اجيب منين موتور بليزر 6سلندر

**elzaradashty** · 30-07-2010 11:30 AM

والله ياباشا هو الوش اتشرخ ولحمته وبع ماركب بدور الكبس بتاع العربية كله بره والميكانيكى قال لازم يحل الموتور + ان الكرنك 060 يعنى الدنيا بايظة على الاخر
اما موضوع بليزر سبيعنات انا اضفت بعض صور العربية فى مشاركة + اللينك اللى حضرتك اضفته
المهم ياباشا انى كلمت الراجل بتاع بورسعيد اللى انت بعتلى رقمه وقالى الموتور موجود بس قالى اسعار عالية اوى
المانيوال بـــ7000
الاوتوماتيك بــــ10000

**elzaradashty** · 30-07-2010 08:44 PM

بتاع المنزلة مش بيرد

**ChEKoOo** · 30-07-2010 10:05 PM

قوووووووووووووووول يا رب

**Adham** · 30-07-2010 11:11 PM

طيب ما تشوف فوزي الخواجه اسأل مش حاتخسر حاجة

و اللي سمع غير اللي اشترا

و خليك ورا بتاع المنزلة كلمة بين المغرب و 10 مساء يكون رايق شوية انما هو بيصحى متأخر الضهر فامتكلموش بدري

**elzaradashty** · 01-08-2010 08:49 PM

يارب
كلمت بتاع المنزلة قالى معندوش بس ممكن يشوفلى وهيرد عليا
شكلى هركب 8سلندر 5700 انجكشن واخلص..........................!

**Adham** · 01-08-2010 09:32 PM

المشاركة الأصلية كتبت بواسطة elzaradashty

يارب
كلمت بتاع المنزلة قالى معندوش بس ممكن يشوفلى وهيرد عليا
شكلى هركب 8سلندر 5700 انجكشن واخلص..........................!

يارااااجل و موتور الجراند دة تصرف علية بنزين منين

دة 50 كيلو في الصفيحه جوة البلد

طيب ما لو كدة ما تجيب موتور شيروكيي 6 سلندر ال 4100 القديم حايبقى حنين و ممكن تشغلة اوتوماتيك بفتيسة زي ماهوة متهيألي بس تجيبة كامل بضفيرتة

شوفة في جسر البحر - شبرا

انا شفت كتير مقطعين شيروكيي هناك

او اصبر على وليد هوة حايلف لفتة و يتصرف فية لانة حايكسب فية و هوة لية سكك

سيبة يومين و كلمة

بس ما وصيكش ضروري تاخد ورق الموتور في ايدك و تتأكد من صحه البصمه و تاخد موتور عالتجربة

و الاحسن ان تجر العربية للمنزلة و هوة يقفلهالك تاخدها منة دايرة و تريح بالك

بس لو هيه اوتوماتيك يبقى ماتقطرهاش

**elzaradashty** · 07-08-2010 06:43 PM

يعمل كام موتور الشبروكى 4100

**Adham** · 07-08-2010 10:28 PM

معرفش !!! اسأل الحاج صلاح بتاع بورسعيد عندة منة

لو عايز موتور فرونتيرا ال 3200 ال v6 الجديد ممكن اجيبلك واحد بضفيرتة بالكونترول يونيت بالفتيس الاوتوماتيك بالانترفيس بتاعه بفتيس الغرز والكرونتين و
الكردان و الكبالن في حدود 14 و لو عايز الموتور بس بالضفيرة و الكونترول حوالي 8 من غير فتيس لو يركب على فتيسك

الموديل القديم ال 3200 v6 اللي باسبراتير بضفيرتة بفتيسة بكونترولة ممكن ب 4 بالكونترول يونيت, بس دة مالوش اي قطع غيار جديدة هنا في المحلات و لا يعرفوة لانة مانزلش هنا خااااااالص
بس موتور 180 حصان حاينطط العربية و تبيعها دايرة

لو عايز قوللي

**M!NA** · 08-08-2010 02:25 AM

المشاركة الأصلية كتبت بواسطة elzaradashty

يعمل كام موتور الشبروكى 4100

الموتور يعمل حوالي 4500
ده البلوك بس...
من غير تغذية...
لو عيزه كامل بالتغذية... هيعمل 6000
فتيس الاوتوماتيك... بيعمل 2700

ولو عايز أي حاجة من دول.. قوللي وانا اوصلك بالناس اللي من الاخر....

من الآخر من ناحية الشغل... والسعر.....

بس هارجع واقولك... عربيتك وعن تجربة...شفتها بـنفسي.... راكبلها موتور الجامبو .... وكانت أكتر من تحفة...

في النهاية القرار ليك لوحدك...