لماذا اشتريت ساجا ؟

**tamer_m_selim** · 19-07-2010 10:41 AM

مش أي حد يشتري الساجا عارفين ليه؟
لأنها مش منتشرة وفي ناس متعرفش شركة بروتون أصلا
أنا الحمد لله زي كتير من اللى اشتروها بحمد ربنا أنه وفقني واشتريتها
من فضلكم كل واحد اشتراها يكتب لماذا؟

**tamer_m_selim** · 19-07-2010 10:59 AM

أنا الحمد لله اشتريتها بعد :-
1- صديق قاللي انها عربية جديدة وشكر فيها.
2- دخلت على النت ووجدت ناس كتير بتشكر فيها برده.
3- دخلت على contactcars.com وقريت مواصفاتها.
4-قارنتها بالعربيات في مثل سعرها (أقل أو أكثر 10 ألاف جنيه).
5-المقارنة كانت بالنسبة للأتوماتيك full option .
6-قارنتها بالبيكانتو والأفيو والانوس .
7-هي الأفضل من كل السيارات اللي قارنتها معها.
8-كان دايما في جملة حاضرة في دماغي وانا بدرس الموضوع
"السيارة الحلوة هي اللي قيمتها أكبر من ثمنها"
9-استاخرت ربنا وتوكلت على الله.
والأن عملت بيها 650 كم والحمد لله .
ومن باب العرفان بالجميل أشكر كل من كتب حرف أفادني وأفاد غيري
في اتخاذ قرار الشراء لأن بدون هؤلاء عمر ما كنت أجروء أني أشتري
سيارة مش منتشرة زي الساجا.

**د_محمد مدبولي** · 19-07-2010 02:19 PM

مشكورعلى الموضوع
أنا عن نفسي قلت عن أسباب اختياري ليها وهي كالأتي:
الحقيقة أنا لما حبييت أشتري عربية جديدة حددت الميزانية وكانت في حدود 66-73 ألف فوري لأني باكره القسط في أي حاجة و كان العربيات في الرنج ده ( فيرنا – لانوس – لوجان – بونتو بعد التخفيض الأخير – و أخيرا الساجا ) الفيرنا و الانوس عربيات اعتمادية و استهلاكية في شارعنا المصري لكن سعرهم غالي عليهم و شكلهم حاجة بقالها عشر سنين نفس الشكل و غير مناسبين للشارع المصري (من رأيي الشخصي) و استبعدت البونتو لأني عايز سيدان مش هاتشباك بقى فاضل المقارنة بين الساجا و اللوجان ففضلت الساجا للأسباب التالية:
1- ماليزيا هي البلد المصنع و ده عن ثقة في الاقتصاد الماليزي و دعم لاقتصاد اسلامي متنامي
2- اسم بروتون اسم يعتمد عليه – كان عندي دكتور معاه ويرا و لغاية الان بيقول فيها أشعار
3- الشكل عندي في رأيي الساجا أجمل كتير و خصوصا من الخلف
4- قررت اني أجيب أوتوماتيك و ده كان متوفر في الساجا بس
5- أنا واحد من الناس أحب التميز و انا ماشي في الشارع و ده اللي بلاقيه في البروتون عموما
6- المعيشة داخل القاهرة لا تحتاج أكتر من 1300 سس

**cold_zero** · 19-07-2010 03:15 PM

ثقة فى شركة بروتون

**mo7hamedemad** · 19-07-2010 08:11 PM

موضوع جميل بس لية تخلية للساجا بس متخلية لبروتون عموما

على العموم انا اشتريت بروتون وخصوصا الساجا لانى
1. دعم لاقتصاد الاسلامى.
2.بحب الجين 2 بس امكانياتى مساعتدنيش انى اجبها وسعتها الساجا كانت لسة نازلة.
3.اى حد بيتشرى بروتون بيبقى وصل لدرجة حب ليها انة ممكن يتحدى الكل (زى كدة تمام ) ويجيبها .
4.+ كل الكلام الى انتوا قولتلوة

**tamer_m_selim** · 21-07-2010 12:13 PM

شكرا يا أخ محمد انتا قلت سبب جميل جدا لشراء سيارة من بروتون وهو تشجيع اقتصاد دولة اسلامية وأنا أؤيدك.

