توكل علي الله بس اكشف علي العربيه قبل الرحله الناس بتيجي بالبيجو 504 وتمام
رقم العضوية : 72512
تاريخ التسجيل : 08Jun2010
المشاركات : 72
النوع : ذكر
الاقامة : Doha, Qatar
السيارة: Koup 2012
السيارة[2]: Kia Cerato 2010
الحالة :
يا رجالة السيراتو ، انا في حيرة من أمري و محتاج إن شاء الله أحسم الموضوع ده مع نفسي ، عشان إن شاء الله رب العالمين أرتب أموري ..
الحمد لله رب العالمين أنا معاية نيو سيراتو هاي لاين 2010 (خليجي طبعا) ، و زي ما البعض منكم عارف انا مقيم حاليا في دولة قطر و محتار هل إن شاء الله أنزل مصر بالعربية و لا لأ؟؟؟
و الحقيقة انا محتاج مساعدتكم بآراءكم السديدة اللي دايما بتعجبني و بستفيد منها في حاجات كتير تخص العربية ..
هي المسافة تقريبا من الدوحة لحد القاهرة إن شاء الله تقريبا 2500 كم رايح (غير التوهان) و زيهم إن شاء الله جاي ..
1. هل السفر هيكون مهلك للعربية ؟
2. و ايه النصائح اللي تنصحوهالي بخصوص الموضوع ده ؟
3. إن شاء الله ، انا عندي صيانة علي 14000 كم كنت ناوي بإذن الله أعملها قبل السفر (في حالة إن شاء الله ربنا سبحانه و تعالي أراد و سافرت بالعربية) علما بأني ماشي بالعربية لحد دلوقتي الحمد لله رب العالمين حوالي 12500 كم ، و اللهم ألف حمد وشكر ليك يا رب ما كانش في مشاكل ..
إن شاء الله في انتظار ردودكم يا رجالة و ربنا ما يحرمني منكم و إن شاء الله لو في نصيب كمان يكون في مقابلة لكيا بإذن الله خلال فترة الأجازة .. ألف شكر مقدما ..
رقم العضوية : 48080
تاريخ التسجيل : 28Sep2009
المشاركات : 3,879
النوع : ذكر
الاقامة : 6 اكتوبر
السيارة: مفيش
السيارة[2]: مرسيدس
دراجة بخارية: لا يوجد
الحالة :
توكل علي الله بس اكشف علي العربيه قبل الرحله الناس بتيجي بالبيجو 504 وتمام
سامح البقري
المحامي
رقم العضوية : 20585
تاريخ التسجيل : 29Sep2008
المشاركات : 4,663
النوع : ذكر
الاقامة : 7dayek al ahram
السيارة: none
السيارة[2]: KIA New Cerato EX 2010
دراجة بخارية: None
الحالة :
طيب ليه تيجي بالعربيه؟؟
هو نظريا طول منت بتكشف عليها كل فتره فى الرحله وتكون جميع السوائل فى مناسيبها يبقى تمام وإن شاء الله مش هيحصل حاجه
طبعا عمرك مهتاخد المسافه دى طوالى ولازم هتريح كتير فى النص دا كويس ليك وللعربيه
معرفش الطرق عامله أيه لكن متوقع فى الفتره دى شمس حارقه وحر قاتل
يفضل تعكس حالك
تمشى من المغرب كدا لغايه النهار وتنام الصبح وتريح نفسك وعربيتك من الشمس والحر
دايما تكون جاهز لكل حاجه
أدوات العربيه تتأكد منها ويكون معاك جركن بنزين أحتياطى وميه للعربيه بالتأكيد
إن شاء الله مفيش حاجه هتحصل ومتنساش دعاء الركوب والسفر وتوكل على الله سبحانه وتعالى
ونشوفك بمصر على خير إن شاء الله
I am my problem[aldl]http://gickr.com/results4/anim_b94f28a8-06c8-72b4-9d4c-9e96384a88f2.gif[/aldl]Eng. M.Ali
رقم العضوية : 23065
تاريخ التسجيل : 24Oct2008
المشاركات : 6,831
النوع : ذكر
الاقامة : Egyptian highways
السيارة: -------
السيارة[2]: Hyundai Verna 2007
الحالة :
اعتقد ان مفيش حاجة تضر بالعربية بالنسبة لسفرية زي دي ... بس رأيي الشخصي انها هتكون متعبة جداً ليك و خصوصاً لو معاك اسرة
يعني تشحن العربية طيران او تأجر عربية في مصر فترة اجازتك افضل في رأيي
و تيجي بالسلامة ان شاء الله :)
رقم العضوية : 72512
تاريخ التسجيل : 08Jun2010
المشاركات : 72
النوع : ذكر
الاقامة : Doha, Qatar
السيارة: Koup 2012
السيارة[2]: Kia Cerato 2010
الحالة :
أولا ألف شكر ليك يا نورمال علي الرد الجميل الذوق اللي مش غريب عليك ..
