ممكن صوره توضح مكان الشنبر فى الموتور
والمكنه لو محتاجه طقم شنبر ايه تانى بيتغير معاه
يعنى طقم الشنبر كله ب 100 جنيه ليه بسمع اسعار خرافيه فى الموضوع ده الى يقول 500 والى يقول 700 وحاجات كده
ليه هو الشنبر بس هو الى بيتغير مش كده ولا انا غلطان
عرض للطباعة
ممكن صوره توضح مكان الشنبر فى الموتور
والمكنه لو محتاجه طقم شنبر ايه تانى بيتغير معاه
يعنى طقم الشنبر كله ب 100 جنيه ليه بسمع اسعار خرافيه فى الموضوع ده الى يقول 500 والى يقول 700 وحاجات كده
ليه هو الشنبر بس هو الى بيتغير مش كده ولا انا غلطان
هي عباره عن رينجات زي اللي في الصوره ديه
http://www.cbperformance.com/catalogimages/1060.jpg
ووظيفتها انها حلقات معدنية تركب حول البستم لاحكام عملية السحب
والضغط
و مستني الاستاذ سمير يأكد على كلامي لأني نقله من مواقع تانيه
المعلومه صحيحه لكن برضه علشان تعرف اكتر عن الشنبر فهي كالاتي :
اولا البستم ده موجود في قلب غرف الاحتراق في الجزء الاسفل من الموفور وهي تعتبر قلب الموتور وعند تغييرها لابد من تغيير الاتي تبعا لها وهذا الافضل لك من جميع النواحي
اولا يتم فك وش السلندر للتاكد من حالته ومراجعة كبسه واذا لزم الامر يستحسن تغيير الصبابات ويلزم ايضا تغيير جوانات وش السلندر والتكلفه دي تضاف الي ال 100 جنيه ثمن الشنبر وتتراوح بين 50 جنيه الي 200 جنيه .
ثانيا لابد من مراجعة غرف الاحتراق نفسها بحيث يتم مسحها للتأكد من عدم وحود تاكل بمعني انه لاتوجد تسلخات في الجدران حتي لاتسرب زيوت وتفشل عملية تغيير الشنبر .
ثم ان هناك جوان الكراتيره السفليه في حدود من 15 الي 35 جنيه .
رابعا لابد من زيت موتور جديد
لاتنسي ان الميكانيكي له مصنعية ايده اللي هاتفك و تقفل و تراجع و تظبط
خامسا لابد من تغيير الزيت بعد 300كم والفيلتر وكذلك طقم السرفيس كاملا
بمعني اصح لايمكن ان تقل التكلفه عن 500 جنيه وده خارج اي احتياجات اخري يعني لما انت بتفتح الموتور بتفتح بطيخه مجهوله ولما تفتح تاكد من اي شيء فيه نسبة شك ولو 1 في الميه ظبطه لانك مش هاتفتحه كل يوم وتاكد من ان الشنبر اصلي ولو فيه شنبر اغلي وافضل اشتريه لانك بتشتري دماغك من الفتح في وقت اقصر . والله يعينك ويوفقك
ردود مفيدة جدا من الاعضاء شكرا لك عضو شارك في الموضوع
ربنا يستر دلوقت الناس بتريح دماغها من وش الصنايعية وبتغير النص الفوقانى أو التحتانى أو المكنة كلها إكراما لخاطر الصنايعية.
يا جماعه انا عندي ناس زي الفل بامانه و انا مش باتعامل معاهم معاملة الزبون لكن ليا دلال عليهم لاني فاهم شغلهم كويس وهما عارفين وبيخدموا بجد وبذمه اللي يحب اي خدمه اعرفه بيهم