الموضوع: تحذير من شراء او استخدام Mobinil USB Modem

المشاركة الأصلية كتبت بواسطة ACE

ههههههههههههههههههههههه
انا قريت كلامك كله والله

بس الغلطة من عندك اساسا
حد مايعرفش يعنى ايه مكالمات محلية !!!!

اى مكالمات داخل مصر تبقى محلية

بس برده ارجع واقولك اسوأ خدمة عملاء فى العالم هى موبينيل
وتحس ان كل الى بيرد عليك بيكون اول يوم يستلم فيه الشغل (ابيض خالص مالص)
وبتفرسنى جدا منهم جملة (مازلت بتابع معاك يا فندم) تحس انها لبانة فى بقهم بسمعها فى المكالمة على الاقل 3 مرات

هههههههههه صباحك عسل ياباشا :))

أصل بص انا كلمت خدمة العملاء عشان أعرف فاتورتى كام . حلو؟

لقيت اللى بيكلمنى بيقولى اشتراكات كذا وخدمة مش عارف ايه كذا ومكالمات محمول كذا ومكالمات محلية كذا

ومن هنا بدأ الصراع

وأنا قعدت أقوله انا معملتش مكالمات محلية ولو هو فاهم أصلا كان قالى

وأنا ما زلت بتابع معاك يافندم هههههههههههههههههههههههه

المشاركة الأصلية كتبت بواسطة m7amd_7amdy

هيا فعلا شركة معفنة على الرغم انى لسه مستمر فيها

أخر موقف حرق دمى منهم

جت فلوس على الفاتورة بتاعتى مكالمات محلية بقيمة 77 تقريبا على ما أفتكر

وانا متأكد انى معملتش مكالمات محلية

والبقال اللى كنت بكلمه فى خدمة العملاء بيقولى اه يافندم دول مكالمات محلية أقوله ازاااااااااى انا معملتش مكالمات محلية ابدااا

باختصار الحل انى اعمل فاتورة تفصيلية عشان نعرف الفلوس دى بتاعت ايه بالظبط قولتله اعمل ياسيدى

قالى حضرتك تروح الفرع وقفلت معاه ورحت الفرع هنالك قالولى لالالالا انت تكلم خدمة العملاء وهما هيعملوهالك علاطوول

كلمت خدمة الزفت تانى وقالولى هو حضرتك منين وفين ورحت انهى فرع قالولى لالالالا انت تروح الفرع اللى فى الفولان الفولانى

رحت الفرع التانى وهناك لقيت خدمة الفواتير التفصيلية بايظة :)

وقالولى سيب رقم حضرتك واحنا هنكلمك بكرة طبعا عدى بكرة وبعده وبعده ولا حد عبرنى. روحت تانى قالولى فعلا الجهاز بايظ ومش عارف ايه وسيب رقم تليفونك قولتلهم مانا سايبه من 3 ايام قالولى معلش يافندم سبته وخلعت

وبرده مفيش فايدة المهم كلمت خدمة البتنجان عااااشر مرة وطبعا كل مرة كنت بحكى القصة من أولها وتوصلنا ان انا عشان تنزلى فاتورة تفصيلية لازم أبعت صورة بطاقتى على الفاكس بتاعهم ( يادى النيلة )

المهم إدونى رقم ابعت عليه وبعت فعلا أتصل بيهم هاااااااااااااا ملكوش حجة صورة البطاقة وصلت؟؟

مفيش حاجة يافندم انت حضرتك بعت على رقم كام بعت على كذا كذا كذا

قالولى لالالالالا مش ده يافندم بتاع البتاع ( الله يخربيتكوا أصل انا شغال عند الل)

المهم ادونى رقم تانى وبعت عليه يجى أكتر من 5 مرات وكل مرة يقولولى لالا مجتش لالا اصل الصورة مش واضحة لالالا مش عارف ايه

الموضوع ده خد تقريبا شهرونص او شهرين واللى بحكيه ده كان على فترات طبعا

لحد مزهقت منهم اتصلت أخر مرة بخدمة الطرشى دى ورد عليا واحد طلع بيفهم الحمدلله وحكيتله القصة كلها (زى عباس الابيض وانا ماشى فى العراق لقيت جثة هههههه )

قالى مين قالك كده يافندم ده كلام غلط اصلااا ومفيش فعلا مكالمات محلية انما دى مكالمات محمول بس مكتوبة فى الفاتورة انها محلية وشرحلى الفاتورة حتة حتة بصراحة كان فاهم جدااا (أصل الفاتورة بتبقى مبعجرة وفيها حاجات كتير مش مفهومة)

وخلاص خلصت القصة

تخيل بقه شوف عملت كام تليفون لخدمة العملاء وكام واحد رد عليا وحكيت القصة كام مرة ومحدش كان فاهم حاجة :)))

أنا عارف ان محدش هيقرأ حاجة هههههههههههههههه

مساء العسل يا إتش :))

مساء الفل يامعلم :)