الموضوع: آخر مرة عيطت فيها إمتي..؟؟!!

سؤال غريب حبتين ..معلشي..

الموضوع دا فبالي ملصبح ...كان فيه بنت رضيعة توفت النهاردة الضهر.. وناس كتير قاعدين بيبكوا.. لقيت واحدة صحبتي شاورتلي علي واحدة كانت أكثرهم بكاءا وقالتلي.. أكيد دي مامتها.. قلتلها ليه؟؟ قالتلي عشان اكتر واحدة بتبكي بضمير............


الموضوع دا استوقفني شوية... هيا إيه اصلا ميكانيزم البكاء.. وايه مدي ارتباطه وانعكاسه لحالة الانسان.. طب ليه في ناس بتبكي من مواقف معينة وناس لأ....

ربنا سبحانه وتعالي وأنه هو أضحك وأبكي كما ذكر في سورة النجم.. يعني العاطي واحد

يبقي ليه بيختلف البكاءؤ من شخص لآخر.. طب لو السبب المشترك هو الحزن ليه الناس ساعات

بتبكي لما تسمع خبر حلو اوي.. وليه الناس بتبكي احيانا من كتر الضحك.. وليه الناس بتبكي من

خشية ربنا مع ان دي مش حاجة وحشة

وليه الاطفال اكثر بكاءا من الكبار؟؟ يمكن عشان عايشين بالفطرة؟؟ يعني من الكبار الاكثر بكاءا دا انسان علي فطرته ..طب يبقي ليه بنتكسف نبكي قدام حد؟؟؟

طب ليه بنرتااااااااااح اووووووووووووي لما نعيط.. لدرجة اننا لما بنتعب بنشتاق للبكاء عشان نفرج همنا ...........


اسئلة كتير في بالي مش لاقيالها اجابات

احيانا ملصدمة مبتحسش بالحزن اللي انت فيه

واحيانا بنفقد ناس مبنحسش بقيمتهم غير لما نحتاجلهم اوي