تجربتي مع النيتروجين

**MaZaGAngeE** · 19-07-2010 05:26 PM

المشاركة الأصلية كتبت بواسطة ahmedezzat78

مع احترامى الكامل لكل الأراء ........... النيتروجين ليس له علاقه بنعومه العفشه أو مرونه الكاوتش أو الثبات

كل الموضوع ان الهواء المضغوط العادى به نسبه رطوبه زى الهواء اللى بنتنفسه (على فكره الهواء الجوى 80% منه نيتروجين) و الرطوبه دى بتخلى الجنوط الحديد تصدى و بتخلى الضغط يرتفع داخل الكاوتش مع ارتفاع درجه الحراره يعنى مثلا تظبط على 30 و تطلع طريق سفر فى عز الظهر و تقيس الضغط فى الطريق تلاقيه 42 مثلا و عشان كده الكاوتش بيبقى عرضه للانفجار

النيتروجين بقى بيكون صافى (يعنى لا يحتوى على خليط غازات أخرى) و بالتالى لا تصدأ الجنوط و لا يرتفع الضعط مع ارتفاع درجه الحراره يعنى لو قسنا الضغط فى المثال السابق هنلاقيه 31 مثلا و دى الميزه العظيمه فى النيتروجين ............ ثبات الضغط = أمان

كلام منطقي و معقول
بس هل النيتروجين عند بتوع الكاوتش هوه هوه النيتروجين اللي انت بتتكلم عنه ؟

**bassemali** · 19-07-2010 08:08 PM

المشاركة الأصلية كتبت بواسطة mazagangee

كلام منطقي و معقول
بس هل النيتروجين عند بتوع الكاوتش هوه هوه النيتروجين اللي انت بتتكلم عنه ؟

بالضبط ... عايز أسأل نفس السؤال ....؟

**omaroof** · 19-07-2010 08:38 PM

المشاركة الأصلية كتبت بواسطة akram

فوائد النتروجين:
1- حماية الكاوتش من التآكل الخارجي ,
.... بما إن النيتروجين غاز خامل فبيؤدي لثبات الضغط و بالتالي المحافظة على الكاوتش من التآكل الخارجي لأنه هيبقى الضغط مثالي طول الوقت زي الكتالوج ما بيقول.
2- التوفير في استهلاك البنزين (بنسبة بسيطة 1% أو 2%) ,
....نتيجة ثبات الضغط و كذلك لأن وزن النيتروجين أقل من الهواء.
3- تحسن في أداء الباور ,
....لما الضغط يبقى مثالي هيحسن من أداء الباور و ده لأن تلامس الكاوتش (المداس) على الأرض مش هيكون كبير بخلاف لو الكاوتش مهوي شوية فبيتقل الباور.
4- التحكم أفضل في السيارة ,
.... و ده برده نتيجة ثبات ضغط الكاوتش فبالتالي مفيش تعويم من الكاوتش لو واحد زايد عن التاني.
5- التحسن في أدار الفرامل ,
....بما إنه غاز خامل فمش بيخلّلي الجنط يسخن اكتر من اللازم و بالتالي الحرارة اللي بتنتقل للطنابير و التيل من الجنط مش بتزيد قوي و بالتالي التحكم في الفرامل بيبقى أحسن , كأنك لسه ماشي بالعربية و جربت الفرامل فبتلاقيها أفضل من لو ماشي مشوار كبير و جربت .
6- زيادة عمر الكاوتش ,
....لأن الأكسجين اللي موجود في الهواء العادي يتأكسد مع الإطار و بيخليه يتآكل من الداخل أما النيتروجين الصافي فلا يتأكسد.
7- تحسن في أداء العفشة مع المطبات ,
....نتيجة أن النيتروجين بيخللي الكاوتش مرن شوية.

