحور تفضل ماشى لحد ما تلاقى عز العرب على يمينك تخش و تسال هيقولك فين بروتون

بالتوفيق ربنا يوفقك

**mahmoud_n_z** · 18-07-2010 06:00 PM

ازيك يا باشا ايه الأخبار

الساجا عاملة معاك ايه ربنا يكفيك شرها و يرزقك خيرها
الحمد لله انا استلمت الساجا يوم الخميس ورخصت امبارح بالعافية

وشكلي كده هخلص الألف كيلو بدري بدري وهحصلك عن قريب ان شاء الله
يا ريت حد يفيدنا في الرد لانه مهم جدا للناس الجديدة في الضمان
وشكرا

**Dr.Islam** · 18-07-2010 06:33 PM

المشاركة الأصلية كتبت بواسطة mahmoud_n_z

ازيك يا باشا ايه الأخبار

الساجا عاملة معاك ايه ربنا يكفيك شرها و يرزقك خيرها
الحمد لله انا استلمت الساجا يوم الخميس ورخصت امبارح بالعافية

وشكلي كده هخلص الألف كيلو بدري بدري وهحصلك عن قريب ان شاء الله
يا ريت حد يفيدنا في الرد لانه مهم جدا للناس الجديدة في الضمان
وشكرا

السلام عليكم, سؤال بس عشان دايخ عليها , حضرتك كنت حاجز في التوكيل ولا من بره؟ تسليم فوري ولا استنيت اد ايه؟

**mo7hamedemad** · 19-07-2010 12:49 AM

زائد كلام Tarek Gen 2

لو عايز تظبط زوايا يبقى تروح على الصحراوى
لو صيانة عادية وملاحظات عادية يبقى العجوزة

الصحراوى لازم تحجز
العجوزة لا يشترط الحجز

تكلفة الصيانة كانت تقريبا 165 (مش فاكر)

اهم حاجة تعملها انك تكتب كل ملاحظتك فى ورقة وتخدها معاك عشان متنساش حاجة

**vsaga** · 19-07-2010 09:06 AM

فالتحيا الرجالة الجامدة اللى مش بتتأخر على اى طلب من اى حد .. بجد الشباب هنا رجالة جامدة والف شكر ليكوا كلكوا والف شكر وشكر خاص لكل من
Tarek Gen 2
mo7hamedemad

والريس محمود ازيك ياريس ومبروك عليك الساجا وربنا يكفيك شرها .. طبعا انا عارف ان الترخيص ده كان فيلم درامى كبير .. بس يالا عيش حياتك والف مبروك .. هى الساجا معايا لحد دلوقتى تمام مفيش مشاكل الفتيس بس كان فى الاول تقيل شوية بس دلوقتى بقى تمام لوحده مع كتر الاستخدام انا عامل 850 كيلو وشغلت التكيف الصراحة لان الايام مقدرتش استحمل والتكيف ما شاء الله جميل ومش بيأثر نهائى على سحب العربية بل بالعكس انا جايلى احساس انه بيخلها تسحب اكتر بس ناس قالتلى دى تهايئات ههههه عادى بقى ... انا قربت على الالف ياريس بسرعه لان انا كل يوم مشوار الشغل بعمل ستين كيلو
بس شكلى هاروح احجز فى ابو راوش مدام بيقولوا احسن
تحياتى للجميع

**mahmoud_n_z** · 19-07-2010 10:03 AM

المشاركة الأصلية كتبت بواسطة solly2net

السلام عليكم, سؤال بس عشان دايخ عليها , حضرتك كنت حاجز في التوكيل ولا من بره؟ تسليم فوري ولا استنيت اد ايه؟

والله يا باشا انا بالصدفة كنت رايح اسأل عليها في معرض بالمهندسين
واكتشفت انه موزع مش معرض وخلاص و كان عندهم عربيتين ساجا و واحدة بيرسونا

وده رابط الموضوع اللي كنت عامله

http://www.nilemotors.net/Nile/159308-a.html

**mahmoud_n_z** · 19-07-2010 10:26 AM

والريس محمود ازيك ياريس ومبروك عليك الساجا وربنا يكفيك شرها .. طبعا انا عارف ان الترخيص ده كان فيلم درامى كبير .. بس يالا عيش حياتك والف مبروك .. هى الساجا معايا لحد دلوقتى تمام مفيش مشاكل الفتيس بس كان فى الاول تقيل شوية بس دلوقتى بقى تمام لوحده مع كتر الاستخدام انا عامل 850 كيلو وشغلت التكيف الصراحة لان الايام مقدرتش استحمل والتكيف ما شاء الله جميل ومش بيأثر نهائى على سحب العربية بل بالعكس انا جايلى احساس انه بيخلها تسحب اكتر بس ناس قالتلى دى تهايئات ههههه عادى بقى ... انا قربت على الالف ياريس بسرعه لان انا كل يوم مشوار الشغل بعمل ستين كيلو
بس شكلى هاروح احجز فى ابو راوش مدام بيقولوا احسن
تحياتى للجميع[/QUOTE]

ازيك يا باشا اخبارك ايه
الله يبارك فيك و يباركلك في العروسه ( قصدي العربيه طبعا )
الحمد لله العربيه تمااااااااااااام والله وربنا يسترها علينا بس من الطريق وعيوووووون الناس
علي فكرة انا برده شغلي حولي 50 كيلو يوميا (المعادي الجديدة) علشان كدة الألف هيخلصوا بسرعة
وياريت لما تعمل الصيانة علي خير ان شاء الله تحكي لينا علشان برده نستفيد منك

وشكرا للرد

**vsaga** · 19-07-2010 11:24 AM

اكيد يا باشا هاحكلكوا كل اللى حصل عشان الناس تستفيد

الموضوع: احجز ازاى صيانة الالف للساجا؟؟؟

LinkBack

أدوات الموضوع

عرض

-

-

-

-

-

المواضيع المتشابهه

احجز ازاى فى مركز عصام صفا

استفسارات بخصوص صيانة الالف للساجا (عاجل)

عايز احجز صيانه الالف بروتون ساجا .....و تجربه السفر

عايز اعمل تيست درايف للساجا حد يعرف اعمله ازاى؟؟؟؟؟

ازاى احجز لعمل صيانة فى منصور الصحراوى

الكلمات الدلالية لهذا الموضوع

المفضلات

المفضلات

ضوابط المشاركة