حادي يادي: (كيا سول - سبات ابيزا - نيسان تيدا)

**Mohammad Okasha** · 19-07-2010 12:41 AM

السلام عليكم،
أنا محتار بين 3 عربيات: كيا سول - سبات ابيزا - نيسان تيدا. لست من هواة الكماليات والمهم في العربية الاعتمادية وأنها تساوي الفلوس المدفوعة فيها. ويكون سعر إعادة البيع معقول. أنا لا افقه شيء وماليش خبرة سابقة بأي منهم. أنا بس عجبتي المواصفات على الورق. أنا مركبتش في حياتي غير بولو 2001. وأعتقد الجديد هيبقى زيها في الكماليات أو أعلى.

لو حد ليه خبرة مع أي منهم ياريت يرشحلي. أنا فعلا محتار وشاكر ليكم جميعا مقدما.

**Alios** · 19-07-2010 04:27 AM

اعتمادية و كفاءة : تيدا - سول - ابيزا .

اعادة بيع : حالياً و لا واحدة منهم ح تلاقي لها سوق محترم لأن العربيات لسه جديدة انما ممكن نقول ابيزا ( احسن الوحشين بالنسبة للسوق ) .

عربية تساوي الفلوس المدفوعة فيها : تيدا ( لأنها ياباني تقفيل ياباني ) - سول - ابيزا ( و لو ان سعرها مبالغ فيه ) .

كماليات : سول - تيدا - ابيزا .

شكل : ابيزا - سول - تيدا .

---------

العربية الاعتمادية و القوية هيا التيدا . لأن النيسان معروف عنها ثباتها و قوتها .

:) و ربنا يبارك لك في العربية الجديدة ان شاء الله .

**abd_el_7amid** · 19-07-2010 05:31 AM

تيدا فى المقام الاول... كماليات واعادة بيع و وسع داخلى

**M.almaghraby** · 19-07-2010 06:24 AM

بصراحة كيا سول فئة لوحدها

تيدا شكلها مش حلو خالص...

ابيزا كرهت الموديل الجديد دا

**engahmedsamy** · 19-07-2010 02:14 PM

tiida tiida tiida tiida

**zico900** · 20-07-2010 01:33 AM

عن تجربه: من قال ان الابيزا اقل عربيه في الاعتماديه و الكفائه؟؟ و كمان اقل كماليات؟؟! و كمان تليقها اقل واحده في الخامات بالمره بقى!!!!

وعجبي!!!

**Ayman_52** · 20-07-2010 02:56 AM

المشاركة الأصلية كتبت بواسطة abd_el_7amid

تيدا فى المقام الاول... كماليات واعادة بيع و وسع داخلى

+11

عربيه جميله جدا , واكثرهم انتشارا الى الان

تحيـــــــــاتـــى

**ahmedamr** · 20-07-2010 03:04 AM

ابيزا فيها فتيس جديد سبع سرعات جامد وشكلها شبابي اوى

**HolyShift** · 20-07-2010 06:04 AM

شوف , نظره سريعه على الـ 3 عربيات وهما واقفين فى المعرض هتعرف ان الإبيزا أفضلهم =) , بدون خوض فى تفاصيل أخرى , الإبيزا سعرها معقول مثل اسعار سيارات فيات الجديده والأثنين سيارات اوربيه ( تحديدا موتور و فتيس الإبيزا من شركه فولكس ) .

أنا اقارن الإبيزا مع بونتو ايفو او بولو او كورسا , حرام ادخلها فى مقارنه مع عربيه زى كيا سول و تيدا .

**ehab_mansour** · 20-07-2010 09:15 PM

المشاركة الأصلية كتبت بواسطة zico900

عن تجربه: من قال ان الابيزا اقل عربيه في الاعتماديه و الكفائه؟؟ و كمان اقل كماليات؟؟! و كمان تليقها اقل واحده في الخامات بالمره بقى!!!!

وعجبي!!!

والله انا مرديتش اعلق علي الموضوع اساسا لأن الكلام مستفز ولا يعبر بأي حال من الأحوال عن الواقع معلش يا اخي الفاضل دع الملك للمالك

وعجبي !!! انا كمان بالمرة