**allo** · 21-07-2010 01:46 PM

موضوع جميل تسلم إيدك

أنا جيبت الساجا مع إني مكنت أعرف عنها حاجة وكانت لسه نازلة للأسباب التالية
1- الشكل والمواصفات بالنسبة للسعر
2- قوة الموتور بالنسبة لكونها 1300 يعني اقتصادية
3- البدائل لنفس السعر متشجعش
4- ماليزي مش صيني
5- كماليات
6- وهو الأهم حب من أول نظرة :)

**yaseenmohamed** · 21-07-2010 09:39 PM

لأني عاشق لكل عربيه عليها لوجو بروتون

**vsaga** · 22-07-2010 02:42 PM

فعلا كل كلامكوا تمام زائد ان انا بحب الحاجة اللى مش منتشرة ده داء عندى زائد هى من وجهه نظرى كعربية سيدان عائلة فهى احسن من الفيرنا واللانوس

**misho502** · 25-07-2010 03:14 PM

[ALIGN=CENTER][TABLE....="width:70%;"][CELL="filter:;"][ALIGN=center]
"حكايتى مع بروتون"
[/ALIGN][/CELL][/TABLE....][/ALIGN]
بدأت الحكايه من سنه 2004 لما ركبت عربيه بروتون ويرا مع واحد صاحبى كان مأجرها , و مكنتش مصدق ان دى عربيه 1300 سى سى
من قوه السحب و الماتور بتاعها , المهم بقيت متابع لأى اخبار عن الماركه المجهوله دى و ليه مش منتشره مع انها سياره جيده جدا من حيث الأمكانيات و السعر و الأعتماديه ؟؟؟؟!!!!!
و بدأت اتعاطف معاها اكتر لما عرفت انها ماليزى و هى دوله اسلاميه !! و حبيتها لما شوفت الواجا و عشقتها عندما طلت علينا الجين2 بتصميمها الثورى التى تشعرك بأنها مفتوله العضلات لدرجه تجعل عضلاتها تبرز من البادى لتكاد تفتقه بقوه و شراسه غير محدوده , ليجعل العديد من مصنعى السيارات العالميه يقتبسون منها العديد من اللمسات التصميميه الداخليه و الخارجيه ايضا , يكفى انها هى الماركه الوحيده التى تنزل مصر لتحترم المستهلك فى كمالياتها ( مثال جميع فئات بروتون تنزل بجنوط سبور و افخم انواع الأطارات ) باستثناء فئه البيرسوانا الأدنى طاسات, مع العلم ان سيارات فارهه مثل فولكس تنزل مصر بطاسات!!!!!!!!!
يا للعجب!!!!!!!! و برده لسه ملهاش شعبيه كبيره!!!!!!!!!
المهم اقنعت اتنين من زمايلى يشترو جين2 واحد مو 2008 اوتو سبورت باكدج لون كافيه ماشاء الله تحفه فنيه بالعتب و الشنبات قدام و ورا و كان فيها مثبت سرعه (مبقاش ينزل) بس كان عيبها ان مفيهاش تابلوه و زراير الزجاج فى النص (اذواق) اتعدل من 2009 جابها واحد صاحبى تانى سوداء اوتو ماشاء الله جميله , بس للأسف امكانياتى مكنتش تسمح لى بشراء سياره وقتها , لحد ما ربنا وفقنى جبت الساجا (لسه مستلم امبارح) اوتو فضى لأن امكانياتى حاليا لاتسمح بأكثر من ذلك و كمان عايز عربيه عائليه لأنى متزوج و عندى طفل , وانشاء الله ان كان لى رزق و ربنا اكرمنى حجيب برده بروتون فئه تانيه (واجا او جين او بيرسوانا او .....) و مهما رجع بيا الزمن برده هى بروتون .
توقيع : العاشق الولهان لبروتون