-
هل دى حاجة طبيعية !!!
السلام عليكم ورحمة الله وبركاته
موضوع تعبنى جداااااااا وشاغلنى جدااااا لدرجة انى ساعات بتعب نفسيا وبحس انى هموت بجد
الموضوع وما فيه
انى كتير بحس انى هموت , يعنى ابقى داخل انام ويجى ليا حاجة تقولى انت هتموت وانت نايم
كتير جداااااا بحلم انى ميت وبشوف نفسى بموت
الموقف ده اتكرر كتير لدرجة انى فى مرة كنت داخل انام ولقيت صوت بيقولى انت هتموت انهارده قمت صليت ونمت وانا على يقين انى هموت وبقيت بودع الناس بطريقة غريبة
اعمل ايه الموضوع ده تعبنى فى ونفس الوقت فرحان لانى دايما متذكر الموت وده لان بجد نفسى اموت علشان ارتاح من الدنيا بما فيها حلو او وحش
انا ممكن مكنش منتظم فى الصلاة اوى بس الحمد لله عمرى ما اعمل الحرام ولا اجى جنبه
طيب حل اللى عندى ايه !!!!!
انا اكتر حاجة تعبانى جدااااا انى لو مت اكتر حد هزعل اوى عليه امى وابويا لانهم بجد غاليين اوى عندى
-
هقلك كلمة واحدة بس
يبختك..
-
ازاى يا بختك
يابختك انى مش عارف انام
-
لا
يبختك انك مفتكر الموت فكل وقت كدا
-
انا عارف ان ده كويس بس بجد انا تعبت من كتر التفكير انا مش بعرف انام
الحل ايه !!!!!!!!!!!!!!!!!!!!
-
طب انت التفكير بيتعبك ف إيه؟؟ هل هو خوفك من الموت في حد ذاته؟؟
ولا حاسس انك مقصر ومش مستعد للموت فلوقت دا؟؟؟
يعني حدد سبب التفكير المستمر دا وخوفك
-
مجرد ان الواحد يفكر فى الموت ده فى حد ذاته يتعب الواحد
سواء مستعد او مش مستعد والله وربنا يعلم انى بحسد كل واحد رايح بندفن ولا حاجة
ده مش يأس منى ولا حاجة بس اكيد هو رايح دار الحق واحنا فى الباطل
التعب كله ان بالى مشغول اوى بالموضوع ده
شئ متعب جداااا مجرد انك ماشى وفى حاجة بتقولك فى ودنك انت هتموت كمان شوية انت لو ركبت العربية دى هتعمل حادثة وتموت
-
كانت عندي الحالة دي ايام الاعدادية
كنت حاسس احساس غريب اني هموت الكلام دة كان كل يوم
-
ربنا معاك
حاجة مؤرقة جدا
بس حاول تشغل نفسك بالحياة اكتر
-
دى اكتر حاجة قرفانى انى شاغل نفسى بالحياة وبالشغل والبيع والتجارة لدرجة انى تعبت بجد
Content Relevant URLs by
vBSEO 3.6.0 PL2