الموضوع: مساعده عاجلة جدا جدا

السلام عليكم

اولا تحية لكل اعضاء المنتدى

ثانيا : انا معروض عليا عربية ميسوبيشى لانسر اوتوماتيك (ستبترونيك) موديل 2007 فبريكة بره وجوة واستخدام حريمى (طبيبة ) اللون سيلفر .. ومطلوب فيها 76 الف جنية
فكنت عاوز استفسر منكم عن هل السعر ده كويس .
وايه الحاجات الاولية اللى انا ابص عليها فى العربية اول لما اجى اعاينها قبل مجيب حد خبير يبصلى عليها.

وانا ان شاء الله هروح اشوفها بعد بكرة .. لكن للعلم علشان انا عارف ان فى حاجات هتعوزوا تستفسروا عنها وهى اذا كانت 1300 او 1600 بصراحة انا نسيت اسال .. وكمان نسيت اسال اذا كانت مصرى ولا خليجى .
(العربية فول اوبشن )

بس انا عاوز اعرف الحاجات المبدئية بس هى( هل السعر مناسب ولا لا.. وايه اللى ابص عليه فى العربية اول لما اجى اعاينها بنفسى ).
واسف على الاطالة واتمنى انكم تساعدونى سريعا لانى ان شاء الله هروح اشوف العربية بعد بكرة

وسلامو عليكو