-
تجربه شد وعدت على خير
السلام عليكم
هخش فى الموضوع على طول
النهارده كانت مناقشه مشروعى
المفروض أكون فى الكليه على 9 كدا
ربنا أراد أنى أقوم متأخر وكنت على مصر السويس على 8.45
عاندى كل الاسباب أنى أجرى لكن الحمد لله مسيطر على نفسى بقالى فتره كبيره
المهم لسه عند المدرسه الانجليزيه كدا
الطريق ماشى واحده واحده علشان مقطوره بتعدى من مقطوره
لقيت واحد بشارك لازق فيه من ورا
وبيمرجح العربيه يمين وشمال فى أشاره من سعادته أنه بيحاول يعدى من أى خرم
الطريق واضح جدا أنه متقفل ومفيش مكان لعربيه
أيه الغرض من كل دا
المهم
بصه سريعه فى المرايه
شاب لابس نضاره واكله كل وشه عاملى فيها سواق
وقاعده جانبه بنت فى نشوه غريبه جدا زى ميكون مشغالين أغانى وشاربين مثلا
المهم مع أستمرار حركته المستفزه حسيت أنى فى خطر من حالتهم وحركات عربيته و لزقته فيه
فتحت الازاز
وشاورتله بأهدى شويه الطريق واقف
لقيته بقى أيه هاج
وقعد يحرق على الفاضى كده يسمعنى صوت المتور!!!!
المهم جانبى سيده راكبه باسات لما شافته خافت ووقفت عادته جيه جانبى
بصتله فتح الازاز.....صوت موسيقة نجرز فظييييييييع ويطرش
البت ولا كأن فيه حاجه بترقص مع الموسيقى وشاربه شاربه أكيد
هو شاكله كان فايق
قالى مش بتوسعلى ليه!!!!!!
أنا أتعصبت قلتله مزاجى
قالى طيب "يا بابا" أمشى واحده واحده على جنب الطريق :)
قلته الطريق واقف يا خفيف أنا مش ماشى واحده واحده ولما يفتح هتشوف أنا بمشى أزاى "مع أنى مبجريش غير فى المواسم والله :)"
المهم قالى "جبته لنفسك"!!!
كل دا والبت الهبله شغاله رقص ولا كأن فى ناس بتتكلم
هو كان فايق جدا جدا وعادى خالص
المهم الطريق فتح على مدخل المطار الجديد كدا
هووووووووب راح فاقع كيك داون وطار
أستنيت ثانيتين تلاته كدا ورحت جايب التبترونيك
سقت نقلتين جبت تانى وعينك متشوف إلا النور :)
شدينا قول 5 دقايق كدا
زليت زل :))
أنا كنت بجيبه وأسيبه وأجيبه وأسيبه لما هريته :)
المهم كل دا كويس
راح أخينا أبتدا غشامه بقى بيشد ويزنق عليه
ويكسر فجأه قدامى
مفضلش كدا كتير واحده ست ب128 حمرا
ماشيه كبيرها 60 فى وسط الطريق :)
طلعت من شملها أخينا طلع من يمينها فوجىء بفرده كاوتش فى الارض حاول ياخد غرزه من الست وفرده الكاوتش خبط فى الكاوتش
وللحظه حسيت أن الدنيا وقفت
الشارك عومت كراقصه باليه :)
أنا طبعا لما شفت كدا الحمد لله أنى كنت على التبترونيك عملت إنجين بريك
وأتفرجت بقى
العربيه كانت هتتقلب لولا ستر ربنا والحمد لله مش عارف هو لمها ولا هى الحمد لله لمت نفسها وطبعا هدى خالص بعد كدا
جبته
مشهد تانى خالص بقى :)))
البت أياها مش بتعيط لا بتتشحتف :)
وهو مقلش حاجه الصراحه بصلى وسكت :)
وأنا قلت الحمد لله على قد كدا ومرضتش أشمت الصراحه وخدت بعضى ومشيت
أستفدت أيه؟
ولا حاجه
ومفيش حاجه فرحتنى غير لما شفته مش عارف ينطق كلمه
