الموضوع: رسالة لأحد الأعضاء .. القصة واضحة .. ماتزودهاش

المشاركة الأصلية كتبت بواسطة hegazio

أحد الأعضاء المشاركين في القسم .. المشاركين بشدة .. لكم ان تتخيلو انه من واقع 200 مشاركة أو أقل شوية .. 123 مشاركة في اسبرانزا .. و هو لا يملك اسبرانزا و يهاجمها بشدة و بدايات مهاجمته في هذا القسم تسببت في اهانة اعضاء محترمين كتير و شكاوي و غيره
كنت اظنه احد جنود الشركة اياها ( بيقبضو بعض الشباب مبلغ 200 جنيه شهريا عشان يقعد يشنع علي الماركات المنافسة و يشيد بجمال الماركة المهببة ) و لكن بقرائة تاريخ مشاركاته .. اتضح انه ربما يكون سببا اخر!
شخص عادي .. مصري اصيل .. شاب ليس غنيا و لكن ميسور الحال ( زي اغلب من في القسم ) اشتري من فترة اسبرانزا و طلعت البطيخة قرعة .. و شكله باعها و راح تقريبا جايب عربية ياباني مصري ملغية من السوق العالمي بس خلاه في المضمون .. يعني الواحد حيتقرص مرتين ؟!!!
و بدأ حملة شنيعة لمهاجمة اسبرانزا .. طبعا كأسلوب نفسي نايع من العقل الباطن بأن قرار الاستغناء عن السيارة كان صح .. و ان الفلوس اللي خسرتها حبهدل ابو الفتوح بيها في كل مكان !!

اقول لك .. عندك حق .. و مقدر لما تشعر به .. و لكن راعي ضميرك .. و خذ حذرك من اسلوبك
ليس لأن بطيختك قرعة ان كل البطيخ اقرع .. بعض الاعضاء عملو اكثر من 200الف بالعربية بدون مشاكل و نسبة ان تكون العربية معيبة في افضل السيارات لا يمكن ان تكون صفر .. و لكن اهدأ بالله عليك
بعض الأعضاء مواطنين مصريين اصيلين ايضا .. كانت سياراتهم تحويشة عمرهم و فرحة اعينهم
و بعض الأعضاء خبرة كبيرة جدا في مجال السيارات و بعضهم في مقام والدك

و لذلك .. انقل تجربتك .. و هذا حقك .. و لكن لا تتخذها حربا و لا تفتري في ادعاءات باطلة .. ولا تكذب من قال ان سياراته اصيله معه .. بل نقول ( الحمد لله ان سيارتك جيدة و ان حظي كان سيء و ربنا يبارك لك )
اهدأ .. و لست وحدك معني بهذه الرسالة .. فهناك عضوين أخرين
أما جنود ....* و أشباه ( أكرم ) فمصيرهم كمصيره .. سيعرفون بسيماهم و ستلغي عضويتهم و بئس المصير

ارجو ألا تغضب .. استعذ بالله من الشيطان .. و قل رب بارك لي في سيارتي و اجعلها افضل من سلفها

انا مش مختلف مع حضرتك بس برضة لازم نقدر الحالة النفسية لواحد دفع حوالى 70000جنية برضة مبلغ ولو قسط يبقى مبلغين مش مطلوب منة انة لما يخسر 15000/20000 جنية انة يبتسم ومش مطلوب منة انة لما يتنكد بفلوسة وبسبب العربية الزيرو الللى كان متخيل انها هتريحة انة يتريث فى انفعالاتة ثم مفيش حاجة اسمها بختك يا ابو بخيت فى عالم الزيررو وبدل ما نطلب من المجروح انة ميسرخش نطلب من اللى بيجرحة انة يرحمة كان اولى نطلب من التوكيل معالجة كل البطيخ الاقرع او استبدالة /////////////////////////وياريت حضرتك تقولنا مين الاعضاء الاجورين المندسين اللى بياثروا على تفكيرنا وبيوجهوة لمصلحة ماركات معينة عشان المنتدى يشطبهم ويمنع دخولهم وعشان احنا كمان نعرف اسلوبهم فى الكلام عشان لو دخلوا باسماء تانية نعرفهم وطالما حضرتك عارف بيقبضوا كام يبقى اكيد حضرتك عارف هما مين فياريت تساعدن فى استئصال هذة العناصر الفايدة من منتانا الجميل وممكن نقترح على الادارة فى قسم الاسبرينزا باالتحديد نظرا لحساسية ملاك هذة السيارة ان تكون اى مشاركة فيها شكوى من اداء السيارة يكون مكتوب فيها رقم الشاسية يعنى بجتهد وبحاول اريح الزملاء بس برضة رافض موضوع البطيخ

المشاركة الأصلية كتبت بواسطة Hegazio

والله يا باشا الموضوع ده خصيصا عشان موضوع الخناقات و الضرب .. ان شاء الله الناس حتهدأ .. !!!!!!!

و انا كمان بضم صوتى للاستاذ حجازى من خلال موضوعى http://www.nilemotors.net/Nile/166050-a.html