الموضوع: تنك البنزين اتخرم يا رجاله

السلام عليكم ورحمه الله وبركاتة:
كل سنة وانتم طيبين
من اكتر من اسبوع وانا ماشى بالجين تو دوست على حاجه زى ما تكون طوبة او حديدة والمهم ضربت العربية من تحت جامد وخرمت تانك البنزين وفى التوكيل قالولى الخرم صغير ولحمناة بمادتين بس الافضل تغير التانك و خصوصا ان اللحام احتمال كبير يفك اية رايوكو اغير التانك ولا الحمة برة لحام حديد.

المشاركة الأصلية كتبت بواسطة ghaith_peogeut

كل سنة وانت طيب ...وبالنسبة للتنك بتاع البنزين انا من خبرتي الشخصية انك متخاطرش في حاجة زي دي لان مهما كان الثقب صغير ممكن يفك اللحيم ويسرب بنزين ..وهذا مش لعب لان ممكن يعمل كوارث لا قدر الله برأيي انك متستخصرش ثمن تنك واشتري سلامتك ..وبالنسبة للحام الحديد يحتاج لاجراءات منها فك التنك وبعدين تفريغ التنك من البانزين تماما وثم تركه لتخرج ابخرة البنزين وثم غسله بالماء والصابون لاكثر من مرة وثم تركه لانك ان ما عملتش كدا ممكن لا قدر الله ينفجر التنك بسبب ابخرة البنزين ...

و أضيف على كلام حضرتك أنه التنك بيتغسل بالخل و دة بيكون ضمان لنضافة التنك بنسبة 100% من أى أثر للبنزين.