كلام منطقي و معقول
بس هل النيتروجين عند بتوع الكاوتش هوه هوه النيتروجين اللي انت بتتكلم عنه ؟
عرض للطباعة
بضبط .... انا لسة مجربة الاسبوع الي فات وفعلا مبسوط منه جدا .... العربية بتعتي اختلفت تماما. اعتقد الفيصل في الموضوع لو عفشتك ناعمة يبقى مش لازم نيتروجين ولو ميهمكش موضوع الضغط دة.... بس لو العفشة ناشفة شوية او رياضية زي عربتي نيو أكسنت يبقى عليك و على النيتروجين وهتدعيلي خصوصا مع طرق المحروسة
عربيات السبقات و الطائرات بتنفخ نيتروجين .. واحنا معاهم :hlopaet_prv:
داااااار الافتااااااء
و الله ضحكتوني من تعليقاتكم .. ما تزعلوش مني .. بجد كوميديا
واحد يقول النيتروجين ابرد من الهوا .. و التاني يقول النيتروجين غاز خامل .. و بيحمي من التأكل الخارجي مش الداخلي .. و حتة الضغط دي بقي .. وهم الصراحة
ابسط قواعد الكيميا و الفيزيا من تلميذ في ثانوي ماتخليش الواحد يقول كده
بالمناسبة هو الهوا تركيبته ايه ؟......... 79 % نيتروجين
اللي انت بتعبيه عند بتاع الكاوتش ده ايه؟ ..... 90-95% نيتروجين.. و برضه فيه اوكسجين و بخار ماء.. مش نيتروجين مصانع
طب اللي بيحلفلك انه حس بفرق مع النيتروجين؟ ...صــــــادق .. ياإما السنسورز بتاعة احاسيسه دقيقة جدا .. يا إما ما يطلق عليه علميا بالـ Placebo Effect
اوعو تزعلو بجد .. ده من العشم بس قلت اكلمكو بصراحة
بص ياباشا انا من الشرقية و ما ادراك ما الشرقية و طرقها العجيبة ... كل الي اعرفة ان كنت بمشي على 80 بالعافية عشان العربية عماله تنطط مني بسبب البلعات المطبقات الصغيرة الي ماليا كل الطرق السريعة ... بعد منفخت نيتروجين ومشيت ونسيت الموضوع ده اساسا ببص على العداد لقيت نفسي ماشي على 100 من غير ماحس و العربية معدتش بنطط خالص.
كمان صحابي الي كانوا معايا حسوا بالفرق دة و بعد كده كمان الاسرة الكريمة لحظت الفرق دة و كلهم قلولي متنفخش غير نيتروجين بعد كدة .... اظاهر كل الناس دي احاسيسهم وقعة شوية :11:
باشا عندك حق الكلام شكله منطقى بس الفرق من 80% ل 95% كبير
و لما تقلل نسبة البخار و الاكسجين للدرجه دى تأثيرهم بيقل قوى و ده برضه بينطبق على موضوع ان الضغط ميزيدش
بالنسبه لموضوع احساس المطبات فى خاصيه للمواد اسمها معامل الارتداد و دى ليها علاقه بسرعة تخبيط الذرات مع بعضها و ده فى النيتروجين بيبقى تأثيره يخليك متحسش قوى بالهبد (حاجه كده كأنه بيمتص الصدمات ... ده مجرد تشبيه علشان محدش يزعل و يقول الراجل ده بيهرج) و طبعا تانى لما تعلى نسبة النيتروجين من 80% ل 95% هتحس بالموضوع ده ...
ببساطة ,
لو الكاوتش منفوخ هواء عادي (نسبة النيتروجين حوالي 80%) و ضغط الهواء مظبوط على 30 ,
و العربية لسه بارده , و مشيت مشوار كبير و الدنيا بقت حر ,
لو قست ضغط الكاوتش هتلاقيه ممكن يزيد 4 أو 5 درجات , يعني الضغط ممكن يوصل لـ 35 ,
طيب نعمل نفس الموضوع بس على النيتروجين و نقيس ضغط الكاوتش .... هتلاقيه لسه 30 ,
يا ترى السينسور بتاع المقياس بيخرف ,
و على فكرة انا معايا مقياس خاص بيا , و ده علشان متقولش ان المقياس مختلف و ممكن يكون مش سليم ,
معلش احنا بنتكلم , و من عشمي برده ........................