غسيل العربية اللانوس

**dentist2future** · 19-07-2010 12:57 PM

أنا مش بحب أغسلها في مغسلة لان
سمعت ان اللانوس تحت الكرسى بتاع السائق فى كومبيوتر
ممكن يدخل مياه اليه لو الرش بتاع المياة متجه اليه
المهم بغسلها عند الناس العادية برة وجوة قصدى يعنى اللي بجركن دول بس
المهم
انا مشكلتى في الحتة اللي اسمها ايه دى
الجزء اللي تحت الكبوت
اللي بيبقى فيه المكنة والبطارية وخلافه
بيتملى تراب
ومش عارف يتغسل ازا ي
كان ساعات الميكانيكى بيملى بتاعة كدة زى ازازة بلاستيك ويملاها مياة مع بنزين باين ويرش عليها
ما هو أفضل وأامن طريقة لغسل هذا الجزء أفيدونا

**megosoft** · 19-07-2010 01:26 PM

على فكره من وجهه نظري: احسن غسيل للعربية هو الجردل والبله- اللي هو حضرتك بتقول عليه-
سيبك من موضوع ضغط الميه العالي ده لأن ضرره اكبر من نفعه--- اما بالنسبه لـــ

انا مشكلتى في الحتة اللي اسمها ايه دى
الجزء اللي تحت الكبوت

تقصد حضرتك الحوض. شوف لو العمليه شويه تراب زي ما بتقول - احسن حاجه خرطوم هواء , والحوض ح يرجع زي الفل.

**احمد المصرى** · 19-07-2010 01:29 PM

روح بنزينه محترمه وخليهم يغسلوا العربيه غسله محترمه وارفعها علشان يغسلوا الشاسيه علشان النظافه حلوه حتى للعربيه مش الانسان بس

والموتور بيتغسل بالفوم انظف من الجاز علشان الجاز بيشقق الخراطيم

بالنسبه للجزء ال انت خايف عليه ايه ال هيجب ميه عنده هو انت هترش مايه بداخل العربيه ؟؟؟؟؟؟؟؟

انت هتعمل من الداخل المكنسه وخلاص

وابق افتكر خلى الراجل يغطى الموبينا بكيس وخلاص وربنا يسهل

**khalid9411** · 19-07-2010 11:13 PM

افضل شئ للغسيل الخرطوم العادى ضغطه خفيف
مش المسدس اللى هيبهدل الدنيا حتى فى شويه البويه

**dentist2future** · 20-07-2010 05:51 AM

يا باشا أنا أخاف من غسيل العربية عند البنزينة بخرطوم المية ده
لان ليا تجربة سيئة قبل كدة
والعربية بقت بتقطع ومش عارف قالو الكومبيوتر وصله مياة ومش عارف ايه
وبالنسبة لغسيلها فأنا بغسلها كل 3 اسابيع تريبا او شهر عند الناس بتوع الجردل والبلة دول
وبصراحة تمام وبستريح وبحس ان العربية نظيفة وبكل الحاجات دى
أنا مشكلتى فى حوض العربية فقط
لانه بيتملى تراب ولو الموضوع خرطوم هوا وخلاص سهلة
بس اجيبه منين ده
هل قصدك اللي بيبقى عند العجلاتى ولا قصدك حاجة تانية

**zomzom11** · 20-07-2010 10:58 AM

نصيحة الميكانيكى ليا ماتقربش ناحية الحوض الا للاصلاح والسرفيس بالنسبه للنضافه مطلوبه فعلا بس كفايه قوى مسدس الهواء وانت بتعمل هوفر فى البنزينه او وانت بتغير زيت فقط هواء فقط وربنا يوفق الجميع