اصح كلام اتقال وبيتعرف الفرق فى عمر الكاوتش وكمان على الطرق الطويله
اما الناس اللى بتحطه جوه البلد موش حاتحس بحاجة غير عمر الكاوتش
وفعلا النيتروجين موش بيفرق فى العفشه

**ahmedezzat78** · 20-07-2010 03:37 AM

المشاركة الأصلية كتبت بواسطة mazagangee

كلام منطقي و معقول
بس هل النيتروجين عند بتوع الكاوتش هوه هوه النيتروجين اللي انت بتتكلم عنه ؟

مش فاهم ؟؟
هوه فيه أنواع؟

بتاع الكاوتش اللى عنده نيتروجين بيبقى عنده جهاز مخصوص بدل الكوبريسور العادى

**Amro_ON** · 20-07-2010 05:54 PM

المشاركة الأصلية كتبت بواسطة ahmedezzat78

مش فاهم ؟؟
هوه فيه أنواع؟

بتاع الكاوتش اللى عنده نيتروجين بيبقى عنده جهاز مخصوص بدل الكوبريسور العادى

بضبط .... انا لسة مجربة الاسبوع الي فات وفعلا مبسوط منه جدا .... العربية بتعتي اختلفت تماما. اعتقد الفيصل في الموضوع لو عفشتك ناعمة يبقى مش لازم نيتروجين ولو ميهمكش موضوع الضغط دة.... بس لو العفشة ناشفة شوية او رياضية زي عربتي نيو أكسنت يبقى عليك و على النيتروجين وهتدعيلي خصوصا مع طرق المحروسة

عربيات السبقات و الطائرات بتنفخ نيتروجين .. واحنا معاهم

**Hegazio** · 21-07-2010 08:48 AM

داااااار الافتااااااء
و الله ضحكتوني من تعليقاتكم .. ما تزعلوش مني .. بجد كوميديا
واحد يقول النيتروجين ابرد من الهوا .. و التاني يقول النيتروجين غاز خامل .. و بيحمي من التأكل الخارجي مش الداخلي .. و حتة الضغط دي بقي .. وهم الصراحة
ابسط قواعد الكيميا و الفيزيا من تلميذ في ثانوي ماتخليش الواحد يقول كده
بالمناسبة هو الهوا تركيبته ايه ؟......... 79 % نيتروجين
اللي انت بتعبيه عند بتاع الكاوتش ده ايه؟ ..... 90-95% نيتروجين.. و برضه فيه اوكسجين و بخار ماء.. مش نيتروجين مصانع
طب اللي بيحلفلك انه حس بفرق مع النيتروجين؟ ...صــــــادق .. ياإما السنسورز بتاعة احاسيسه دقيقة جدا .. يا إما ما يطلق عليه علميا بالـ Placebo Effect
اوعو تزعلو بجد .. ده من العشم بس قلت اكلمكو بصراحة

**mohamed_selim** · 21-07-2010 10:21 AM

المشاركة الأصلية كتبت بواسطة hegazio

داااااار الافتااااااء
و الله ضحكتوني من تعليقاتكم .. ما تزعلوش مني .. بجد كوميديا
واحد يقول النيتروجين ابرد من الهوا .. و التاني يقول النيتروجين غاز خامل .. و بيحمي من التأكل الخارجي مش الداخلي .. و حتة الضغط دي بقي .. وهم الصراحة
ابسط قواعد الكيميا و الفيزيا من تلميذ في ثانوي ماتخليش الواحد يقول كده
بالمناسبة هو الهوا تركيبته ايه ؟......... 79 % نيتروجين
اللي انت بتعبيه عند بتاع الكاوتش ده ايه؟ ..... 90-95% نيتروجين.. و برضه فيه اوكسجين و بخار ماء.. مش نيتروجين مصانع
طب اللي بيحلفلك انه حس بفرق مع النيتروجين؟ ...صــــــادق .. ياإما السنسورز بتاعة احاسيسه دقيقة جدا .. يا إما ما يطلق عليه علميا بالـ placebo effect
اوعو تزعلو بجد .. ده من العشم بس قلت اكلمكو بصراحة

باشا عندك حق الكلام شكله منطقى بس الفرق من 80% ل 95% كبير
و لما تقلل نسبة البخار و الاكسجين للدرجه دى تأثيرهم بيقل قوى و ده برضه بينطبق على موضوع ان الضغط ميزيدش

بالنسبه لموضوع احساس المطبات فى خاصيه للمواد اسمها معامل الارتداد و دى ليها علاقه بسرعة تخبيط الذرات مع بعضها و ده فى النيتروجين بيبقى تأثيره يخليك متحسش قوى بالهبد (حاجه كده كأنه بيمتص الصدمات ... ده مجرد تشبيه علشان محدش يزعل و يقول الراجل ده بيهرج) و طبعا تانى لما تعلى نسبة النيتروجين من 80% ل 95% هتحس بالموضوع ده ...

