عرض للطباعة
ابويا بيفكر يجيب عربية فى خلال ال 3 شهور الجايين المهم العربية تكون عائلية عشان احنا 5 افراد و انا اصغر واحد فى العيلة فى تانية جامعة :) و لازم العربية تكون مريحة فى السفر و فيها مثبت سرعة وصوتها هادى فقدمنا اختيار اللى هو بيجو 307 station اللى هى sw فأيه رأيكم فى العربية دى هل هى كويسة و اللا نشوف حاجة غيرها وياريت تقولونا اختيارات تانية لو فى ؟ و كنت عاوز اعرف هى سعر ال307 sw بكام بالظبط عشان سمعت اسعار كتير؟
و شكرا
ما تشوفوا الافانزا
فى ناس بتقول على الافانزا ان متورها ضعيف عليها و ثباتها مش أوى
البيجو معاك تصرف جامد
يبقة مفيش مشكله مع اني لا ارجحها
اتفرج على الاوبل استرا ستيشن - اكيد هاتعجبك وتمنها 160000
بص هى البيجو 307 استيشن حلوة
لكن الأوبل أسترا استيشن الجديدة أحلى منها بكتييييير وأشيك ومش منتشرة زى البيجو استيشن وثمنها زى الاستاذ aaamaaa ماقالك 160000 جنيه
أنا أرشحهالك عن البيجو
اوبل استرا ستيشن 2008 تحفة
انا شوفتها فى المعرض ووقفت معاها كتير ولفيت و رجعت لها تانى (هى و الفكترا اختها الكبيرة)
شيك جدا وواسعة جدا و الشنطة بحر
حاول تشوف الميجان الستيشن فى حدود نفس المبلغ بتاع البيجو و الأسترا و صناعة فرنساوى مش تركى
ممكن تشوف الهيونداى Sonata عربية ما شاء الله جامدة و فيها كل الي انت عاوزة,, سعرها Automatic 164990
السلام عليكم و رحمة الله و بركاته
ممكن أرشح لك الأوكتافيا ستيشن ..عربيه عائلية ممتازه:)
عندك اختيارات كتير جدا منها السيفيك و الفكترا و الكرولا الجديده و الاوكتافيا و انا ارشحلك يا الاوكتافيا يا الفكترا
ممكن تشوف الميجان او الفوكاس الستيشن او ال307 تحفة طبعا
الاخوة بصراحة مانسيوش حاجة ولكن ممكن ارتب الاختيارات من وجهة نظرى وبالذات ان لى تجربة فى اختيار سيارة عائلية وعرضت التجربة على اعضاء المنتدى وفادونى كتير فى اختيارى
اولا:الاختيارات بالترتيب فى رايى
(1)تويوتا كورولا 2008 الجديدة
(2)سكودا اوكتافيا a5 ويستحسن كومبى
(3)تويوتا افينسيس
(4)بيجو 307 sw
(5)اوبل فكترا
(6)ميتسوبيشى لانسر الجديدة
(7)هوندا سيفيك ،سوبارو امبريزا،ميجان استيت،مازدا 3 ،vw caddy life
(8)هيونداى سوناتا
ثانيا:من واقع تجربتى مع اوبل فكترا 2007 وكورولا 2008 جنوب افريقى فالاسرة-6 افراد- مرتاحين جدا مع الكورولا من جهة الراحة والهدوء والنعومة والوسع والراحة النفسية
والجملة الاخيرة هى مربط الفرس فالسيارة المناسبة لاى شخص او اسرة هى التى يجدون فيها راحتهم البدنية والنفسية فعاين وقارن واستشر واستخر والله يوفقك
السلام عليكم ورحمه الله وبركاتهاقتباس:
المشاركة الأصلية كتبت بواسطة surgeon1
ازيك يا استاذ surgeon
وايه اخبار الكوكو معاك هل فيه مشاكل واجهتك فى التقفيل الجنوب افريقى
هل فيه ملاحظات على العربيه عموما
لو امكن تقيم لاخوك على السريع لانى ناول باذن الله احجز وفى نفس الوقت محتار بينها وبين السيفك ولانسر الشكل الجديد
الاخ العزيز:limo
شكرا على سؤالك عنى ومع انى بمر بوعكة صحية بسيطة لكن الحمد لله الذى لايحمد على مكروه سواه ودعواتكم جميعا انى اتعافى قبل 1/3 عيد ميلادى (علشان العيال يفرحوا وكمان يجيبولى هدايا) مع انهم بياخدوا ثمن الهدايا منى ههههه
ندخل بقى فى الموضوع :الكوكو دى بصراحة حكاية فخامه خارجية وداخلية وراحة فى القعدة ملهاش نظير (جعصنة يعنى) قعدة مريحة لجميع الركاب وطبعا اولهم القائد نعومة حرير،هدوء شديد،قيادة ممتعة جدا وبالذات مع الفتيس الملتى مود m-mt الخرافى اوتوماتيك ومانيوال(من الفتيس ومن الشفتات خلف الدركسيون)مع زر القيادة الرياضية امام الفتيس -طبطا جربت كل الحاجات دى لكن فى اضيق الحدود لانى لسة فى التليين-الصالون فخم جدا ،واسع جدا، مريح جدا،المسافة بين المقاعد الامامية والكنبة الخلفية واسعة بشكل مريح ومفيش مقب خلفى مما يعطى اتساع اكثر الشنطة فخمة وواسعة ومنظمة الخامات اكثر من ممتازة والتفيل ممتاز وليس هناك اى فرق ظاهر بينها وبين اليابانى لانى عاينت اليابانى فى الصالة اثناء الشراء،باختصار بعد مقارنتها نظريا وعمليا مع السيفيك واللانسر والاوكتافيا والافينسيس تفوقت الكوكو فى اغلب النواحى وكانت النتيجة انها قابعة الان فى الجراج وانا اكتب هذه الملاحظات
