بطلت فجاءة..وصوت المارش اتغير ومش عايزة تذور تانى
بطلت فجاءة..وصوت المارش اتغير ومش عايزة تذور تانى
هات بطاريه تانيه دور بيها الأول
لو دارت
يبقى تكشف على الدينامو
مادارتش
تبقى تشوف البوبينا أو المشط أو سير الكاتينه ( حسب اللى موجود فى عربيتك من عوامل التبطيل الفجائى )
أو طلمبة بنزين مثلا
وهكذا
يا باشا الميكانيكى شاف العربية دلوقتى وقالتى سير كاتينة ..مع ان السير راكب وسليم قالى السير مش بيلف مع المارش. انا دورت العربية 5 مرات وكل مرة حوالى 7 ثوانى. ياترى حصل حاجة فى الصبابات او البساتم
هي عربية حضرتك ايه.. علشان في عربيات قديمة مش بتعوج صبابات... السير طالما مش بيلف مع المارش يبقى طنبورة الكرنك كانت مهوية فبالتالي (ترس الكرنك) كان مهوي و حر الحركة فالعربية خلفت تقسيمة....
في خطر فعلاً على الصبابات و البساتم للأسف فعلاً.. بس كده كده هنحل علشان نعرف في ايه...
والله أعلم..
شوف و طمنا...
في رعاية الله...
كلام مظبوط هاتخلي ميكانيكى يعيد التقسيمة تانى وانشاء الله تتحل وبالنسبة لسير الكاتينة فى العربيات القديمة فى معظم الاحوال بتعدى على خير علشان اعلى نقطة بيوصلها البستم بتكون برضو بعيده عن اقصى نقطة ينزلها الصباب ده غير ان لما بيتقطع السير عامود الكامة اللى بيحكم حركة الصبابات بيتوقف عن العمل لانو بيستمد حركته من الكرنك بواسطة السير
وان شاء الله خير
العربية 127 توب 1050-وياترى الميكانيكى هياخد كام فى الموضوع دة -وهايعمل أيه بالظبط -لانة بيقولى هانقسم وهانظبط ونركب السير وكلام كتير وقال هاتاخد ساعة وثمن السير 45 جنيه تقريبا -انا كنت بفكر اركب السير بنفسى زى سير الدينامو الحقونى بالرد يا جماعة لانى نازلة بعد شو ية
يا جماعة- طلع عيب سير كاتينة -السير سليم بس سنانة متاكلة.غيرلى السير وقسم التقسيمة- وقالى ماحصلش حاجة فى الصبابات غير صباب رقم 3 قالى الصباب دة اتعوج حاجة بسيطة. بس مش هيأثر معاك قوى مش محسوس -رحت بالعربية مدينة نصر عملت بيها 25 كيلو -وجبت 120وكانت كويسة بس العربية بتسقف كتير وصوت الموتور عالى
وبقى فى صوت تكتكة عالى - الموتور الاول كان ناعم جدااا وهادى زى بتاع الاونو. ياترى المشكلة فى ايه.
للأسف حتضطر تحل وش السلندر وتغير طقم صبابات
وكاوتش صباب وجوان وش سلندر
وبالمره حتعمل روديه وتنظف مجارى التبريد بالبلوك
طبعا هو لو سابها بالشكل ده العمليه حتكبر
وحيزيد معدل أعوجاج الصبابات
وحتبدأ الصبابات بالحك فى دلاليلها بوش السلندر
وأيضا ستتلف القواعد بتاعة الصبابات
وقد يضطر لتغيير الوش كله
____________________
بس أعتقد سير الكاتينه مش حيكون واقع تحت خطر حاليااقتباس:
لان الصبابات اللي بتكون مش مستقيمة ممكن تسبب قطع سير الكاتينة مرة ثانية وبالتالي تلف البساتم ايضا
لأن الخطوره على السير بتيجى اليه من منظومة شغله عليها أو من عملية
الأهمال فى تغييره فى موعده المقنن من قبل صانع المحرك
أو من عيوب الصناعه