كل سنة و الكل طيب و ربنا يبلغنا رمضان و يتقبل منا
واحد حبيبي معاه 30000 مقدم و ممكن يدفع قسط حوالي 800 و لأطول مدة
و في ناس اقترحت عليه حاجات و منها انه يشوف الخليجي فممكن نستفيد من الآراء الخبيرة هنا ؟
و شكرا مقدما
عرض للطباعة
كل سنة و الكل طيب و ربنا يبلغنا رمضان و يتقبل منا
واحد حبيبي معاه 30000 مقدم و ممكن يدفع قسط حوالي 800 و لأطول مدة
و في ناس اقترحت عليه حاجات و منها انه يشوف الخليجي فممكن نستفيد من الآراء الخبيرة هنا ؟
و شكرا مقدما
نصيحة لوجه الله خلية يزود كمان 5 الاف ويجيب بروتون ويرا والله العربية دي جامدة جداااااا
وفيها كل حاجة انت عايزها وقطع غيارها يا اما لانسر او هيونداي
لو عايز تركب جديد هات ال proton persona
اللوجاااااااااان ... واسعة جدا جدا جدا وثايتة جدا مع انها عالية عن الارض ودى ميزة بسبب مطبات البلد واستهلاك بنزينها جميل جدا و اسمها رينو وتوكيلها ممتاز ورخيصة جدا تقريبا لو دفع مقدم 30000 ممكن القسط يكون فى حدود 600 وحاجة وقطع غيارها كل يوم بترخص عن اللى قبله...وربنا يوفقكوا جميعا
شكرا للردود بس لسة مستقرتش على حاجة بصراحة
هاقول لك تعليق بسييييط القسط شحط يعني التقسيط بيبهدلك وتفضل تدفع والله اعلم باللي جاي والايام يتخبي ايه يجيب علي قد فلوسه دلوقتي ولو قدر يحوش يزودها باللي احسن منها بعد سنه ويمكن اقل حسب احواله ياجماعه الاقسط في اوله سهل وبعد كده عذاب
أيوة يا جماعة تمام بس هو على فكرة راجل كبير و سيارة عائلية يعني و معوش أكتر من كدة
لو المقدم 30000 و القسط 800 معني كدة ان سعر العربيه الجديدة يكون حوالي 65000 جنيه
يبقي خليه يدور في الحدود دي اعتقد ان اللوجان او اللانوس اختيار كويس و لو بيحب الهاتشباك يبقي يبص علي البيكانتو و ال i10
الكلام ده ممتاز جدا
وده بيأكد خطورة الشراء بالقسط لو إنه معهوش يغطي ومعتمد فقط غالبا على وجود معاش أو راتب أو أرباح أو أي صورة من صور الدخل...يجيب باللي معاه دلوقتي حاجة سهلة في إعادة البيع..ويحوش أو يدخل جمعية ويجيب بعد كده اللي هو عاوزه
تبقى عربيته دلوقتي ملكه تماما يتصرف فيها كما يريد...واللي يجيبها بعدين هتكون أوفر كتير من لو كانت قسط لأنها بتزيد حوالي 20٪
هو أنا جربت تجربة القسط بس الدنيا مش سودة قوي كده. الغلط هو سوء التخطيط يعني أنا لو اقدر احوش 2000 جنيه في الشهر ماخشش في قسط 2000 جنيه لأ لازم اظبط الميزانية وأعرف أنا نفسي احوش كام عشان المصاريف اللي ممكن تواجهني كام في حالة جواز, طفل أو ظروف. وطبعا مصاريف العربية الدورية أو اصلاح الحاجات البسيطة ( حتى لو مأمن مش هاخلي التأمين يدفع تم مراية أنا شايله ل حادثة لا قدر الله ) يبقى هلاقي إني مثلا ممكن الدفاع قسط 1000 واحوش الباقي. الغلط إن يغرك المبلغ اللي بتحوشه وتحطه كله في القسط. ونصحية مهمة شيل تمن قسطين على جنب قبل ماتبتدي ( محدش يضمن ظروف الشغل ) يعني قسطين على 3 شهور سامح بتوع معظم البنوك يقضوا إنك تغير شغل لو حصل حاجة في الشغل أو في مصدر الدخل لاقدر الله. المهم الحساب والتخطيط بس المبدأ كويس.
ياجماعه اللي بيقول ان القسط بيزود سعر العربيه 20 % فقط يبقي ماحسبهاش صح لان اي تقسط عربيات باي طريقه وباي اسلوب بيكون اجمالي المبلغ اللي بيدفعه زياده علي سعر العربيه الاصلي هو نسبة من 40 الي 45 % من السعر الاصلي ومن فضلكم احسبوها صح واللي واخد عربيه قسط يقول سعر عربيته الكاش كام والاجمالي علشان ياخد المخالصه بقي كام بما فيه التأمين .
اللي بيستسهل القسط بدخل نفسخ في متاهه ويرجع يندم بعد فتره والله ده مش كلام وخلاص ولو الواحد بيقبض 2000 جنيه في الشهر يعني في شغل قطاع خاص وده مش مضمون ووارد مع الاسف انه يفقد العمل من غير مقدمات او تقصير منه يكون ايه العمل؟ ياجماعه اعقلو الامور بجد وايه يعني لما اركب عربيه علي قد فلوسي ولما تتيسر اكمل واجيب الاحسن ؟؟؟؟؟ ومن ناحيه تانيه ان العربيه كل يوم بتفقد في سعرها يبقي انت بتزود في سعرها عليك وهي بتنقص كمان يعني من الناحيتين متأذي فعلا
أنا متشكر جدا يا جماعة على الردود القوية دي بس أنا محتاج أشرح شوية الظروف
الراجل على المعاش و معدي الستين و مصدر دخله من ايجار للعقارات و هوة ممكن يدفع أكتر من كدة في القسط لكن ماشي بمبدأ انه هيصرف على العربية أكيد و في نفس الوقت معوش سيولة الآن لكن ممكن بعد كدة لو اضطر يفك حاجة و يدفع الباقي اللي عليه
و هو على فكرة معه حاليا شاهين و هيبيعها و عايز يجيب عربية مريحة أكتر و ده السبب الأساسي في التغيير و لازم تكون حاجة عائلية طبعا ..
و بالمناسبة فيه حد عايز يشتري .. هي عربية ممتازة و كانت مرفوعة فترة كبيرة أوي عشان كان شغال في الخليج
في رأيي طالما قسط يبقى المستعمل اوفر, بس يتروى اوي و ميستعجلش
كلامي ممكن يكون غريب بس لو هاقسط حتى موبايل مانا استنى لما يبقى معايا كاشه
أنا مقسط مبلغ 42 ألف جنيه على 3 سنين بيزيد كل سنة 4200 جنيه يبقى الاجمالي 54 ألف جنيه. 30 في المية زيادة ده غير إني بخسر عائد استثمار الفلوس ديه لو كانت معيا . فعلا هي الحسبة اللي حضرتك قلتها صح وبتفرق على حسب السنين. بس الفلوس اللي البنك بيدفعها في الأول هو كمان كان ممكن يستثمرها والبنك حقه يعتبرك مستثمر. حضرتك ( أو أنا أو أي حد بيجيب عربية ) اللي جبت بيها سلعة استهلاكية معمرة نوعا ما مش استثمرتهم. بس المبدأ نفسه كويس لو حضرتك خططها صح.
خليك فاللانوس ب 63 الف تقريبا
وعربية صباح التوفير من حيث البنزين و ر خص قطع الغيار