ارجو من اخونا يقولو لينا اذا كنا نحط بنزين 90 ولا 80
فيات 128 (90 ام 80)موديل 81
الفيورا127 (90 ام 80)موديل 84
لادا 2105 (90 ام 80)موديل 83
وهل لو حطينا 80 حتفرق اوي ؟؟؟؟؟
شكرا للمساعدة يا اخواني
عرض للطباعة
ارجو من اخونا يقولو لينا اذا كنا نحط بنزين 90 ولا 80
فيات 128 (90 ام 80)موديل 81
الفيورا127 (90 ام 80)موديل 84
لادا 2105 (90 ام 80)موديل 83
وهل لو حطينا 80 حتفرق اوي ؟؟؟؟؟
شكرا للمساعدة يا اخواني
طبعا الـ 90 احسن.. بس كل العربيات دي تمشي بالـ 80 عادي
شكرا لردك يا استاذ احمد
انا مبتدئ فياريت لو حضرتك تفهمني ؟
هل ال 80 دة يبوظ حاجة في ال 28؟؟
وشكرا للردك
اية يا شباب 20 مشاركة ورد واحد ارجوالتفاعل لو سمحتم
وخصوصا من اصحاب ال128
عصير قصب و ممكن عصير جزر
بس التفل اللي في عصير الجزر بسيد الكربراتير
اوعى تزعل انا بهزر
اصلا ال92 في مصر تحس انه 60 ومرة كويس و مرة كركرة
فأكيد ال80 هتلاقي فيه تفل شاي او نشارة خشب
خلليك في ال90 و ده رأي مجرب
أنا معايا 128 و حطيط80 كذا مرة و لاقيته عادى بس معرفش هو ممكن يبوظ حاجة ولا لأ بس قالى انا معايا 128 مبحطش غير 80 و زى الفل!!!
والله يا باشا انا عربيتي 323 مو82 وباحوطلها 80 وعادي يعني بس امبارح حطيت 90 بس عشان ماقيتش 80 :) وحسيت ان العربية سحبها احسن بصراحة بس مش عارف ال 80 بيبوظ حاجة ولا لأ
انا تفريبا كان معايا كل العربيات اللى حضرتك بتقول عليها . وكنت بحط فيها 80 . والعربية كانت بتشتغل زى الفل
العربيات دى بتشرب 80 وهى مستريحة على الأخر
لأ.. البنزين الـ 80 مش بيبوظ حاجه في العربيه الـ 128اقتباس:
المشاركة الأصلية كتبت بواسطة hamadaalo2002
طبعا الـ 90 احسن.. بس الـ 80 ارخص و العربية مش هتقول لأ
شكرا لردودكم يا شباب بس معلش يا اخواني انالسة جديد في الموضوع دة
فعاوز اعرف هل البنزين ال 80 بيبوظ حاجة في ال 128؟ولا لا؟
ولو الاجابة الاتنين مش فارقين عن بعض
يبقي فائدة ال 90 انة بيخلي سحب العربية افضل؟
مشكلة ال 80 فى مصر انه غالبا بيكون فيه رواسب
انما نظريا كل العربيات التى ذكرتها تمشى ب 80 زى الفل
شكرا لردك يا باشا
حط 80 و توكل علي الله
طيب عربية تويوتا كورونا موديل 1985
المفروض يتحطلها بنزين 80 والا 90 ؟
وهل تفرق في الاداء او تسبب ان جوان وش السلندر يضرب كل فترة بسيطة؟؟؟؟
ان شاء اللهاقتباس:
المشاركة الأصلية كتبت بواسطة ahmedsamir79
طيب نفرض اللي بائع لي العربية كان بيحط 90 وانا عاوز احط 80
اية اللي مفروض اعمله قبل ما احط ال 80؟؟
لا ماعتقدش ان كويس انك تحطلها 80اقتباس:
المشاركة الأصلية كتبت بواسطة HRH_Sameh
اقل حاجه 90 ... يعني لو مش هتفرق معاك يبقى 92 يديك اداء احسن
شكرا لردك يا باشا بس سؤال معلش
الفرق بين ال 80 وال 90 بالنسبة للعربيات القديمة (128,127,لادا) بيبان في السحب بس ولا ال 80 بيبوظ حاجة ؟
بص يا مان
في ناس بتكون ماشيه بالبنزين 80 كويس و تمام و لما تحط 80 يقولك لا دي بتكركر و بتترعش و بتتهز و شوية حوارات كده . الفرق المفروض انك بتقدم الاسبيراتير لما تحط بنزين اعلى عشان توقيت الاحتراق بيفرق اكيد .
وطبعا حط 90 متقلقش مش هيبوظ حاجه و برضه لو حاطت 80 متقلقش برضه مش هيبوظ حاجه ولو في اي رعشه مع المحرك بسبب اتغيير البنزين يبقى حرك الاسبيراتير زي ما قلتلك .
يا جماعة ال 128 تمشى عادى جدا جدا بال 80 و لو حطيت 90 مش حتفرق حاجة اهم حاجة انك تكون مظبط العربية على انك حتحطلها 80 يعنى تظبط الكهرباء عند اى ميكانيكى و لو حطيت 90 اكنك بتضيع فلوس على الفاضى صدقنى ال 90 و ال 92 للعربيات الحديثة الى نسبة انضغاطها عالية
شكرا لردك يا غالياقتباس:
المشاركة الأصلية كتبت بواسطة Eng_Nissan
طيب يا شباب لو تكرمتم
الادا 2105 موديل 84 يتحط لها 80 عادي؟
نفرض اللي قابلي كان حاطط 90 وانا عاوز اقلب 80؟ اعمل اية
الـ128 والـ127 واللادا 2105 موديل 84
كل العربيات دي نسبة انضغاط موتورها بتسمح
باستخدام بنزين 80 كرقم اوكتين قياسي واكتر
من كدة يبقى فلوس بتتحرق على الفاضي.
بالنسبة للعربيات دى 80 زى 90 ولو استعملت 90 يبقى انت بتخسر فلوس وخلاص
اما عن الرواسب ده بيكون مش من البنزين نفسه لكن بيكون من البنزينه نفسها لانها مش بتنظف التنكات
لكن الفرق فى 80 وال90 يبان فى العربيات الحديثة فقط االى نسبة انضغاطها عالى ومحتاجة لبنزين به اوكتين مناسب ليها انا عن نفسى معايا فولكس بيتلز ومش بحط غير 80 ولو مالقيتش بحط 90 وبلاقى العربية زى ماهى نفس السحب ومافيش اى تغيير
راجع الموضوع التالي:
http://www.nilemotors.net/Nile/showthread.php?t=16758
لادا 2107 موديل 2005 ماتور 1500ccانجيكشن (روسي) ينفع يتحط لها 80؟؟؟؟
لادا 2107 موديل 2005 ماتور 1500ccانجيكشن (روسي) ينفع يتحط لها 80؟؟؟؟
حط 80 عادىاقتباس:
المشاركة الأصلية كتبت بواسطة hamadaalo2002
مفيش اجراء معين عشان تغير... مون 80 و خلاص
MMamdouh
شكرا لردك يا غالي
طيب
لادا 2107 موديل 2005 ماتور 1500ccانجيكشن (روسي) ينفع يتحط لها 80؟؟؟؟
نسبة الانضغاط هى الفيصل... قولى النسبة كام
MMamdouh
للا سف معرفش نسبة انضغاط ال 2107 موديل 2005؟.؟؟؟؟