الموضوع: الحد الادنى الى يخليك تعيش عيشه كريمه

حسب اخر احصاء رسمي عن المرتبات العام الماضي
متوسط مرتبات العاملين في الحكومة هو 800 جنيه
و متوسط مرتبات العاملين في القطاع الخاص هو 600 جنيه
طبعا شئ صادم جدا خصوصا ان القطاع الخاص طلع اقل
الاحصاء كان عن المتوسط يعني في ناس بتقبض 90 جنيه و اقل و في ناس بتقبض مليون في الشهر و اكتر

شخصيا اعتبر من اول 3000-5000 معقول لاسرة انها تبدء تصرف امورها

مع ملاحظة ان التضخم بيزيد بشكل بشع و في نفس الوقت اعتمادنا علي المستورد بيزيد و كل ما يزيد يبقي احنا بنصرف بالدولار و بنقبض بالجنيه
يعني جزء كبير من المصاريف بيضرب في 5.7 جنيه + ضرايب و جمارك
الحاجة البسيطة ام 50 دولار في مصر تبقي ب400 جنيه و الحاجة الي بمئات الدولار من الاجهزة الكهربية و الالكترونية تبقي هنا بالالاف.
و الاختيار هنا انك تدفع ارقام في بضاعة المفروض انها المستوي الطبيعي للمنتج او تشتري صيني مضروب اداءه سئ و بيسبب لك خسارة علي المدي الطويل.
و المحلي محكوم بالاحتكار و التحكم و تثبيت الاسعار او رفعها بدون سبب
و الموضوع مش اجهزة و بس حتي الاكل اغلبه مستورد

و الحمد لله علي كل حال

ايه الأرقام دي ياجماعه

انا شايف من 1300 الي 1800 حلو قوي قوي قوي بكل حاجه

عن نفسي ده اللي انا بصرفه واحيانا اقل بكتيير وساعات اكتر

بس انا عن نفسي بحب احوش عشان اعمل حاجه تنفعني بعد كده

يعني انا مش بشتري لبس كتيير - فسح قليله جدا - تقريبا مش بصيف - مش باكل من بره خالص الا في الشغل وحاجات عاديه جدا

احسبها معاكم

كيلو لحمه كل اسبوع = 4 * 50 = 200
50 جنيه بنزين كل اسبوع = 5*50 = 200
مياه + غاز + كهرباء = 50
4 فرخات نقول ب كله 150 مع اني مش عارف السعر كام
4 كيلو سمك مش لازم حاجه عاليه قوي نقول بلطي مثلا مش لازم جمبري : 4 * 15 = 60
لبن وجبن يوميا قول مثلا 6 * 30 = 150
خضار وفاكهه 50 * 4 = 200
مصروف جيبي مثلا 10 عشان سندوتشات = 10 * 25 عشان الاجازات = 250
اي حاجات زياده قول 300

يبقي الاجمالي 1560 جنيه من غير المدارس واحنا كده مرحرهنها شويه

ايه ابقي الأرقام الهلاميه دي؟

المشاركة الأصلية كتبت بواسطة islamnabil

حضرتك كده عملت مصروف شخص واحد
بدون اي التزامات او اقساط (ايجار - قسط عربية - جمعيات )
بدون اي مصاريف اخرى زي هدوم - فسح - ادوية - تليفونات - اشتراك نت و غيره كتير
بدون مصاريف الزوجة ولا الاولاد
يعني لمل حد يقول ان الاسرة 5000 او 6000 متهيألي يبقى مش هلامي

الحمد لله على كل حال

ماهو الأكل ده المفروض لاسره كلها يعني مش واحد بس
وال 300 حنيه الذياده المفروض تكفي التليفونان ولو ذودنا كمان 500 المفروض تكفي باقي المصاريف

انا محططش الاقساط والجمعيات لان ده حاجات مش طول الوقت

يعني انا مثلا لو هحط الحاجات دي يبقي اذود علي اللي قلته 4500 جنيه بالتمام والكمال بيطلعو كل اول شهر

بس انا بتكلم علي مصروف البيت يعني انا اكيد الجمعيه هتخلص والعربيه هتخلص