أسافر بالسيراتو إن شاء الله و لا لأ ؟؟؟

**islamnabil** · 19-07-2010 04:08 PM

انا لو منك الصراحة حفكر تفكير تاني
و هوا اني اشتريلي عربية 4 * 4 من هناك حاجة تكون موديل حديث وياسلام لو لاند كروزر و انزل بيها ولما ارجع ابيعها تاني
طبعا انا بقول كده لاني عندي فكرة عن سوق العربيات في قطر و لو عرفت توقع عربية لقطة ممكن كمان تكسب فيها لما تيجي تبيعها
بالطريقة دي ابقى حافظت على عربيتي و ووفرت كمان

**EhabNoor** · 19-07-2010 09:47 PM

أنا متشكر ليكم كلكم علي ردودكم و اهتمامكم بالموضوع ، أنا ميال أوي إن شاء الله إني أسافر بالعربية ، يعني تجربة جديدة ، أنا عارف و متأكد انها متعبة بس هو يعني إن شاء الله عشان أول مرة الواحد مش هياخدها قفش و يمشي واحدة واحدة ، و الناس بتقولي ان في استراحات علي طول الطريق يعني مثلا كل 300 كم و لا حاجة ، و إن شاء الله أنا هصلي استخارة لربنا سبحانه و تعالي و إن شاء الله ربنا يهديني للاختيار الصح .. ألف شكر ليكوا يا رجالة علي اهتمامكم ..

**zahaan** · 20-07-2010 11:15 AM

انا راى تاجر عربيه فى مصر حفاظا على راحتك انت اولا من بهدله سواقه 2500 كم غير التوهان
ثانيا من بهدله العربيه ماك و خصوصا انك كمان زمانك مش متعود على زحمه القاهره و مصر عموما

انت لو اجرت عربيه مش عاليه يعنى مثلا لانوس او فيرنا او ماتريكس حتقضى الغرض و مش حتكون غاليه يعنى لو لانوس او فيرنا حتعملها من 2000الى 2500 فى الشهر

**engahmedsamy** · 20-07-2010 11:45 AM

تيجي بالسلامة ان شاء الله

**ashraf229** · 20-07-2010 11:57 AM

توكل على الله و تعالى بالعربية لو تقدر تستحمل طول المسافات أنا سافرت بهوندا سيفيك من الرياض لجدة 1200 كلم و رجعت بعدها بيومين و مكنش فيه مشاكل بس المشكلة لما كنت راجع كنت مرهق جدا و كنت هأموت و انام فلازم تكون مرتاح و تقف تناملك ساعتين في اي استراحة و اكتر حاجة مقرفة العبارة و مواعيدها و التخليص في المينا و تعليق النمر.....

بس أهم نصيحة الفيري طبعا على وش العربية أو أي رش واقي من الرمل لأن الرمل في السعودية عند سلوى و عرعر و حفر الباطن و المنطقة الشرقية للالي جاي من قطر دايما بيقولوا بيجرح الدهان

و كمان أعمل فيميه عازل حراري تو ام او زيبارت او اي ماركة علشان الشمس الرهيبة في الطريق ده مصر نفسها بقت يوميا فوق الأربعين.......

و خد بالك ما تحملش العربية فوق طاقتها و شيك عالكاوتش كل فترة لن السرعة مع الحمولة مع الحر هيغير الضغط دايما...

في المينا لازم ترش و تجيب شاي للناس لأن ناس كتير هتقولك حمدالله عالسلامة و ما بتمشيش الا بالفلوس للأسف....

تيجي بالسلامة و ربنا يسترلك طريقك.......

**Ahmed Samy** · 20-07-2010 03:47 PM

انا سوقت العربية 550 كم شوت واحد

ما تخافش من العربية بس خلي بالك من الطريق و الجو

التجربة هاتكون جديدة طبعا ربنا يوفقك

**Qmax** · 20-07-2010 05:36 PM

تيجي بالسلامه ان شاء الله

انا اعرف واحد لسه جاي من قطر من شهر تقريبا نازل بتيوتا تقريبا 2004 وحاليا بقت عليها نمر مصر

وياريت تتابع المنتدى وتقولنا انت فين عشان نطمأن عليك ده في فترة الراحه على الطريق يعني ظبط موبايلك وجرب تدخل منه المنتدى الاول قبل التحرك سواء الواي فاي أو الثري جي

ومتنساش تجيب معاك شوية حاجات من الصيدليه للبرد مثلا والسخونيه وهكذا

في رعاية الله