املى اكون افدتك اعزم واستخر وتوكل على الله وبالتوفيق
0
0وبالذات مع الفتيس الملتى مود الخرافى
هى المهم تكون العربية كبيرة و اتوماتيك و مريحة فى السفر و فيها cruise control فمش هينفع اللانسر الجديدة عشان مفيهاش مثبت سرعة و الاكتوفيا اغلى من 160 و الافينسيس مانيول بس و السيفيك و سوبارو امبريزا و مازدا 3و كورولا 2008 الجديدة صغيرة علينا
فقدامى دلوقتى بيجو 307 station و الاسترا station عشان هما اكبر اتنين فى السعر ده فانهى احسن؟ و لو فى مقارنة بنهم يبقى كويس أوى و يارت لو فى اختيارات اخرى
و شكرا لكل ردودكم بجد الناس هنا بتحب المساعدة أوى
تويوتا كرولا الشكل الجديد بدون تفكير
توكيل محترم
عربية مش بتصرف
اعطالها قليلة جداً جداً
قطع غيار موجودة
رأي ابعد عن البيجو والفرنساوى عموماً " مصاريفه كتير "
يا جماعه
إزاي ما حدش فكر في الفورد فوكاس؟؟؟
دية عربيه رهيييييبه ما شاء الله
أنا لي 2 أصحاب، واحد جاب هوندا سيفيك 2007 والتاني جاب فوكاس 2007 برضه
أنا باركب العربيتين دايما، وية شهادتي
الهوندا موتورها طبعاً تسارعه أسرع، بس بعد كده الفوكاس أحسن في كل حاجه
الفوكاس عربيه عاليه عن الأرض بس ثباتها عالي جداً جداً جداً، وعربيه فخمه جداً جداً وقعدتها مريحه جداً وتديك شعور بالسيطره.
وعلى فكره توكيل فورد محترم جدا وعاوز ينتشر فا بيلعب على إنه يعمل سمعه كويسه في الفتره اللي جايه.
نصيحه يا جماعه إنزلوا بصو على الفورد فوكاس وبالذات الموديل العالي منها اللي إسمه "فورد فوكاس جيا"
سوناتا
اولا هيونداي
ثانيا قطع غيار موجودة و معقولة
ثالث اعادة بيع سهلة
رابعا ليها ضمان
خامسا 2000 سيسي و في منها 2400
سادسا شكلها و ركوبها جامد قويييييييي
بس يا سيدى حسب انت عايز العيلة (ال5 أفراد) يركبوا العربية و لا يزقوها
لو عايزهم يركبوا جوه العربية و تسافر بيها نصيحة لاااازم تعمل test drive للعربية اللى هتشتريها دى علشان أنا لاحظت أن الناس بترشحلك عربيات station و كلها 1600cc يعنى من الاخر شكلكوا هتزقوا
ال civic و ال corolla عربيات ممتازة و واسعة بس ال civic شبابى شوية
على فكرة الoctavia ب 160 بالظبط عند الموزعين automatic لو عايزها
نصيحة منى اشترى السوناتا
2000cc ب 165000 (ممكن ارخص عند الموزعين برده اسال) عربية ممتازة محترمة قوية شوف ال reviews بتعتها online و ضمانها 100000 كيلو يعنى لو بتمشى 20000 كيلو فى السنة العربية هتعد 5 سنين فى الضمان.
العربية واسعة جدااااااااااااااااااااااا اااااااااااا (اوسع من كلللللل العربيات اللى انت سمعت عنها) و عائلية جدا و أفخم منهم كلهم
الoctavia و الباقى 1600cc نصيحة بس شوف سحبهم عامل ازاى قبل ما تشترى.
السلام عليكماقتباس:
المشاركة الأصلية كتبت بواسطة sharky
أنا مع الرأى دة :):):)
شكرا اوى لردك بس هى الفكرة اننا عاوزيين اكبر عربية فى السعر دة فأكيد السوناتا مش هتبقى اكبر من 307 استيشين او استرا ستيشين فعشان كدة الاستيشين اكتر حاجة تناسبنا غير ان فى ناس كتير بتقول متدفعش فى عربية كورى 160 الف لما ممكن تجيب المانى او فرنساوىزاقتباس:
المشاركة الأصلية كتبت بواسطة som3aa
اما بالنسبة لحكاية ان 1600 قليل اوى على الاستيشين كفاية ان البيجو 307 استيشن كترت اوى فى الشارع و كمان لو شوفت التسارع بتاعها هتلاقيه من 0-100 فى 12 ثانية و دة مش وحش عشان انا اكيد مش هاشد بيها
الميجان الستيشن made in france
على الفكرة انا معيا 307 Sw عربية جامدة جدا فيها كل الكماليات مريحة جدا عفشة ناعمة متور جامد وسحب عالى قطع الغيار غالية شوية انا راى بيجو طبعا
انا انصحك و بشدة بالميجان الستيشن انا امبارح ركبتها فى معرض و انبهرت بصراحة تحفة فنية رائعة و الى بسقف بانوراما تحفة اوى اوى
الستروين c4 Picasso حلوة موت