بس عايز أقول أنى بس شديت معه لأنى أتزنقت
يعنى لما قالى جبته لنفسك مكنش ينفع أطلع عيل بقى :)
فنظرا لأنى مش بشد بطبعى أتعلمت مكلمش حد تانى على الطريق علشان متحطش فى الموقف دا تانى بقى :)
والحمد لله رب العالمين
-
بص ده بيكون اسمو عيل سيس يعني ايه
افهمك
امو اللي جايباهالو وهو فرحان بيها
ونصيحة بلاش تشد عالطريق سيبو يغور في داهية
انا في كلمة مرة والدي قالهالي لما لقاني مرة بجري وكنت جايب 110
قاللي الشاطر اللي يوصل سليم
وامش براحة علشان توصل بسرعة
في النهاية حمدا لله علي سلامتك
ويارب تكون اتعلمت الدرس
-
سلامتك يا نورمال ... بلاش تستجيب لاستفزاز الفئة الضايعة دى من الشباب
بس بصراحة بينى وبينك : أنا متكيف أوى من اللى انت عملته فيه مع انه خطر عليك
-
حمدا لله على سلامتك
وسيبك من موضوع الشد ده ، الشيطان بيدخل من الطريق ده بسهولة
والحمد لله أنها عدت على خير
-
عاش يانورمال عاش
اكتر حاجه بتفقعني في حياتي العيال السيس دول
وتلاقي الواحد منهم لابس نضاره شمس واكله وشه كله زي مايكون سارقها من جده ونازل يتعايق بيها
بس كبر دماغك بدل مايحصلك حاجه هتقول ياريتني
-
يعنى اعمل فيك ايه عليت الضغط عليا ....:rfds:.لا وايه بتحكى بالتفصيل الممل وانا نفسى طالع نازل .
محمد لاازم تعرف انت مش ملك نفسك فى ناس بتحبك :36_3_18[1]:وهتزعل عليك لو جرالك حاجه .الحمد لله عدت على خير المرة دى واستحمل بقى يابطل باقى التعليقات .
المهم عملت ايه فى مناقشة المشروع ( لسه مصمم تعمل المينا تحت البيت )
-
الحمد لله ان ربنا ستر معاك .. ومش انا قولتلك تشد معاها وتدلدل رجليك كمان
-
الف حمد لله على سلامتك يا نورمال يا غالى و الحمد لله انها عدت على خير ليك وليه بس عايز اقلك حاجة ( هزار اوعى تزعل )
لو كانت الشارك دى لينيا كنت هاتعمل اللى عملته و هاتفكر تشد معاه ؟؟ :36_6_3[1]:
-
متشكر جدا جدا يا رجاله على نصايحكم الغاليه
وربنا يخليكوا ليا
أنا فعلا مبشدش خالص
يعنى يمكن من ساعه مجبت العربيه مشدتش غير خمس مرات مثلا فى سبع أو تمن شهور
بس هو زنقنى فى الكلام ومكنش ينفع أقوله عدى ولا أسيبه يجرى وأطلع أنا جبان بقى :))
أكيد هو كمان أتعلم من الى حصل النهارده وربنا يجعل هدايته على أيدي :))
الحمد لله المناقشه عدت على خير وربنا يسهل فى النتيجه
ميدو :)
ربنا يكرمك على ذوقك وبخصوص سؤالك كنت هحاول بردو
الموضوع مكنش عربيه على قد مكان هجرى ولا هخاف :)
يمكن نقول كويس أنها مكنتش عربيه عاليه أوى عليه
جاتلى على الطبطاب يعنى :)
-
لو كان لينيا كنت تقولة انا حسيبك بس علشان خاطر مممممممم لسة مفطرتش هههههههههههههههههههه او تقولة انت عارف مين اللى صممها فبلاش تصحى الr8 اللى جواها وتبرق جامد وترف الازاز وحمدلله على سلامتك
Content Relevant URLs by
vBSEO 3.6.0 PL2