و ألف شكر برده للأستاذ سامح ، أول واحد يرد علي الموضوع ..
ثانيا سبب تفكيري في النزول بالعربية بإذن الله إذا ربنا سبحانه و تعالي أراد ، هو بهدلة المواصلات في مصر يا نورمال و انت اكيد عارف ، ده غير بقي رخامة التكسجية و زنقة المترو و قلة أدب بتوع الميكروباس و انتو فاهمين القصة دي ..
ولو حابب تسافر تروح اي مكان مثلا مش هتتبهدل برضه في المواصلات إن شاء الله لما توصل .. و في حاجة مهمة جدا جدا بقي هي اني نفسي إن شاء الله رب العالمين نتقابل و أحضر معاكم بإذن الله مقابلة من مقابلاتكم ، و الله انا حبيتكم في الله من قبل ما اشوفكم و ربنا يعلم .. إن شاء الله هجيلكم من قطر مخصوص شفتو بقي انا بحبكم اد ايه (-؛
أنا بس كنت محتاج إن شاء الله أعرف هل في قلق علي العربية من طول المسافة و لا كله في السلانكاتيه ..
يعني ، مثلا إن شاء الله أمشي كام كيلو و أريح أد ايه و خاصة إن دي إن شاء الله أول مرة أسافر فيها بالعربية لمسافة أكتر من 300 كم ..
معلش قلبت دماغكم بس اعذروني ..
رقم العضوية : 72512
تاريخ التسجيل : 08Jun2010
المشاركات : 72
النوع : ذكر
الاقامة : Doha, Qatar
السيارة: Koup 2012
السيارة[2]: Kia Cerato 2010
الحالة :
الله يسلمك ، وشكرا علي اهتمامك و ردك علي الموضوع .. هو انا فكرت في الموضوع ده لكن شحن العربية طيران مكلف جدا ، أما موضوع تأجير العربية الحقيقة انا كنت مستبعده من تفكيري لأني بحس كده انه مش مريح و فيه قلق ، و بصراحة ما جربتوش قبل كده و مش عارف اتعامل مع مين يكون كويس يديني عربية كويسة ما تتعبنيش وممكن أسافر بيها مثلا لحد الغردقة أو اسكندرية مثلا و يا تري الايجار لمدة شهر هيكون في حدود كام ، أعتقد لوحسبتها هتلاقيها هي هي .. و أشكرك علي رأيك
رقم العضوية : 42525
تاريخ التسجيل : 13Jun2009
المشاركات : 2,955
النوع : ذكر
الاقامة : Tanta mainly
السيارة: Fiesta1.6, Punto
السيارة[2]: Peugeot 207
دراجة بخارية: no
الحالة :
فى رأيى الموضوع على حسب مدة الأجازة
يعنى لو شهر مثلا يبقى توكل على الله و تعالى بيها
رقم العضوية : 54071
تاريخ التسجيل : 28Nov2009
المشاركات : 1,777
النوع : ذكر
الاقامة : nasr city & 3`amra
السيارة: skoda a4
السيارة[2]: kia new cerato high line
دراجة بخارية: no
الحالة :
توكل علي الله يا باشا و ان شاء الله هنشوفك علي خير
بس خد بالك من الحاجات الي نورمال قالك عليها و اعمل صيانتك قبل ما تتحرك
و خد معاك مياه خضراء و جركن بنزين و ازايز مياه كتير اوي و ايس بوكس و اكل و ظبط نفسك
و شماسه علشان لو جالك مزاج و ده اكيد تنام لك شويه تحطها علي الازاز من قدام و اديها نوم يا معلم و ربنا معاك ان شاء الله و تجلنا ب الف سلامه
رقم العضوية : 25216
تاريخ التسجيل : 15Nov2008
المشاركات : 14,019
النوع : ذكر
الاقامة : Haram & My mobile phone
السيارة: New Accent 08
السيارة[2]: Picanto 09
دراجة بخارية: no
الحالة :
طب ما نحسبها
شوف هتتكلف كام
بنزين وزيوت
اكل ليك فى الرحلة او مبيت فى مكان
مصاريف الجمارك
ونشوف عتقعد اد ايه هنا والعربية بتتأجر بكام
A.Saad
رقم العضوية : 44622
تاريخ التسجيل : 07Aug2009
المشاركات : 751
النوع : ذكر
الاقامة : Nasr City - Cairo
السيارة: ------
السيارة[2]: KIA Cerato 2010 Ex SR Gulf
دراجة بخارية: ????
الحالة :
أنا بصراحة مستتقل المشوار أوي عليك :)
حاسس انك هتهلك العربية وهتهلك نفسك وهتصرف كتير على الفاضي
احسبها فعلاً كويس ولو مش جايبة همها يبقى أجر عربية في مصر أحسن
م/عمرو عبد السلام
المفضلات