المشاركة الأصلية كتبت بواسطة mahmoud5777
بالنسبة لموضوع الحرارة ده احنا طبيعي فى جو نار بس برضو علشان تطمن افتح قربة العربية وهى باردة علشان المية متكونش سخنة وزود على المكنة لو فى مية بتلف فى القربة او بتتنطور منها ده معناه ان طلمبة المية سليمة كدة تمام احنا استيعدنا سبب
حاول تشوف حد بتاع ريدياتير يكون كويس خليه يغسله كويس ولو فى حاجة عايزة تتسلك يسلكها وبعدين جركن مية خضرا أو على الاقل كانز أخضر وكمل الباقى مية
شوف ميكانيكى عدل - موش من نوعية اللي يركب جنبك وتبقى العربية كلها بتخبط وترزع ويقولك فل يباشا انت عايز ايه اكتر من كدة - وخليه يظبطلك التاكيهات لتكون محملة شويه
تركب عدد 2 فلتر بنزين واحد قبل الطرمبة واحد تانى بعدها ولو راكبين اتاكد من نضافتهم ولو راكب واحد بس ركب التانى
واحد بتاع كربراتير نضيف يغسله كويس هايظبط معاك العربية
وعلى فكرة فى حاجة محدش بياخد بالو منها ان العربية لو واطية زيادة عن اللزوم برضو تسخن جامد علشى دورة المية بتاعت التبريد موش بتبقى شغالة كويس يعنى حاول تظبطها
بالنسبة للتكاليف فى تقديرى الشخصى
40 جنيه تنظيف وتسليك ريداتير - 10 كانز مية خضرة - 25 ظبت تيكهات - 30 جنية فلترين بنزين نوع كويس - 15 جنية تنضيف كاربراتير
على فكرة انا من اسيوط ودى الاسعار التقريبية عندنا معرفش عندكو هاتبقى كام
ياريت اكون عرفت افيدك