**Amrrr** · 22-07-2010 01:46 PM

المشاركة الأصلية كتبت بواسطة hegazio

داااااار الافتااااااء
و الله ضحكتوني من تعليقاتكم .. ما تزعلوش مني .. بجد كوميديا
واحد يقول النيتروجين ابرد من الهوا .. و التاني يقول النيتروجين غاز خامل .. و بيحمي من التأكل الخارجي مش الداخلي .. و حتة الضغط دي بقي .. وهم الصراحة
ابسط قواعد الكيميا و الفيزيا من تلميذ في ثانوي ماتخليش الواحد يقول كده
بالمناسبة هو الهوا تركيبته ايه ؟......... 79 % نيتروجين
اللي انت بتعبيه عند بتاع الكاوتش ده ايه؟ ..... 90-95% نيتروجين.. و برضه فيه اوكسجين و بخار ماء.. مش نيتروجين مصانع
طب اللي بيحلفلك انه حس بفرق مع النيتروجين؟ ...صــــــادق .. ياإما السنسورز بتاعة احاسيسه دقيقة جدا .. يا إما ما يطلق عليه علميا بالـ placebo effect
اوعو تزعلو بجد .. ده من العشم بس قلت اكلمكو بصراحة

يعني الموضوع كله وهم ؟؟؟؟؟؟؟

**Akram** · 22-07-2010 07:08 PM

المشاركة الأصلية كتبت بواسطة hegazio

داااااار الافتااااااء
و الله ضحكتوني من تعليقاتكم .. ما تزعلوش مني .. بجد كوميديا
واحد يقول النيتروجين ابرد من الهوا .. و التاني يقول النيتروجين غاز خامل .. و بيحمي من التأكل الخارجي مش الداخلي .. و حتة الضغط دي بقي .. وهم الصراحة
ابسط قواعد الكيميا و الفيزيا من تلميذ في ثانوي ماتخليش الواحد يقول كده
بالمناسبة هو الهوا تركيبته ايه ؟......... 79 % نيتروجين
اللي انت بتعبيه عند بتاع الكاوتش ده ايه؟ ..... 90-95% نيتروجين.. و برضه فيه اوكسجين و بخار ماء.. مش نيتروجين مصانع
طب اللي بيحلفلك انه حس بفرق مع النيتروجين؟ ...صــــــادق .. ياإما السنسورز بتاعة احاسيسه دقيقة جدا .. يا إما ما يطلق عليه علميا بالـ placebo effect
اوعو تزعلو بجد .. ده من العشم بس قلت اكلمكو بصراحة

ببساطة ,
لو الكاوتش منفوخ هواء عادي (نسبة النيتروجين حوالي 80%) و ضغط الهواء مظبوط على 30 ,
و العربية لسه بارده , و مشيت مشوار كبير و الدنيا بقت حر ,
لو قست ضغط الكاوتش هتلاقيه ممكن يزيد 4 أو 5 درجات , يعني الضغط ممكن يوصل لـ 35 ,

طيب نعمل نفس الموضوع بس على النيتروجين و نقيس ضغط الكاوتش .... هتلاقيه لسه 30 ,

يا ترى السينسور بتاع المقياس بيخرف ,
و على فكرة انا معايا مقياس خاص بيا , و ده علشان متقولش ان المقياس مختلف و ممكن يكون مش سليم ,

معلش احنا بنتكلم , و من عشمي برده ........................

الموضوع: تجربتي مع النيتروجين

LinkBack

أدوات الموضوع

عرض

-

-

-

-

-

-

المواضيع المتشابهه

النيتروجين

تجربتي مع النيتروجين في الكرستاله

النيتروجين

تجربتي مع اطارات النيتروجين

تجربتي مع النيتروجين

الكلمات الدلالية لهذا الموضوع

المفضلات

المفضلات

ضوابط المشاركة