الموضوع: استفسار بخصوص تسريب زيت ع الموتور من برة

السلام عليكم , السيارة نوبيرا 2006 عاملة 39000 كيلو و حالتها العامة ممتازة , لكن لاحظت وجود تبخير زيت على الموتور من برة لما بيتساب فترات طويلة بدون نظافة 6 شهور فاكثر بيكتر و بيخلى شكل الموتور وحش خالص , رحت للميكانيكى قاللى ده جوان غطاء التاكيهات و نصحنى انى ما اغيروش و انى اتجاهل المشكلة دى , ليه - على حسب كلامه - 1- اللى عندى مجرد تبخير زيت و ما وصلش لمرحلة التسريب , 2- جوان غطاء التاكيهات لما بيتغير مرة بتبقى فاتحة و اتفتحت و لازم يتغير كل شهر او شهرين بالكتير لان كل اللى موجود فى السوق اى كلام و مش زى الاصلى.
ياترى كلام الميكانيكى صح و لا هو بييقول كدة علشان هو مش كفاءة , الرجاء النصيحة بخصوص الانواع و الاسعار و اماكن التركيب علما بانى هنزل القاهرة بالعربية قريب , و لكم جزيل الشكر.